រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នាព្រឹកថ្ងៃទី២២ សីហា នេះ ការប្រកាសសាលក្រមលើសំណុំរឿងភ្លោះ(អត្តឃាតឬឃាតកម្ម)ទាក់ទិននឹងលោក ឡាយ វណ្ណៈ អតីតអភិបាលខេត្តតាកែវ…
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា នាព្រឹកថ្ងៃទី២២ សីហា នេះ ការប្រកាសសាលក្រមលើសំណុំរឿងភ្លោះ(អត្តឃាតឬឃាតកម្ម)ទាក់ទិននឹងលោក ឡាយ វណ្ណៈ អតីតអភិបាលខេត្តតាកែវ ពាក់ព័ន្ធនឹងការចោទប្រកាន់ក្នុងអំពើឃាតកម្មលើអ្នកមេម៉ាយកូន៣រូបស្រស់ អ្នកស្រី ចេវ សុវឌ្ឍនា ត្រូវបានក្រុមប្រឹក្សាសម្រេចថា លើកពេលទៅថ្ងៃក្រោយដោយមិនកំណត់ថ្ងៃ ។ ចំពោះមូលហេតុនោះត្រូវបានដឹងថា ដោយសារតែមានភាពស្មុគស្មាញដែលត្រូវបន្តស៊ើបអង្កេតទៀត ។ សូមរំលឹកថា៖ម្តាយឱបកូនប្រុស(ឡាយ វណ្ណៈ)…មុនបញ្ជូនទៅគុកវិញ រង់ចាំលទ្ធផលបញ្ចប់
គួរបញ្ជាក់ថា នៅថ្ងៃទី២២ សីណា ជាការថ្ងៃកំណត់ការសម្រេចចុងក្រោយពីសំណាក់ប្រធានក្រុមប្រឹក្សាជំនុំ ជម្រះថា តើត្រូវផ្តន្ទាទោសឬលើកលែងជនត្រូវចោទឲ្យមានសេរីភាពវិញលើសំណុំរឿងភ្លោះមួយនេះ ។
ប្រភពបន្តថា ចំពោះជនជាប់ចោទទាំង៤នាក់ មាន ១-ឈ្មោះ ឡាយ វណ្ណ: ភេទប្រុស អាយុ៤៥ឆ្នាំ ២-ឈ្មោះ ឡាយ ណារិទ្ធ ភេទប្រុស អាយុ៤៦ឆ្នាំ ៣-ឈ្មោះ ម៉េន សាម៉ៃ ភេទប្រុស អាយុ៣៦ឆ្នាំ និង៤-ឈ្មោះ ជឹម វុធ ហៅថូត ភេទប្រុស អាយុ៤១ឆ្នាំ គឺត្រូវបានបញ្ជូនទៅកាន់កន្លែងឃុំខ្លួនរៀងៗខ្លួន ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ