បុគ្គលណាមិនមានទិសដៅនៃជីវិតច្បាស់លាស់ បុគ្គលនោះច្រើនតែបរាជ័យនៅលើផ្លូវជីវិត ព្រោះតែមិនដឹងថា ជីវិតខ្លួនឯងរស់នៅដើម្បីអ្វី ហើយមិនដឹងថា តម្លៃនិងខ្លឹមសារជីវិតនេះវាស្ថិតនៅត្រង់ណា ហេតុនេះហើយមនុស្សយើងម្នាក់ៗត្រូវចេះរៀនកំណត់ទិសដៅសម្រាប់ជីវិតទុកឲ្យហើយ ដើម្បីធ្វើឲ្យដំណើរជីវិតរបស់យើងមានលំនឹងពិតប្រាកដ ហើយដើម្បីធ្វើឲ្យដំណើរជីវិតប្រព្រឹត្តទៅបានល្អ ។…
បុគ្គលណាមិនមានទិសដៅនៃជីវិតច្បាស់លាស់ បុគ្គលនោះច្រើនតែបរាជ័យនៅលើផ្លូវជីវិត ព្រោះតែមិនដឹងថា ជីវិតខ្លួនឯងរស់នៅដើម្បីអ្វី ហើយមិនដឹងថា តម្លៃនិងខ្លឹមសារជីវិតនេះវាស្ថិតនៅត្រង់ណា ហេតុនេះហើយមនុស្សយើងម្នាក់ៗត្រូវចេះរៀនកំណត់ទិសដៅសម្រាប់ជីវិតទុកឲ្យហើយ ដើម្បីធ្វើឲ្យដំណើរជីវិតរបស់យើងមានលំនឹងពិតប្រាកដ ហើយដើម្បីធ្វើឲ្យដំណើរជីវិតប្រព្រឹត្តទៅបានល្អ ។
លោកអ្នកជោគជ័យបានពោលថា ទិសដៅជីវិតដែលប្រព្រឹត្តទៅបានល្អប្រសើរ លុះត្រាតែអ្នកនោះ គឺជាអ្នកមាននូវសតិ សម្បជញ្ញៈ ភ្ញាក់រលឹកជានិច្ច ដើម្បីទប់ស្កាត់ចំពោះអារម្មរណ៍មិនល្អណាមួយដែលកើតឡើង ហើយចូលមកបៀតបៀននៅក្នុងខួរក្បាលរបស់យើង ដោយសេចក្តីអំណត់អត់ធ្មត់យ៉ាងក្រៃលែង មិនត្រូវមួម៉ៅ ក្តៅក្រហាយ ទៅតាមអារម្មណ៍នោះៗឡើយ ត្រូវចេះរៀបចំអារម្មណ៍របស់ខ្លួនឲ្យបានស្ងប់រម្ងាប់ចាក់គ្រឿងសៅហ្មងទាំងឡាយ ព្រោះថាកាលបើអារម្មណ៍ល្អកើតមានហើយ ការកំណត់ទិសដៅនៃជីវិតរមែងមានប្រសិទ្ធភាពខ្ពស់ ។
បើនិយាយពីទិសដៅពិតប្រាកដរបស់ជីវិត ដែលរស់នៅគ្រប់សម័យកាល មិនមែនបញ្ចប់ត្រឹមតែភាពសប្បាយហ៊ឺហា មានលុយចាយ មានបាយហូប មានឡានជិះ មានផ្ទះសម្បែង មានការងារល្អៗធ្វើនោះទេ គឺត្រូវតែមានខ្លឹមសារនៃជីវិតផងទើបប្រសើរ ។
អ្វីទៅជាខ្លឹមសារនៃជីវិត? ខ្លឹមសារនៃជីវិតគឺ មានសីល ប្រព្រឹត្តតែសេចក្តីល្អ សន្សំបុណ្យកុសលឱ្យបានញឹកៗញយៗ នេះឯងហើយជាទិសដៅពិតប្រាកដរបស់ជីវិតប្រព្រឹត្តទៅបានល្អប្រសើរ ។
ចែករំលែកព័តមាននេះ