ខេត្តមណ្ឌលគិរី ៖ សេចក្តីរាយការណ៍ឱ្យដឹងថា គ្រាប់ពូជត្នោតចំនួនជិត២ម៉ឺនគ្រាប់ ត្រូវបានមន្ទីរអភិវឌ្ឍន៏ជនបទខេត្តមណ្ឌលគិរីយកទៅដាំតាមដងផ្លូវ និងភ្លឺស្រែ ស្ថិតក្នុងស្រុកកោះញែក ដើម្បីបំផុសចលនាស្រឡាញ់ដើមឈើដ ែលតំណាងឲ្យជាតិសាសន៍ខ្មែរ ខណៈទូទាំងខេត្តមណ្ឌលគិរីស្ទើរមិនមានវត្តមានដើមត្នោតសោះឡើយ។…
ខេត្តមណ្ឌលគិរី ៖ សេចក្តីរាយការណ៍ឱ្យដឹងថា គ្រាប់ពូជត្នោតចំនួនជិត២ម៉ឺនគ្រាប់ ត្រូវបានមន្ទីរអភិវឌ្ឍន៏ជនបទខេត្តមណ្ឌលគិរីយកទៅដាំតាមដងផ្លូវ និងភ្លឺស្រែ ស្ថិតក្នុងស្រុកកោះញែក ដើម្បីបំផុសចលនាស្រឡាញ់ដើមឈើដ ែលតំណាងឲ្យជាតិសាសន៍ខ្មែរ ខណៈទូទាំងខេត្តមណ្ឌលគិរីស្ទើរមិនមានវត្តមានដើមត្នោតសោះឡើយ។
លោក យន់ សារ៉ោម ប្រធានមន្ទីរអភិវឌ្ឍន៍ជនបទខេត្តមណ្ឌលគិរីបានឲ្យដឹងថា ដោយឃើញពីស្ថានភាពដីក្នុងស្រុកកោះញែកអំណោយផល ដល់ការដាំដើមត្នោត លោកបានទិញគ្រាប់ត្នោត ក្នុង១ឆ្នាំ៦ពាន់គ្រាប់ ពីខេត្តដទៃ ដើម្បីយកទៅដាំដុះ។ លោកប្រធានមន្ទីរថា ប្រជាពលរដ្ឋក្នុងឃុំចំនួន៤នៃស្រុកកោះញែក បានចូលរួមដាំយ៉ាងសប្បាយចិត្តជាមួយក្រុមកាងារមន្ទីរថែមទៀតផង។
លោកបន្តថា ដើមត្នោតជារុក្ខជាតិមួយ ដែលមានផលប្រយោជន៍ច្រើនយ៉ាងក្នុងនោះដើមធ្វើសម្ភារជំនួសឈើ ស្លឹកអាចធ្វើជាដំបូលផ្ទះ ឬវត្ថុអនុស្សាវរីយ៍ផ្សេងៗ ឯផ្លែជាបង្អែមឬចំណីអាហារ ទឹកត្នោតអាចយកទៅពិសារយ៉ាងមានឱជារសឈ្ងុយឆ្ងាញ់ ឬយកទៅរំងាស់ធ្វើស្ករ។ល។
លោកបញ្ជាក់ថា រយៈពេលគិតចាប់ពីពេលដាំ ដល់១៥ឆ្នាំក្រោយ យើងអាចយកផលប្រយោជន៍ពីរុក្ខ
ជាតិ «ត្នោត»វិញហើយ ចឹងខំប្រឹងដាំទៅដើម្បីទុកឲ្យក្មេងជំនាន់ក្រោយបានស្គាល់ផង។ ដោយឡែក នៅឆ្នាំ២០២០ខាងមុខនេះ មន្ទីរអភិវឌ្ឍន៏ជនបទខេត្ត និងបន្ថែមការដាំដុះនៅក្នុងសែនមនោរម្យបន្តទៀត។
ប្រជាពលរដ្ឋក្នុងរស់នៅស្រុកកោះញែកដែលទទួលបានគ្រាប់ត្នោតយកទៅដាំ បានសម្តែងភាពរីករាយនិងទទួលយកគ្រាប់ត្នោតទៅដាំ ខ្លះមុខផ្ទះទុកជាម្លប់ ខ្លះតាមភ្លឺស្រែ កុំអោយបាក់ដី ហើយពួកគាត់បញ្ជាក់ថា ត្នោត ជាអត្តសញ្ញាណនៃជាតិសាសន៍ខ្មែរ។
គួរបញ្ជាក់ដែរថា ដើមត្នោតជារុក្ខជាតិ ដែលមានដុះតែលើទឹកដីនៃព្រះរាជណាចក្រកម្ពុជា ហើយត្រូវបានកំណត់ថាដើមត្នោត គឺជាតំណាងនៃអត្តសញ្ញាណជាតិសាសន៍ខ្មែរថែមទៀតផង។ កន្លងមក ដើមត្នោតត្រូវបានក្រុមឈ្មួញឆ្លៀតឱកាសមួយចំនួន កាប់រំលំអារជ្រៀក ធ្វើជាអាជីវកម្ម ហើយខ្លះទៀតបានគាស់ទាំងឬសលក់ទៅឲ្យប្រទេសជិតខាង ស្ទើរតែហិនហោចទៅហើយ ៕ (សម្រួលដោយ៖ ស្រីណា)
ចែករំលែកព័តមាននេះ