ការប្រគំតន្ត្រី Live Band ដ៏អស្ចារ្យ ដោយសិល្បៈករល្បីៗមានទាំងលោកព្រាបសុវត្ថិផងធ្វើឡើងនៅថ្ងៃទី១៣ ខែកញ្ញាខាងមុខនេះ នៅបរទេសកូរ៉េខាងត្បូង ដើម្បីផ្តល់ភាពសប្បាយរីករាយដល់កម្មករកម្ពុជាដែលធ្វើការនៅទីនោះ ។ អ្វីដែលកាន់តែពិសេស…
ការប្រគំតន្ត្រី Live Band ដ៏អស្ចារ្យ ដោយសិល្បៈករល្បីៗមានទាំងលោកព្រាបសុវត្ថិផងធ្វើឡើងនៅថ្ងៃទី១៣ ខែកញ្ញាខាងមុខនេះ នៅបរទេសកូរ៉េខាងត្បូង ដើម្បីផ្តល់ភាពសប្បាយរីករាយដល់កម្មករកម្ពុជាដែលធ្វើការនៅទីនោះ ។ អ្វីដែលកាន់តែពិសេស គឺការប្រគំតន្ត្រីលើកនេះ Live Band ដោយក្រុមចចកសមុទ្រ ដែលជាក្រុមល្បីល្បាញនៅកម្ពុជា ។
លោក ឡេង ណាវ៉ាត្រា បានប្រកាសជាសាធារណៈថា ដើម្បីឲ្យការប្រគំតន្ត្រីនៅក្នុងប្រទេសកូរ៉េ ទទួលបានការចាប់អារម្មណ៍ជាងមុន លោកសម្រេចអញ្ជើញក្រុមចចកសមុទ្រយកទៅកាន់ឧបករណ៍តន្ត្រីដោយផ្ទាល់ ដោយមិនតម្រូវឲ្យសិល្បករបកស្រាយចម្រៀងដោយការចាក់សាច់ភ្លេងទៀតទេ ។ លោកថា ការប្រគំតន្ត្រី Live Band និងចាក់ភ្លេងមានភាពរស់រវើកមិនដូចគ្នាទេ ដោយការប្រគំតន្ត្រីមានភ្លេងនឹងជួយឲ្យការសម្ដែងរបស់ក្រុមសិល្បករ និងពិធីករមានភាពរលូន និងទាក់ទាញជាង ។
ការប្រគំតន្ត្រីដែលក្រុមហ៊ុនរបស់លោកនឹង Live Band នេះរៀបចំឡើង នៅក្រុងអាន់សាន់ នៅថ្ងៃទី១៣ ខែកញ្ញា ដោយការប្រគំតន្ត្រីលើកនេះ គឺលោកនឹងធ្វើឲ្យកក្រើកតែម្ដង ។ តារា ល្បីៗដែលលោកយកទៅនៅក្នុងឆ្នាំនេះ រួមមានលោក ព្រាប សុវត្ថិ កូនប្រុសទាំង៣របស់លោកព្រាប សុវត្ថិ លោក ប៉ែន ចំរ៉ុង លោកខេម កញ្ញា អ៊ីវ៉ា និងគូម៉ា និងតារាល្បីៗជាច្រើនផ្សេងទៀត ។
ការប្រគំលោកថា សម្ដែងតែមួយពេលប៉ុណ្ណោះ ដោយលោកប្រកាសថា បងប្អូនពលករខ្មែរនៅក្នុងប្រទេសកូរ៉េនឹងកាន់តែសប្បាយរីករាយជាមួយនឹងការប្រគំតន្ត្រី Live Band ដោយផ្ទាល់ ហើយលេងដោយក្រុមចចកសមុទ្រដ៏ល្បីល្បាញទៀត ៕ កែសម្រួលដោយ ៖ សុឃាក់
ចែករំលែកព័តមាននេះ