តាមប្រភពព័ត៌មាន Soccer Laduma បានឱ្យដឹងថា កីឡាករអាហ្ស៊ីប Mohamed Salah ត្រូវបានគេស្គាល់ថា ជាកីឡាករខ្លាំងម្នាក់ក្នុងចំណោមកីឡាករផ្សេងទៀតនៅអឺរ៉ុប តែកីឡាកររូបនេះធ្លាប់បានធ្វើឱ្យគេច្រលំស្មានតែមានប្អូនភ្លោះ…
តាមប្រភពព័ត៌មាន Soccer Laduma បានឱ្យដឹងថា កីឡាករអាហ្ស៊ីប Mohamed Salah ត្រូវបានគេស្គាល់ថា ជាកីឡាករខ្លាំងម្នាក់ក្នុងចំណោមកីឡាករផ្សេងទៀតនៅអឺរ៉ុប តែកីឡាកររូបនេះធ្លាប់បានធ្វើឱ្យគេច្រលំស្មានតែមានប្អូនភ្លោះ ព្រោះតែលេងឡើងជើងលឿនពេក ។
កីឡាករវ័យក្មេងរូបនេះ ចាប់ផ្តើមលេងបាល់អាជីពដំបូងនៅក្លិបស្វីស Basel FC ដែលជាកំណើតភាពជោគជ័យនៅពេលសព្វថ្ងៃនេះ ។ អតីតគ្រូបង្វឹកក្លិប Basel លោក Heiko Vogel បានផ្តល់បទសម្ភាសន៍ជាមួយនឹង SPOX ថា៖«វាច្បាស់ណាស់ ដែលថាគេ (Salah) គឺជាកីឡាករលេចធ្លោចំពោះខ្ញុំ តែគេធ្លាប់ធ្វើឱ្យគ្រប់គ្នាច្រលំថា គេមានប្អូនភ្លោះ»។
លោកបានបន្តថា៖ «គេបានហ្វឹកហាត់នៅលើតារាងដំបូង អន់មែនទែន ។ ដល់ថ្ងៃបន្ទាប់ គេក៏លេងបានល្អបន្តិច ។ ពេលថ្ងៃទី៣មកដល់ ស្រាប់តែគេធ្វើឱ្យអ្នកលើតារាងទប់ស្ទើរតែមិនជាប់ជាមួយថ្វីជើងដ៏ល្អរបស់គេ ។ ខ្ញុំពិតជាកម្រនឹងឃើញការលេងយ៉ាងល្អបែបនេះណាស់ ។ វាពិតជាអស្ចារ្យ»។
គួរបញ្ជាក់ផងដែរថា Salah បានចំណាយពេល២រដូវកាលជាមួយនឹង Basel ដោយរកគ្រាប់បាល់បាន២០គ្រាប់ ក្នុងការប្រកួត៧៩ដង មុនពេលទៅលេងនៅក្លិប Chelsea ។ ក្រោយមកគេក៏មកលេងនៅក្លិបហង្សក្រហម Liverpool នៅឆ្នាំ២០១៧ ៕
ប្រភព ៖ soccerladuma , កែសម្រួលដោយ ៖ សំណាង
ចែករំលែកព័តមាននេះ