ក្រុងហុងកុង ៖ ក្នុងសន្និសីទសារព័ត៌មានមួយកាលពីថ្ងៃទី១៣សីហា ប្រមុខប្រតិបត្តិក្រុងហុងកុងស្និទ្ធក្រុងប៉េកាំង លោកស្រីCARRIE LAMបានចេញការព្រមានថា អំពើហិង្សាដែលបានប្រព្រឹត្តក្នុងបាតុកម្មនានាក្នុងទីក្រុងហុងកុង នឹងរុញច្រានទីក្រុងនោះឆ្ពោះទៅរកផ្លូវគ្មានការវិលត្រឡប់មួយ។
លោកស្រីនិយាយថាអំពើហិង្សាទោះជាប្រើវាក្នុងរូបភាពណាក្ដី នឹងរុញច្រានក្រុងហុងកុងទៅរកផ្លូវគ្មានការវិលត្រឡប់មួយ ហើយនឹងធ្វើឲ្យសង្គមហុងកុងធ្លាក់ទៅរកសភាពការណ៍ដ៏ព្រួយបារម្ភនិងគ្រោះថ្នាក់បំផុតមួយ។ លោកស្រីបន្តថាសភាពការណ៍ក្នុងសប្ដាហ៍កន្លងទៅនេះនាំឲ្យខ្ញុំមានការភ័យខ្លាចដែលយើងធ្លាក់ចូលក្នុងសភាពការណ៍គ្រោះថ្នាក់នេះ។
សេចក្ដីថ្លែងការណ៍នេះធ្វើឡើងក្រោយចុងសប្ដាហ៍នៃការតវ៉ា ដែលមានផ្ទុះការប៉ះទង្គិចគ្នាជាច្រើនរវាងពួកបាតុករនិងប៉ូលិស។ ដើម្បីទាមទារឲ្យលោកស្រីCARRIE LAMលាលែងចេញពីតំណែង ព្រោះតែស្និទ្ធនឹងក្រុងប៉េកាំងខ្លាំងពេកហើយពុំធានាស្វ័យភាពតំបន់នោះ ពួកបាតុករបានលើកគ្នាយ៉ាងច្រើន អង្គុយតវ៉ាក្នុងព្រលានយន្តហោះអន្តរជាតិក្រុងនេះ បង្ខំឲ្យអាជ្ញាធរលុបចោលជើងហោះហើរទាំងអស់នៃយន្តហោះកាលពីថ្ងៃទី១២សីហា៕ (កែសម្រួលដោយ ៖ បុប្ផា)
ចែករំលែកព័តមាននេះ