ខេត្តស្ទឹងត្រែង ៖ យ៉ាងហោចណាស់ប្រជាពលរដ្ឋ៤គ្រួសារត្រូវជម្លៀសទៅកាន់ទីទួលសុវត្ថិភាព ខណៈហេដ្ឋារចនាសម្ព័នមួយចំនួនកំពុងវាយប្រហាពីជំនន់ទឹកភ្លៀងនៅស្រុកសេសាន្ត ។ បើតាមរបាយការណ៍របស់លោកអភិបាលស្រុកសុវណ្ណ ពិសេដ្ឋ អោយដឹងថា ជំនន់ទឹកភ្លៀង បានបង្កផលប៉ះពាល់ដល់ហេដ្ឋារចនាសម្ភ័នមួយចំនួននៅឃុំក្បាលរមាស…
ខេត្តស្ទឹងត្រែង ៖ យ៉ាងហោចណាស់ប្រជាពលរដ្ឋ៤គ្រួសារត្រូវជម្លៀសទៅកាន់ទីទួលសុវត្ថិភាព ខណៈហេដ្ឋារចនាសម្ព័នមួយចំនួនកំពុងវាយប្រហាពីជំនន់ទឹកភ្លៀងនៅស្រុកសេសាន្ត ។ បើតាមរបាយការណ៍របស់លោកអភិបាលស្រុកសុវណ្ណ ពិសេដ្ឋ អោយដឹងថា ជំនន់ទឹកភ្លៀង បានបង្កផលប៉ះពាល់ដល់ហេដ្ឋារចនាសម្ភ័នមួយចំនួននៅឃុំក្បាលរមាស ក្នុងនោះភូមិក្របីជ្រុំ ឃុំក្បាលរមាស ដោយគិតត្រឹមថ្ងៃទី១០ វេលាម៉ោង១០យប់ ខែសីហានេះ ។
ទឹកជំនន់ទន្លេស្រែពក បានជន់លិចភូមិករណ៍ ដីស្រែរបស់បងប្អូនប្រជាពលរដ្ឋ ហេដ្ឋារចនាសម្ភ័ន រួមមានផ្លូវលំក្រាលគ្រួសក្រហមប្រវែង៤៥០ម៉ែត្រ ត្រូវបានលិចស្ពានឈើក្បាលបេតុងប្រវែង៣០ម៉ែត្រ មួយកន្លែងលូកាត់ផ្លូវចំនួន២កន្លែង សាលារៀនបឋមសិក្សា១ខ្នង មាន៥បន្ទប់ អណ្ដូងទឹកចំនួន១កន្លែង ថ្នាក់មត្តេយ្យសហគមន៍១ខ្នង និងប្រព័ន្ធចែកចាយទឹកស្អាតនៅសាលាមត្តេយ្យសហគមន៍ផ្ទះចំនួន៣០ខ្នង ក្នុងចំណោម២៧០ខ្នងផ្ទះ ត្រូវបានទឹកហូរចូលក្រោមផ្ទះ និងលិចកម្ពស់ប្រមាណ១ម៉ែត្រ ក្នុងនោះមាន៤គ្រួសារដែលត្រូវបានជម្លៀសចេញពីផ្ទះដីស្រែសន្ទូងសំណាបសរុបប្រមាណជា៤០០ហិកតា ត្រូវបានលិចលង់ ។
ដោយឡែកនៅចំណុចអូរគគីរ ស្ថិតក្នុងភូមិក្បាលរមាសថ្មីមានចំនួន២៥គ្រួសារ និងស្រែ១៨ហិកតាត្រូវបានលិច ។ ទាក់ទិនជំនន់ទឹកភ្លៀងនេះដែរ ក្រុមការងារដោយមានការចូលរួមពីលោកមេឃុំក្រុមប្រឹក្សាឃុំមន្ត្រីកងរាជអាវុធហត្ថមន្ត្រីប៉ុស្តិ៍នគរបាល មេភូមិអនុភូមិប្រធានមណ្ឌល សុខភាព ចុះពិនិត្យស្ថានភាព ដើម្បីផ្ដល់កិច្ចអន្តរាគមន៍តាមការចាំបាច់ជាក់ស្ដែង និងអប់រំផ្សព្វផ្សាយណែនាំឲ្យមានការប្រុងប្រយ័ត្នចំពោះផលប៉ះពាល់នានានៃគ្រោះទឹកជំនន់ ពិសេសការរស់នៅស្អាតបង្កើនការប្រុងប្រយ័ត្ន ចំពោះកុមារតូចផ្ទះសម្បែងទ្រព្យសម្បត្តិយានយន្តសត្វចិញ្ចឹមនានាដោយនាំដឹកយកទៅទុកនៅទីទួលដែលមានសុវត្ថិភាព ។
ស្ថិតក្រោមការធ្លាក់ភ្លៀងបង្គួរកម្ពស់ទឹកទន្លេ នៅព្រឹកថ្ងៃទី១១ សីហានេះ ទឹកទន្លេមេគង្គ (ប្រកាស ១០.៧០ម៉ែត្រ) ព្រឹកនេះ៦.៤៤ម៉ែត្រល្ងាចម្សិល៦.១៣ ម៉ែត្រឡើង០.៣១ម៉ែត្រ ទឹកទន្លេសេសាន (ប្រកាស១០.៥០ម៉ែត្រ) ព្រឹកនេះកម្ពស់៨.៥៣ម៉ែត្រ ល្ងាចម្សិល ៧.៧៣ម៉ែត្រឡើង០.៨៣ម៉ែត្រ ទឹកទន្លេសេកុង (ប្រកាស១១.៥០ម៉ែត្រ) ព្រឹកនេះ៦.៩៩ម៉ែត្រល្ងាចម្សិល ៦.២៣ ម៉ែត្រឡើង ០.៧៦ម៉ែត្រសម្រាប់ សីតុហភាពខេត្តស្ទឹងត្រែង នាថ្ងៃទី១១ សីហានេះកម្រិត២៣ទៅ៣០អង្សារ ៕កែសម្រួលដោយ ៖ សុឃាក់
ចែករំលែកព័តមាននេះ