ខេត្តកំពង់ឆ្នាំង ៖ ជុំវិញករណីទំនាស់ដីធ្លីរវាងប្រជាពលរដ្ឋ៣៥គ្រួសារ និងប្រជាពលរដ្ឋ៦៧គ្រួសារ នៅ ភូមិអណ្តូងរនុក ឃុំត្រងិល ស្រុកកំពង់លែង ក្រោយពីក្រុមមន្ទីរទំនាក់ទំនងព្រឹទ្ធសភា រដ្ឋសភា…
ខេត្តកំពង់ឆ្នាំង ៖ ជុំវិញករណីទំនាស់ដីធ្លីរវាងប្រជាពលរដ្ឋ៣៥គ្រួសារ និងប្រជាពលរដ្ឋ៦៧គ្រួសារ នៅ ភូមិអណ្តូងរនុក ឃុំត្រងិល ស្រុកកំពង់លែង ក្រោយពីក្រុមមន្ទីរទំនាក់ទំនងព្រឹទ្ធសភា រដ្ឋសភា និងអធិការ កិច្ចបានចុះស្រាវជ្រាវស៊ើបអង្កេត ហើយដាក់ជូនអាជ្ញាធរខេត្ត និងក្រោយពីអាជ្ញាធរខេត្ត បានអោយលទ្ធផលនៃការស្រាវជ្រាវ ទៅអាជ្ញាស្រុក ដើម្បីផ្សព្វដល់ប្រជាពលរដ្ឋ ទាំងពីរភាគីបានដឹង ក្នុងគោលបំណងបញ្ឈប់វិវាទគ្នាបន្តទៀតរួចមក នៅព្រឹកថ្ងៃទី១២ សីហា ប្រជាពលរដ្ឋខាង៣៥គ្រួសារបានសម្ដែងទឹកចិត្តរីករាយ និងបានថ្លែងអំណរគុណ អភិបាលខេត្តកំពង់ឆ្នាំងបានផ្ដល់ភាពយុត្តិធម៌ជូនដល់ពួក ។ យ៉ាងនេះក្តី ប្រជាពលរដ្ឋភាគី៦៧គ្រួសារ នៅមិនទាន់សុខចិត្តនៅឡើយ ហើយនឹងបន្តប្ដឹងទៅថ្នាក់លើបន្តទៀត ។
បងប្អូនប្រជាពលរដ្ឋទាំង៣៥គ្រួសារបានលើកឡើងថា ដីភូមិចាស់របស់គាត់ គឺជាដីកេរ្តិ៍តាំងពីសង្គមរាស្ត្រនិយមមកម្ល៉េះ និងមានទាំងចេតីយចាស់បានបន្សល់ទុកដល់បច្ចុប្បន្ន ។ ក្រោយឆ្នាំ១៩៧៩ ពួកគាត់បានចួលកាន់កាប់លើដីនោះជាថ្មីវិញ ដោយមានការបែងចែកដីនោះ ជាក្រុមសាមគ្គីមួយរយៈពេលខ្លី ហើយក្រោយមក ក្រុមសាមគ្គីក៏បានរំសាយ ។ ពួកគាត់បានបន្តបង្ករបង្កើនផល ជាបន្តបន្ទាប់ ដោយដាំសណ្តែក ល្ង និងដំឡូងជាដើម ។
ស្រាប់តែនៅឆ្នាំ២០១៨ ប្រជាពលរដ្ឋក្នុងភូមិចំនួន៦៧គ្រួសារ បានប្តឹងទាមទារដីនោះជាដីដាក់រួមភូមិវិញ ពួកគាត់មិនសុខចិត្តឡើយ ហើយពួកគាត់ បានដាក់ពាក្យប្តឹង ទៅអាជ្ញា ធរខេត្ត ទើបអាជ្ញាធរខេត្ត បានអោយ មន្ត្រីនៃមន្ទីរទំនាក់ទំនងព្រឹទ្ធសភា រដ្ឋសភានិងអធិការកិច្ច ចុះស្រាវជ្រាវ ហើយលទ្ឋផល គឺត្រឹមត្រូវដូចអ្វីដែលពួកគាត់ចងបាន ។
ជុំវិញបញ្ហានេះ ប្រជាពលរដ្ឋ៦៧គ្រួសារភ្នាក់ងារយើងមិនអាចសុំធ្វើការទំនាក់ទំនងបានទេ ប៉ុន្តែកន្លងមកយើងក៏បានធ្លាប់ចុះផ្សាយ ពីសំណូមពររបស់ពួកគាត់ហើយ ដែលបានលើកឡើងថា៖ដីក្នុងភូមិដែលមានទំនាស់នេះមានចំនួន៦ហិកតានៅក្នុង ក្រោយពីរំដោះគឺបានចែកគ្នាជាក្រុមសាមគ្គីមាន១១ ក្រុម ដោយបានចំណែកគ្រប់គ្រងស្មើៗគ្នា ក្នុងនោះក៍មានចែកដើមត្នោតផងដែរ ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ