ខេត្តសៀមរាប ៖ សេចក្តីរាយការណ៍បឋម អ្នកសារព័ត៌មានម្នាក់មានវិបត្តិក្នុងគ្រួសារសម្រេចចិត្តរត់ឡើងចង.កសម្លាប់ខ្លួនឯងនៅលើដើមឈើក្នុងព្រៃអង្គរវត្តទៅនឹងខ្សែគោពណ៌ខៀវ កម្ពស់ ៦ម៉ែត្រពីដី សល់តែក្បាល ចំណែកដងខ្លួនសពនៅខាងក្រោម ត្រូវបានពលរដ្ឋអ្នកដើររកផ្សិតប្រទះឃើញបង្កឱ្យមានការភ្ញាក់ផ្អើល កាលពីវេលាម៉ោង៦និង៣០នាទីព្រឹក ថ្ងៃទី២៧ ខែសីហានេះ ស្ថិតនៅចំណុចព្រៃអង្គរវត្ត ស្ថិតនៅក្រុមទី១៣ ភូមិមណ្ឌល៣ សង្កាត់ស្លក្រាម ក្រុងសៀមរាប ។
តាមប្រភពពីមន្ត្រីនគរបាលប៉ុស្តិ៍សង្កាត់ស្លក្រាមបានប្រាប់ភ្នាក់ងារកោះសន្តិភាព នៅព្រឹកថ្ងៃទី២៨ខែសីហានេះថា ជនរងគ្រោះឈ្មោះ អេម រដ្ឋា ភេទប្រុស អាយុ២៧ឆ្នាំ មុខរបរ អ្នកសារពត៌មាន មានស្រុកកំណើតនៅភូមិគោកភ្លូ ឃុំសារង្គ ស្រុក ស្វាយចេក ខេត្តបន្ទាយមានជ័យ ។ បច្ចុប្បន្នស្នាក់នៅភូមិមន្ទាយចាស់ សង្កាត់ស្លក្រាម ក្រុង-ខេត្តសៀមរាប ។
តាមការបំភ្លឹពីសាក្សីឈ្មោះ សៀក គីមសឿន ឈ្មោះ ជា ស៊ីនួន និង ឈ្មោះ ស៊ីណាត ជាអ្នកដើររកផ្សិតនៅក្នុងព្រៃបានប្រាប់សមត្ថកិច្ចមូលដ្ឋានយើងឱ្យដឹងថា នៅវេលាម៉ោង៦និង ៣០នាទីព្រឹក ថ្ងៃទី២៧ ខែសីហានេះ ខ្លួនទាំងបីនាក់បានដើររកផ្សិតនៅក្នុងព្រៃអង្គរ រួចក៏បានប្រទះឃើញសាកសពចង.ក ទៅនឹងដើមឈើ រួចរត់មករាយការណ៍ជូនសមត្ថកិច្ចឱ្យចុះទៅជួយពិនិត្យមើល ។
ប្រភពបានបញ្ជាក់ទៀតថា បើតាមការពិនិត្យសាកសពបន្ទាប់ពីកម្លាំងជំនាញបានឡើងកាត់ខ្សែទម្លាក់មកដី រួចនាំគ្នាបាននិយាយថា សពមានភាពស្អុយរលួយនៅសល់តែឆ្អឹង និងសំលៀកបំពាក់ប៉ុណ្ណោះនៅលើដើមឈើនោះហើយ ។ ក្រោយពីពិនិត្យ រួចសន្និដ្ឋានថា សាកសពនេះពិតជាស្លាប់ដោយសារធ្វើអត្តឃាត ( ចង.ក ទៅនឹងខ្សែគោ ពណ៌ខៀវ ពិតប្រាកដមែន) ។
មូលហេតុ ក្រុមគ្រួសារនៃសពធ្លាប់មានទំនាស់ផ្ទៃក្នុងជាប្រចាំ ។ បច្ចុប្បន្នសាកសពអ្នកសារព័ត៌មានត្រូវបានកម្លាំងជំនាញបានធ្វើការប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ កែសម្រួលដោយ ៖ សុឃាក់
ចែករំលែកព័តមាននេះ