រាជធានីភ្នំពេញ ៖ កម្មការីនីកាត់ដេរម្នាក់បានយកក្រមាចងកភ្ជាប់នឹងចំរឹងបង្អួចបន្ទប់ជួលរបស់ខ្លួន បណ្តាលអោយស្លាប់បាត់បង់ជីវិតរហូតដល់ហើមស្អុយទើបដឹង ដោយបន្សល់ទុកនូវសំបុត្រមួយច្បាប់ សុំទោសម៉ែ និងបងៗ ព្រមទាំងលាប្តីជាទីស្រលាញ់ ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦ព្រឹកថ្ងៃទី២៥…
រាជធានីភ្នំពេញ ៖ កម្មការីនីកាត់ដេរម្នាក់បានយកក្រមាចងកភ្ជាប់នឹងចំរឹងបង្អួចបន្ទប់ជួលរបស់ខ្លួន បណ្តាលអោយស្លាប់បាត់បង់ជីវិតរហូតដល់ហើមស្អុយទើបដឹង ដោយបន្សល់ទុកនូវសំបុត្រមួយច្បាប់ សុំទោសម៉ែ និងបងៗ ព្រមទាំងលាប្តីជាទីស្រលាញ់ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៦ព្រឹកថ្ងៃទី២៥ ខែសីហា ឆ្នាំ២០១៩ នៅចំណុចបន្ទប់ជួលលេខ១២ជាន់ទី២ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ ។
តាមប្រភពពីនគរបាលបានឱ្យដឹងថា ជនរងគ្រោះដែលស្លាប់ឈ្មោះប៊ុន សុខា ភេទស្រី អាយុ៣៣ឆ្នាំ ជាកម្មការីនីកាត់ដេរ ស្នាក់នៅកន្លែងកើតហេតុខាងលើ និងមានស្រុកកំណើតនៅភូមិរៀវ ឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។
ទាក់ទិននឹងករណីស្ត្រីម្នាក់ចងកសម្លាប់ខ្លួនខាងលើនេះ គេពុំដឹងពីមូលហេតុពិតប្រាកដឡើយ ប៉ុន្តែបើតាមប្រភពពីក្រុមគ្រួសារបានអោយដឹងថា ស្ត្រីរងគ្រោះខាងលើក៏មានជំងឺប្រចាំកាយដូចជា ក្រពះ ពោះវៀន និងគ្រុនឈាមផងដែរ ។
តាមប្រភពពីនគរបាលបានអោយដឹងថា ស្ត្រីរងគ្រោះខាងលើត្រូវបានគេសង្ស័យថា បានយកក្រមាចង.កភ្ជាប់ទៅនឹងចំរឹងបង្អួចបន្ទប់ជួលរបស់ខ្លួនតាំងពីថ្ងៃសុក្រ ទី២៣ សីហា មកម្ល៉េះ លុះនៅព្រឹកថ្ងៃទី២៥ ខែសីហា ដែលជាថ្ងៃអាទិត្យឈប់សំរាក ហើយអ្នករស់នៅក្បែរខាងបានធុំក្លិនស្អុយ ក៏ទៅអើតមើលក្នុងបន្ទប់នោះ ស្រាប់តែប្រទះឃើញស្ត្រីរងគ្រោះចងកសម្លាប់ខ្លួន ទើបបង្កការភ្ញាក់ផ្អើលដល់នគរបាលជំនាញបានចុះទៅពិនិត្យកន្លែងកើតហេតុ ហើយរកឃើញសំបុត្រមួយច្បាប់ដែលមានខ្លឹមសារថា «អោយខ្ញុំសុំទោសម៉ែ សុំទោសបងៗ អគុណសំរាប់ក្តីស្រលាញ់អ្នកទាំងអស់គ្នា កូនស្រីម្នាក់នេះមិនល្អទេ»។
តាមប្រភពដដែលបានបន្តថា ខ្លឹមសារនៅក្នុងសំបុត្រនោះក៍បានអោយដឹងទៀតថា «អោយអូនសុំទោសបងជាប្តី ណាស់តែអូនទេដែរមិនល្អអោយអូនសុំទោស បើមានជាតិក្រោយពិត អូនសងបងវិញ»។
ទោះបីជាយ៉ាងណា ខ្លឹមសារនៅក្នុងសំបុត្រនោះមិនបានបញ្ជាក់អោយបានច្បាស់ពីមូលហេតុ ដែលធ្វើអោយស្ត្រីរងគ្រោះគិតខ្លីបែបនេះឡើយ។
នៅព្រឹកថ្ងៃកើតហេតុនោះដែរ នគរបាលជំនាញព្រមទាំងគ្រូពេទ្យ និងតុលាការក៏បានអោយដឹងថា ស្ត្រីខាងលើនេះបានចងកធ្វើអត្តឃាតដោយខ្លួនឯង ។ បន្ទាប់ពីពិនិត្យរួច សពស្ត្រីរងគ្រោះត្រូវបានក្រុមគ្រួសារនិងប្តីដឹកយកទៅធ្វើបុណ្យនៅស្រុកកំណើត៕ (កែសម្រួលដោយ ៖ ធីតា)
ចែករំលែកព័តមាននេះ