ដោយសារតែមានទំនុកចិត្តលើរូបរាង និងភាពឈ្លាសវៃរួមទាំងទេពកោសល្យបានជំរុញឲ្យបុរសសង្ហា ហ៊ី ប៊ុន្ថា ក្លាយជាអ្នកតំណាងកម្ពុជាចេញទៅប្រកួតដណ្តើមជ័យលាភីលក្ខណៈអន្តរជាតិនៅប្រទេសភូមា ។ ជាមួយស្នាមញញឹមដោយភាពរឹងប៉ឹង បុរសសាច់ស មុខមាត់កាត់ចិនរូបនេះជឿថា អាចដណ្តើមពានណាមួយជូនកម្ពុជា…
ដោយសារតែមានទំនុកចិត្តលើរូបរាង និងភាពឈ្លាសវៃរួមទាំងទេពកោសល្យបានជំរុញឲ្យបុរសសង្ហា ហ៊ី ប៊ុន្ថា ក្លាយជាអ្នកតំណាងកម្ពុជាចេញទៅប្រកួតដណ្តើមជ័យលាភីលក្ខណៈអន្តរជាតិនៅប្រទេសភូមា ។ ជាមួយស្នាមញញឹមដោយភាពរឹងប៉ឹង បុរសសាច់ស មុខមាត់កាត់ចិនរូបនេះជឿថា អាចដណ្តើមពានណាមួយជូនកម្ពុជា ក្រោយពេលលោកបានហ្វឹកហាត់យ៉ាងយកចិត្តទុកដាក់បំផុត ។
មុន និងហោះទៅកាន់ប្រទេសភូមាជាមួយនឹងភាពរីករាយអមដោយមិត្តភក្តិសាច់ញាតិនាព្រឹកថ្ងៃទី២២ ខែសីហានេះ បេក្ខភាព Mister Tourism and Culture Universe 2019 លោក ហ៊ី ប៊ុន្ថា ជឿថា នឹងឈ្នះពានមួយត្រឡប់មកវិញ ជាពិសេស គឺពានអ្នកគ្រងឈុតតំណាងជាតិលេចធ្លោជាងគេ ។ លោកជឿជាក់បែបនេះ គឺបន្ទាប់ពីឈុតតំណាងកាលពីឆ្នាំមុនៗដែលមិនអស្ចារ្យដូចគ្នានឹងឈុតដែលបានសម្រិតសម្រាំងដ៏ល្អឥតខ្ចោះនាពេលនេះផងក៏បានឈ្នះពានក្នុងការប្រកួតលើឆាកអន្តរជាតិដែរ ។
សូមបញ្ជាក់ផងដែរថា ការប្រកួតនេះត្រូវបានធ្វើឡើងនៅថ្ងៃទី២២ រហូតដល់ថ្ងៃទី៣១ សីហា ដោយលោកបានជឿជាក់យ៉ាងខ្លាំងលើឈុតរាជបុត្រនាគរាជ ដែលច្នៃយ៉ាងផ្ចិតផ្ចង់ពីអ្នកច្នៃម៉ូដខ្មែរអស់ទឹកប្រាក់ប្រមាណ ៦ពាន់ដុល្លារ ដែលយកទៅប្រកួតនោះ ។
លោក ហ៊ី ប៊ុន្ថា បានបង្ហាញពីអារម្មណ៍សប្បាយរីករាយនៅពេលលោកមានសំណាងបានគ្រងឈុតនេះដោយលោកបញ្ជាក់ថា មានសង្ឃឹមមិនក្រោម ៨០ភាគរយសម្រាប់ការទទួលពាន ។
ការប្រកួតនេះមានទាំងបេក្ខជន និងបេក្ខនារីមកពីប្រទេសផ្សេងៗរហូតដល់ជាង៣០ ប្រទេសនៅជុំវិញពិភពលោក ចូលរួមប្រកួតប្រជែង ដូច្នេះយើងមានតែជូនពរឲ្យបេក្ខភាពរូបនេះព្យាយាមសម្តែងឲ្យបានល្អ ដើម្បីនាំអ្វីដែលកម្ពុជាមានបង្ហាញលើឆាកដ៏ធំលំដាប់អន្តរជាតិនេះ ៕ កែសម្រួលដោយ ៖ សុឃាក់
ចែករំលែកព័តមាននេះ