រាជធានីភ្នំពេញ ៖ អ្នកគាំទ្រកំពុងតែតាមដានយ៉ាងប្រកិតតែម្តង នៅពេលលេចធ្លាយពេញសង្គមសិល្បៈថា តារាសម្តែងល្បីឈ្មោះ ម៉ាក សែន សូនីតា ហៅតូតា ដែលបានបង្កាត់ភ្លើងស្នេហ៍ជាមួយបុរសពោះម៉ាយជាថៅកែផលិតកម្មថា…
រាជធានីភ្នំពេញ ៖ អ្នកគាំទ្រកំពុងតែតាមដានយ៉ាងប្រកិតតែម្តង នៅពេលលេចធ្លាយពេញសង្គមសិល្បៈថា តារាសម្តែងល្បីឈ្មោះ ម៉ាក សែន សូនីតា ហៅតូតា ដែលបានបង្កាត់ភ្លើងស្នេហ៍ជាមួយបុរសពោះម៉ាយជាថៅកែផលិតកម្មថា នាពេលថ្មីៗនេះ កំពុងតែដើរចែកធៀបការយ៉ាងតក់ក្រហល់ទាំងកណ្ដាលវស្សា ជាមួយគូស្នេហ៍របស់នាង គឺលោក ប៉ុល វិបូ ហៅ នីត ។
ដើម្បីបន្សាបព័ត៌មាននេះ នាងបានចេញមកមុខបញ្ជាក់ច្បាស់ៗតែម្ដង ដើម្បីកុំឲ្យមានចម្ងល់ច្រើនទៀត ដោយ តូតា បានអះអាងថា ស្នេហារបស់នាង និងលោក នីត គឺនៅតែផ្អែមល្ហែមជាមួយគ្នាគ្មានអ្វីដែលរំខាននោះទេ ការយល់ចិត្តគ្នា គោរពគ្នា អធ្យាស្រ័យគ្នា នៅតែមានដោយចំណុចអស់ទាំងនេះ ហើយរុញឲ្យប្រទីបស្នេហ៍រឹងប៉ឹងតទៅមុខ ។
តារាញញឹមស្រស់ ហើយក្លាយជាថៅកែហាងលក់គ្រឿងសមុទ្រនោះ ឱ្យដឹងទៀតថា នាងអត់ទាន់រៀបការទេនោះ ជាការភាន់ច្រឡំ តែអរគុណមហាជនដែលចង់ឲ្យចំណងមួយនេះឆ្លងដល់ច្បាប់ប្រពៃណីមង្គលការ ។ នាងសន្យាថា មិនឲ្យរំលងប្រពៃណីសំពះផ្ទឹមដែលកូនខ្មែរគ្រប់រូបទាំងប្រុសស្រីចង់បានឡើយ គ្រាន់តែសុំបន្តពេលមួយរយៈកាលសិន ។
ពួកយើងបានដឹងឮឲ្យតម្លៃពីចាស់ទុំសងខាងរួចរាល់ប្រការមិនទាន់រៀបការ គឺចង់សហការគ្នារកស៊ីទុកដាក់មុខរបរឲ្យរឹងមាំ ព្រោះពេលនេះរវល់ខ្លាំងរកពេលគិតរឿងផ្ទាល់ខ្លួនមិនទាន់បាន ។ តូតា និងគូរស្នេហ៍លោក ប៉ុល វិបូ ជាថៅកែផលិតកម្ម ដែលជាបុរសមានឥទ្ធិពលម្នាក់ត្រូវគេដឹងថា ក្រៅផលិតកម្ម ពួកគេបានបើកជំនួញជាច្រើនរួមគ្នា ក្នុងនោះមានភោជនីយដ្ឋានជាច្រើនកន្លែង និងជំនួញដីធ្លីជាច្រើនថែមទៀត ៕ (កែសម្រួលដោយ ៖ បុប្ផា)
ចែករំលែកព័តមាននេះ