ផ្ដន្ទាទោសអតីតឧកញ៉ា ហូរ ចំរើន ដាក់ពន្ធនាគារ២ឆ្នាំ៦ខែ និងបង្គាប់ …
- ភ្នំពេញ
រាជធានីភ្នំពេញ ៖ លោក ពេជ្រ វីជ្ជាធរ ចៅក្រមជំនុំជម្រះសាលាដំបូងរាជធានីភ្នំពេញ នារសៀលថ្ងៃទី២៧ សីហា បានប្រកាសសាលក្រមសម្រេចផ្ដន្ទាទោលោក ហូរ…
រាជធានីភ្នំពេញ ៖ លោក ពេជ្រ វីជ្ជាធរ ចៅក្រមជំនុំជម្រះសាលាដំបូងរាជធានីភ្នំពេញ នារសៀលថ្ងៃទី២៧ សីហា បានប្រកាសសាលក្រមសម្រេចផ្ដន្ទាទោលោក ហូរ…
រាជធានីភ្នំពេញ ៖ លោក ពេជ្រ វីជ្ជាធរ ចៅក្រមជំនុំជម្រះសាលាដំបូងរាជធានីភ្នំពេញ នារសៀលថ្ងៃទី២៧ សីហា បានប្រកាសសាលក្រមសម្រេចផ្ដន្ទាទោលោក ហូរ ចំរើន អតីតជាឧកញ៉ាមួយរូប ដាក់ពន្ធនាគារកំណត់២ឆ្នាំ៦ខែ ក្រោមការចោទប្រកាន់ពីបទឆបោកប្រព្រឹត្ត កាលពីឆ្នាំ២០១៧ ឆ្នាំ២០១៨ ក្នុងរាជធានីភ្នំពេញ ។ សាលក្រមបានតម្រូវពិន័យជនជាប់ចោទជាប្រាក់ចូលថវិការដ្ឋចំនួន៦លានរៀល និងបង្គាប់ឲ្យសងទៅដើមបណ្ដឹងរដ្ឋប្បវេណីចំនួន៩៧លាន ៨សែនដុល្លារ បើកផ្លូវឲ្យប្ដឹងឧទ្ធរណ៍តាមកំណត់ច្បាប់ ។
សូមរំលឹកថា អង្គហេតុនៃសាលក្រមនេះ គឺជនជាប់ ហូរ ចំរើន ពាក់ព័ន្ធឆបោកប្រាក់ចំនួន៩៧លាន៨សែនដុល្លារអាមេរិក ក្រោមរូបភាពវិនិយោគកសាងមន្ទីរពទ្យ សាលារៀននៅក្រុងតាខ្មៅ ខេត្តកណ្ដាល របស់ក្រុមហ៊ុនចិនមួយដែលមានបុរសជនជាតិចិនម្នាក់ឈ្មោះ ហាន់ គឿក ជាដើមបណ្ដឹងរដ្ឋប្បវេណី ។ តែការប្ដឹងចោទប្រកាន់ខាងលើរបស់ឈ្មោះ ហាន់ គឿក នេះ ត្រូវជនជាប់ចោទ ហូរ ចំរើន ឆ្លើយបដិសេធថា មិនបានឆបោកទេព្រោះគំរោងវិនិយោគនោះទើបតែចាប់ផ្ដើមអនុវត្តប៉ុណ្ណោះ នៅពេលដែលមានរឿងរ៉ាវជាប់ពន្ធនាគារទៅ ក៏ស្រាប់តែដៃគូរវិនិយោគប្ដឹងតែម្ដង ។
ប្រភពឲ្យដឹងថា អតីតឧកញ៉ាអស់ក្រិត្យរូបនេះ កំពុងវ័នកនៅមានសំណុំរឿងឆបោកប្រាក់ចំនួន៣ករណីផ្សេងៗគ្នា ដែលមានទឹកប្រា ក់ច្រើនជាង២០០លានដុល្លារអាមេរិក ដែលត្រូវបានម្ចាស់គំរោងវិនិយោគដាក់បណ្ដឹងចូលមកអយ្យការអមសាលាដំបូងរាជធានីភ្នំពេញ ប្រឆាំង និងអតីតឧកញ៉ា ហូរ ចំរើនដែលកំពង់ជាប់ឃុំ ឃាំងក្នុងពន្ធនាគារ ។
ដើមចមបណ្ដឹងព្រហ្មទណ្ឌរបស់ក្រុមហ៊ុន វិនិយោគ ហាន់ គឿក គឺក្រុមហ៊ុនវិនិយោគបានពឹងពាក់ឲ្យអតីតឧកញ៉ា ហូរ ចំរើន រៀបចំទិញដីជាច្រើនហិចតានៅក្នុងក្រុងតាខ្មៅ ខេត្តកណ្ដាល ដើម្បីសាងសង់មន្ទីរពេទ្យធំទំនើបមួយមានលក្ខណៈស្តង់ដាទាន់សម័យ ដែលត្រូវចំណាយទុនវិនិយោគរហូតដល់ជាង២០០លានដុល្លារអាមេរិក ។
ក្នុងនោះក្រុមហ៊ុនបានទំលាក់សាច់ប្រាក់មុនចំនួន៩៧លានដុល្លារ ឲ្យជនជាប់ចោទ ហូរ ចំរើន ដើម្បីរៀបចំ និងចាប់ផ្ដើមអនុវត្តគំរោង ប៉ុន្តែចាប់តាំងពីបានទទួលសាច់ប្រាក់៩៧លានដុល្លារនោះមក មិនឃើញ ហូរ ចំរើន អនុវត្តកិច្ចការគំរោងសាងសង់មន្ទីរពេទ្យនោះទេ រហូតដល់ថ្ងៃមានរឿងប្រើអាវុធបាញ់គំរាមឪពុកក្មេក ម្ដាយក្មេក និងប្រពន្ធ ហើយសមត្តកិច្ចត្រូវចាប់ឃុំខ្លួន ហូរ ចំរើន ដាក់ពន្ធនាគារ ទើបម្ចាស់គំរោងវិនិយោគសន្មត់ថា ជនជាប់ចោទ ហូរ ចំរើន មានគំនិតទុច្ចរិយឆបោកប្រាក់ បានជាក្រុមហ៊ុនដាក់ពាក្យប្ដឹងចូលសាលាដំបូងរាជធានីភ្នំពេញតែម្ដងទៅ ៕ (សម្រួលដោយ៖ ស្រីណា)
ចែករំលែកព័តមាននេះ