រាជធានីភ្នំពេញ ៖ ព្រឹទ្ធសភាបានប្រកាសទទួលសមាជិកព្រឹទ្ធសភាថ្មីចំនួន៣រូប ដែលទទួលមរណៈភាព និងសុំលាលែងពីសមាជិកព្រឹទ្ធសភា ។ ការប្រកាសទទួលសមាជិកព្រឹទ្ធថ្មីធ្វើឡើងក្នុងសម័យប្រជុំពេញអង្គព្រឹទ្ធសភា នាព្រឹកថ្ងៃទី១២ សីហានេះ ក្រោមអធិបតីភាពសម្តេច…
រាជធានីភ្នំពេញ ៖ ព្រឹទ្ធសភាបានប្រកាសទទួលសមាជិកព្រឹទ្ធសភាថ្មីចំនួន៣រូប ដែលទទួលមរណៈភាព និងសុំលាលែងពីសមាជិកព្រឹទ្ធសភា ។ ការប្រកាសទទួលសមាជិកព្រឹទ្ធថ្មីធ្វើឡើងក្នុងសម័យប្រជុំពេញអង្គព្រឹទ្ធសភា នាព្រឹកថ្ងៃទី១២ សីហានេះ ក្រោមអធិបតីភាពសម្តេច វិបុលសេនាភក្តី សាយ ឈុំ ប្រធានព្រឹទ្ធសភា ដោយមានការចូលរួមពីសមាជិកសមាជិកាព្រឹទ្ធសភាសរុប៥៦រូប ។
សមាជិកព្រឹទ្ធសភាថ្មីសម្រាប់នីតិកាលទី៤ ចំនួន០៣រូបដូចខាងក្រោម ១.ព្រះអង្គម្ចាស់នរោត្តម ប្រីយ សោភណ្ឌ ជាសមាជិកព្រឹទ្ធសភាចាត់តាំងដោយព្រះមហាក្សត្រជំនួសសម្តេចរាជបុត្រីព្រះអនុជនរោត្តមអរុណរស្មី ដែលបានសុំលាឈប់ចាប់ពីថ្ងៃទី០១ ខែកញ្ញា ឆ្នាំ២០១៩ ។ ២ .លោកញ៉ូវ សុង ជាសមាជិកព្រឹទ្ធសភា មណ្ឌលភូមិភាគទី៧ (ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ ) ជំនួសលោក ឡាយ អ៊ីពិសិទ្ធ ដែលបានទទួលមរណភាព ។ ៣.លោកឡោ ឆន ជាសមាជិកព្រឹទ្ធសភាមណ្ឌលភូមិភាគទី៤ (ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន ) ជំនួសលោកជំទាវ ស៊ឹង ស៊ីយុត ដែលបានទទួលមរណភាព ។
សូមជម្រាបថា សមាជិកព្រឹទ្ធសភាថ្មី ដែលមានចែងក្នុងប្រការ១ត្រូវធ្វើសច្ចាប្រណិធានមុនពេលចូលកាន់តំណែង ។ អគ្គលេខាធិការនៃអគ្គលេខាធិការដ្ឋានព្រឹទ្ធសភាត្រូវទទួលភារកិច្ចបិទផ្សាយសេចក្តីសម្រេចនេះក្នុងព្រឹទ្ធសភា និងផ្សព្វផ្សាយជាសាធារណៈ ៕ កែសម្រួលដោយ ៖ សុឃាក់
ចែករំលែកព័តមាននេះ