ខេត្ដបន្ទាយមានជ័យ ៖ នៅថ្ងៃទី៣១ មករា វេលាម៉ោង៣ និង៣០នាទីរសៀល មានគ្រោះចរាចរណ៍មួយកើតឡើងដោយ រថយន្ដកាមរី២គ្រឿងបុកគ្នាបណ្ដាលឱ្យរបួសមនុស្ស៥នាក់ ក្នុងនោះ៣នាក់ធ្ងន់ នៅលើ កំណាត់ផ្លូវជាតិលេខ៥ ត្រង់ចំណុចភូមិសែ សិន ឃុំអូរអំបិល ក្រុងសិរីសោភ័ណ ។លោកវរសេនីយ៍ទោឈឿម សុផុន នាយ ការិយាល័យប៉ូលិសចរាចរជើងគោកនៃស្នងការដ្ឋានខេត្ដបានឱ្យដឹងថា កំលាំងប៉ូលិស បានទៅដល់កន្លែងកើតហេតុភ្លាមៗ ហើយ ជនរងគ្រោះត្រូវបានគេដឹកយកទៅសង្គ្រោះ បន្ទាន់ទៅមន្ទីរពេទ្យ ។លោកវរសេនីយ៍ ទោបានបន្ដទៀតថា រថយន្ដកាមរី១គ្រឿង ពណ៌ស្ពៃជ្រក់ ពាក់ស្លាកលេខបាត់ដំបង ២ A ១៥៣៤ ម្ចាស់មិនទាន់ស្គាល់ឈ្មោះ បានបើកក្នុង ល្បឿនលឿនតាមទិសដៅពីកើតទៅលិច ដោយមានគ្នា២នាក់ ។
លុះពេលមកដល់ ចំណុចផ្លូវកោងបំរុងបើកចូលផ្ទះម៉ាស្សាយី ហោដៃឯក ក៏បានបុករថយន្ដកាមរីពណ៌ស្លាប ក្អែក ពាក់ស្លាកលេខបាត់ដំបង ២A ៣១៣៨ ជិះគ្នា៣នាក់ ធ្វើដំណើរបញ្ច្រាសទិសគ្នាពេញ ទំហឹងបណ្ដាលឱ្យរថយន្ដទាំង២គ្រឿងខូច ខាតផ្នែកខាងមុខប្រហែល៥០ភាគរយដូចគ្នា។ ចំពោះរថយន្ដទាំង២គ្រឿងត្រូវបាន ស្ទូចដឹកយកទៅរក្សាទុក ដើម្បីធ្វើការដោះ ស្រាយ ។លោកឈឿម សុផុន បានបន្ដទៀតថា ដោយឡែកកាលពីថ្ងៃទី២៩ មករា វេលា ម៉ោង៩ និង៥៥នាទីយប់ មានគ្រោះថ្នាក់ចរា ចរណ៍មួយកើតឡើងដោយជនរងគ្រោះ២ នាក់ជិះម៉ូតូបុកកន្ទុយរ៉ឺម៉ករថយន្ដដែលឈប់ លើដងផ្លូវ ហើយគ្មានដាក់សញាសំគាល់ ។ ការបុកនេះបណ្ដាលឱ្យស្លាប់ម្នាក់នៅកន្លែង កើតហេតុ និងម្នាក់ទៀតស្លាប់ពេលបញ្ជូន ទៅដល់មន្ទីរពេទ្យ ។
គ្រោះថ្នាក់នេះកើត ឡើងនៅលើកំណាត់ផ្លូវជាតិលេខ៦ ស្ថិតក្នុង ឃុំភ្នំលៀប ស្រុកព្រះនេត្រព្រះ ។ ជនរង គ្រោះដែលស្លាប់ទាំង២នាក់នេះម្នាក់ឈ្មោះ សន រ៉ុង ភេទប្រុស អាយុ២៨ឆ្នាំ ជាអ្នកបើក ម៉ូតូ និងម្នាក់ទៀតឈ្មោះឈឿន ប៊ុនធឿន ភេទប្រុស អាយុ៣៨ឆ្នាំ អ្នកទាំង២រស់នៅ ភូមិកំបោរ ឃុំភ្នំលៀប ។លោកឈឿម សុផុន បានថ្លែងថា ពួកគេ ជិះម៉ូតូសេ១០០ ស៊េរីចាស់ក្នុងល្បឿនលឿន ពីកើតទៅលិច ហើយដោយមើលមិនឃើញ រថយន្ដពីមុខ ក៏បណ្ដាលឱ្យបុកកន្ទុយរ៉ឺម៉ករថ យន្ដដែលគេចតចោលនៅលើចិញ្ចើមផ្លូវផ្នែក ខាងស្ដាំដៃដោយគ្មានដាក់សញាសំគាល់។ ក្រោយពេលដឹងថា ជនរងគ្រោះជិះម៉ូតូបុក កន្ទុយរ៉ឺម៉កស្លាប់ហើយ អ្នកបើកបររថយន្ដ បានរត់គេចខ្លួន ចំណែករថយន្ដត្រូវបាននាំ យកមករក្សាទុក ដើម្បីធ្វើការដោះស្រាយ។
ចែករំលែកព័តមាននេះ