រាជធានីភ្នំពេញ ៖ មន្ត្រីនគរបាលខណ្ឌឫស្សីកែវ និងមន្ត្រីកងរាជអាវុធហត៥គ្រួសារ ដែលកំពុងជួបការលំបាកក្នុងចំណោមប្រជាពលរដ្ឋ៩៦គ្រួសារ រងគ្រោះអគ្គីភ័យកាលពីយប់ថ្ងៃទី១៨ មករា ២០១១ នៅសង្កាត់ច្រាំងចំរេះទី២ ខណ្ឌឫស្សីកែវនោះ ត្រូវបានទទួលអំណោយជាថវិកាពីលោកអភិបាលរាជធានីភ្នំពេញ គ្រាន់បានសម្រាលទុក្ខលំបាកមួយគ្រាៗ ។ ដោយក្តីអាណិតអាសូរ ម្យ៉ាងជាមន្ត្រីបម្រើការងារជាសមត្ថកិច្ចក្នុងរាជធានីភ្នំពេញ ផងនោះ លោកកែប ជុតិមា អភិបាលរាជធានីភ្នំពេញ បានផ្តល់អំណោយជាថវិកាដល់ក្រុមគ្រួសារមន្ត្រីទាំងនេះចំនួន២លានរៀលក្នុងមួយគ្រួសារ ។
អំណោយលោកកែប ជុតិមា ខាងលើនេះត្រូវបានលោកលី សាវេត នាយករដ្ឋបាលសាលារាជធានីភ្នំពេញ ជាតំណាងប្រគល់ជូនដល់មន្ត្រីនគរបាល និងកងរាជអាវុធហត្ថទាំង៥រូប នៅសាលារាជធានីភ្នំពេញ កាលពីព្រឹកថ្ងៃទី៩ មីនា ២០១១ ។ លោកលី សាវេត ជំនួសមុខលោកកែប ជុតិមា អភិបាលរាជធានីភ្នំពេញ បានចូលរួមសោកស្តាយជាខ្លាំងដល់ក្រុមគ្រួសារមន្ត្រីនគរបាល និងកងរាជអាវុធហត្ថក៏ដូចជាប្រជាពលរដ្ឋដែលទទួលរងគ្រោះអគ្គីភ័យទាំងអស់ផងដែរ ។ ថវិកាដែលបានផ្តល់ជូននេះគឺជាការជួយរំលែកទុក្ខលំបាកដល់ក្រុមគ្រួសារកងកម្លាំង ដែលយ៉ាងហោចណាស់ក៏មួយគ្រាផងដែរ ទោះជាមានចំនួនមិនច្រើន តែនេះជាទឹកចិត្តរបស់លោកកែប ជុតិមា ដែលយកចិត្តទុកដាក់ចំពោះបងប្អូនរងគ្រោះ ។
លោកលី សាវេត បានផ្តាំផ្ញើដល់តំណាងមន្ត្រីជាសមត្ថកិច្ចរងគ្រោះទាំង៥រូបថា សូមជួយនាំពាក្យទៅបងប្អូនប្រជាពលរដ្ឋយើងផង បើមានការសាងសង់លំនៅឋានក្រោយៗត្រូវលៃ លកឱ្យមានផ្លូវចេញ-ចូល ជាពិសេសកន្លែងសម្រាប់ធ្វើដំណើរឱ្យបានស្រួល ក្រែងមានគ្រោះអាសន្ន សមត្ថកិច្ចយើងងាយស្រួលចូលទៅជួយសង្គ្រោះទាន់ពេលវេលាដូចជាអគ្គីភ័យជាដើម ៕
ចែករំលែកព័តមាននេះ