ហុល្លង់ កាណាដា និងអូស្ដ្រាលី ជាប្រទេសដែលប្រជាជនពេញចិត្ដរស់នៅ
ហុល្លង់ កាណាដា និងអូស្ដ្រាលី គឺជាប្រទេសដែលប្រជាជនពេញចិត្ដនឹងរស់នៅ នេះបើតាមរយៈលទ្ធផលនៃការស្រាវជ្រាវនៅក្នុងចំណោម២៣ប្រទេស។
“អ៊ីបសូស” ដែលជាក្រុមហ៊ុនស្រាវជ្រាវផ្នែកទីផ្សារបានធ្វើការសាកសួរការយល់ឃើញ របស់ប្រជាជនប្រហែល២៣.០០០នាក់ថាតើពួកគេពេញចិត្ដនឹងតំបន់ ការងារ ផ្លូវ ស្អាត អត្រានៃអំពើឧក្រិដ្ឋ និងការដឹកជញ្ជូន ដែលជាកត្ដាចំបងនៃសេចក្ដីសុខរបស់មនុស្សឬអត់? លទ្ធផលស្រាវជ្រាវបង្ហាញថា ជន ជាតិហុល្លង់ គឺជាមនុស្សមានសេចក្ដីសុខក្នុងតំបន់របស់ខ្លួន ដោយមានចំនួនដល់ទៅ៨៥% ប្រាប់ថា ពួកគេមានសេចក្ដីសុខនឹងតំបន់ដែលស្នាក់នៅ ។ ចំណែកប្រទេសកាណាដាស្ថិតក្នុងលំដាប់ថ្នាក់ទី២ ដោយមាន៨៣% និងលំដាប់ទី៣ គឺប្រទេសអូស្ដ្រាលីមាន៨២% រីឯប្រទេសឥណ្ឌា អាល្លឺម៉ង់ និងសហរដ្ឋអាមេរិក ស្ថិតក្នុងលំដាប់ទី៤ ទី៥ និងទី៦ តាមលំដាប់ ។
ចែករំលែកព័តមាននេះ