សហរដ្ឋអាមេរិក-កូរ៉េខាងជើង ៖ ប្រធានាធិបតីអាមេរិកលោកដូណាល់ត្រាំលាតត្រដាងកាលពីថ្ងៃទី១០សីហា ខ្លឹមសារនៃលិខិតដែលលោកថាដ៏ល្អមួយ ដែលលោកទើបទទួលបានពីលោកគីមជុងអ៊ុន មេដឹកនាំកូរ៉េខាងជើង ដែលចង់ចរចាឡើងវិញ ស្ដីពីសំណុំរឿងនុយក្លេអ៊ែរ នាពេលបញ្ចប់សមយុទ្ធយោធារួមដែលអាមេរិកនិងកូរ៉េខាងត្បូងកំពុងធ្វើ។ តាមTWITTERប្រធានាធិបតីអាមេរិកអះអាងថា…
សហរដ្ឋអាមេរិក-កូរ៉េខាងជើង ៖ ប្រធានាធិបតីអាមេរិកលោកដូណាល់ត្រាំលាតត្រដាងកាលពីថ្ងៃទី១០សីហា ខ្លឹមសារនៃលិខិតដែលលោកថាដ៏ល្អមួយ ដែលលោកទើបទទួលបានពីលោកគីមជុងអ៊ុន មេដឹកនាំកូរ៉េខាងជើង ដែលចង់ចរចាឡើងវិញ ស្ដីពីសំណុំរឿងនុយក្លេអ៊ែរ នាពេលបញ្ចប់សមយុទ្ធយោធារួមដែលអាមេរិកនិងកូរ៉េខាងត្បូងកំពុងធ្វើ។
តាមTWITTERប្រធានាធិបតីអាមេរិកអះអាងថា បុរសខ្លាំងក្រុងព្យុងយ៉ាងក៏ធ្វើការសុំទោសលោកដែរ ចំពោះការបាញ់សាកមីសីុលបាលីស្ទិកកូរ៉េខាងជើងនាពេលថ្មីៗនេះ ដែលនាំឲ្យក្រុងសេអ៊ូលនិងមហាអំណាចភាគច្រើនមានការព្រួយបារម្ភ តែហាក់ពុំមានការភ្ញាក់ផ្អើលសម្រាប់ប្រមុខសេតវិមាន ដែលតែងនិយាយសម្រាលពីសារសំខាន់។ តាមលោកត្រាំថាក្នុងលិខិតមួយលោកគីមជុងអ៊ុនបានពន្យល់ថា លោកចង់ឲ្យយើងជួបគ្នាទៀត ដើម្បីចាប់ផ្ដើមចរចាបន្ទាប់ពីសមយុទ្ធយោធារួម រវាងសហរដ្ឋអាមេរិកនិងកូរ៉េខាងត្បូងត្រូវបានបញ្ចប់់។
ការចរចានាពេលនេះត្រូវជាប់គាំង ក៏ទោះបីមានការសន្យាកាលពីដំណាច់ខែមិថុនារបស់ក្រុងព្យុងយ៉ាង ឲ្យមានការចរចាឡើងវិញក្នុងពេលដ៏ឆាប់ក្ដី។ យោងតាមសេនាធិការកងទ័ពកូរ៉េខាងត្បូងថា មីសីុល២គ្រាប់ប្រហែលជាមីសីុលរយៈខ្លីត្រូវបានបាញ់ចេញនាព្រឹកព្រលឹមថ្ងៃទី១០សីហាទៀត ចេញពីជាយក្រុងនៃទីក្រុងហាមហុ៊ ងភាគឦសានកូរ៉េខាងជើង សំដៅទៅសមុទ្រជប៉ុន។
ទីភ្នាក់ងារព័ត៌មាកូរ៉េខាងជើងKCNA បញ្ជាក់ថា នោះជាការបាញ់សាកអាវុធថ្មីមួយតែមិនផ្ដល់ភាពលម្អិតឡើយ។ ការបាញ់សាកនោះតាមដានមើលដោយលោកគីមជុងអ៊ុន ដែលសម្ដែងការពេញចិត្តយ៉ាងខ្លាំងចំពោះលទ្ធផល។នោះជាការបាញ់សាកមីស៊ីលលើកទី៥ របស់កូរ៉េខាងជើង ក្នុងរយៈពេលមិនដល់២សប្ដាហ៍ផង ហើយធ្វើឡើងតែប៉ុន្មានម៉ោងប៉ុណ្ណោះ បន្ទាប់ពីលោកត្រាំប្រកាសថា បានទទួលលិខិតដ៏ល្អមួយទៀតពីលោកគីមជុងអ៊ុន៕ (កែសម្រួលដោយ ៖ បុប្ផា)
ចែករំលែកព័តមាននេះ