ប្រទេសចិន-វៀតណាម ៖ នាវាចិនមួយគ្រឿងបានវិលជាថ្មីចូលមកក្នុងតំបន់ដែលវៀតណាមថា ជាតំបន់សេដ្ឋកិច្ចដាច់មុខរបស់ខ្លួនក្នុងសមុទ្រចិនខាងត្បូង ដែលនាំឲ្យមានការប្រឈមមុខដាក់គ្នាខាងការទូតជាថ្មី រវាងក្រុងហាណូយនិងក្រុងប៉េកាំងលើជម្លោះដែនទឹកសម្បូរដោយធនធាននោះ ទាមទារដោយប្រទេសទាំង២និងប្រទេសឯទៀតៗនៅអាស៊ីអាគ្នេយ៍។
យោងតាមមជ្ឈមណ្ឌលស្រាវជ្រាវអាមេរិកCAADSថា នាវាHAIYANG 8 ជានាវាស្រាវជ្រាវមួយរបស់ផ្នែកភូគម្ភសាស្ត្រចិន បានបើកចូលជាថ្មីក្នុងតំបន់សេដ្ឋកិច្ចពិសេសរបស់វៀតណាមកាលពីថ្ងៃទី១៣សីហា អមដោយនាវារបស់កងឆ្មាំឆ្នេរសមុទ្រចិនយ៉ាងតិច២គ្រឿង។ នាវាវៀតណាមជាច្រើនគ្រឿងបានតាមដានកងនាវាចិននោះ។
នាវាHAIYANG 8ធ្លាប់ចាប់ផ្ដើមពីថ្ងៃទី៣កក្កដា នូវបេសកកម្មស្រាវជ្រាវមួយនៅជុំវិញប្រជុំកោះSPRATKEYS នាំឲ្យវៀតណាម សហរដ្ឋអាមេរិកនិងសហភាពអឺរ៉ុបមានការខឹងសម្បា ដោយមើលឃើញថានោះជាការឈ្លានពានមួយ។ ថ្ងៃទី៧សីហាក្រោយការទាមទារផ្ទួនៗរបស់ក្រុងហាណូយ នាវារបស់ចិនទាំងនេះបានចាកចេញពីតំបន់នោះវិញ៕ (កែសម្រួលដោយ ៖ បុប្ផា)
ចែករំលែកព័តមាននេះ