រាជធានីភ្នំពេញ ៖ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានអះអាងថា ប្រាក់ ឈ្នួលអប្បរមាកម្មករនិយោជិកសម្រាប់ឆ្នាំ២០២០ វិស័យកាត់ដេរ និងសម្លៀកបំពាក់ និងផលិ តស្បែកជើងអាចនឹងដឹងលទ្ធផលនៅមុនថ្ងៃបុណ្យភ្ជុំបិណ្ឌខាងមុខនេះ ។
ក្រោយកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី១ នាព្រឹកថ្ងៃទី២៩ សីហាននេះ នៅទីស្តីការក្រសួងលោករដ្ឋមន្ត្រីអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានឲ្យដឹងថា កិច្ចប្រជុំនៅថ្ងៃនេះមានរបៀបសំខាន់ទី១ គឺការជ្រើសរើសអនុប្រធានមកពីភាគីនិយោគអនុប្រធានមកពីភាគីសហជីព ហើយលទ្ធផភាពភាគីនីមួយៗ បានបោះឆ្នោតជ្រើសរើស រួច ហើយ គឺជ្រើសរើសលោក ណាង សុធី អនុប្រធានមកពីភាគីនិយោជក និងលោក សោម អូន អនុប្រធានមកពីភាគីសហជីព ។
លោកបញ្ជាក់ថា ៖«អីញ្ចឹងទេមកដល់ពេលនេះក្បាលម៉ាស៊ីនរបស់ក្រុមប្រឹក្សាជាតិប្រាក់ឈ្នួលអប្បរមាមានលក្ខណៈពេលលេញដែលអាចដំណើរការបានដោយសារសមាជិកមានភាពស្មើគ្នាពីភាគីនីមួយៗ ។ អីញ្ចឹងទេនេះជាយន្តការត្រីភាគីក្នុងការផ្តល់យោបល់ពីប្រាក់ឈ្នួលអប្បរមាទើបធ្វើការសម្រេចជាចុងក្រោយ» ។ លោករដ្ឋមន្ត្រីក៏បានឲ្យដឹងថា ក្នុងកិច្ចប្រជុំនេះដែរ ភាគីក៏ពិភាក្សាពីព័ត៌មានទាក់ទង និងទិន្នន័យមួយចំនួនទាក់ទង និងការវិនិច្ឆ័យចំពោះការពិភាក្សាប្រាក់ឈ្នួលអប្បរមានេះផងដែរ ក្នុងនោះមានលក្ខណៈវិនិច្ឆ័យទាំង៤ លើបញ្ហាសេដ្ឋកិច្ច និងលក្ខណៈវិនិច្ឆ័យទាំង៣ ពាក់ព័ន្ធនឹងសង្គមដែលបង្ហាញ។
លោករដ្ឋមន្ត្រីក៏បានឲ្យដឹងថា កិច្ចប្រជុំថ្ងៃនេះ គឺជាលើកដំបូង ហើយនឹងមានកិច្ចប្រជុំបន្ត ទៀត ប៉ុន្តែខ្ញុំបានក៏បានដាក់ទិសដៅថា លទ្ធផលនៃការចរចាប្រាក់ឈ្នួល អប្បរមាសម្រាប់ឆ្នាំ២០២០ វិស័យកាត់ដេរ និងស្បែកជើងនឹងចេញនៅមុនថ្ងៃបុណ្យភ្ជុំបិណ្ឌដូចរាល់ឆ្នាំអ៊ីញ្ចឹង ។ ប៉ុន្តែរឿងនេះមិនទាន់សម្រេចទេ ព្រោះថា ប្រសិនបើមិនទាន់ត្រូវគ្នា គឺនៅបន្តចរចាគ្នាទៀត ។ លោកបញ្ជាក់ថា ៖« ខ្ញុំនៅតែប្រកាន់យកយុទ្ធសាស្ត្រដដែល គឺបើប្រជុំមិនទាន់ត្រូវគ្នា គឺត្រូវប្រជុំបន្តរហូតដល់ត្រូវគ្នា ឬនៅសល់តួលេខបន្តិចបន្តួចទើបយកមកពិភាក្សាសម្រេចចុងក្រោយ ។ យើងពិភាក្សាគ្នា ដើម្បីទទួលបានសុខដុមរនីយកម្មផ្នែកវិជ្ជាជីវៈនៅកម្ពុជា»។
យ៉ាងណាក្តី លោករដ្ឋមន្ត្រីបានអះអាងថា ការចរចាប្រាក់ឈ្នួលអប្បរមាកម្មករសម្រាប់ឆ្នាំ២០២០នេះនឹងមានភាពល្អប្រសើរជាងឆ្នាំ២០១៩ ប៉ុន្តែមិនទាន់ដឹងតួលេខនោះទេ ។ គួរឮកថាក្រសួងការងារកំណត់ប្រាក់ឈ្នួលឲ្យកម្មករសម្រាប់ឆ្នាំ២០១៩ គឺ១៧៧ដុល្លារ ហើយសម្តេចតេជោ ហ៊ុន សែន យកថវិកាជាតិបន្ថែមទៀត៥ដុល្លារទៀត ។ ដូច្នេះប្រាក់ឈ្នួលកម្មករសម្រាប់ឆ្នាំ២០១៩ គឺ១៨២ដុល្លារ និងត្រូវបើកជា២ដងក្នុងមួយខែ ។ ប្រាក់ឈ្នួលអប្បបរមាក្នុងឆ្នាំ២០១៨នេះ គឺ១៧០ដុល្លារក្នុងមួយខែ ៕ កែសម្រួលដោយ ៖ សុឃាក់
ចែករំលែកព័តមាននេះ