ខេត្តកំពង់ចាម ៖ របរបណ្តុះផ្សិតអំបោះដំបូងគេឃើញមានប្រជាកសិករដាំច្រើនកន្លែង តែមកដល់រាល់ថ្ងៃនេះ នូវមានចំនួនតិចតួច ដោយសារកន្លងមកជួប និងតម្លៃទីផ្សារលក់បានថោក ហើយមនុស្សមួយចំនួនបានងាកទៅរករបរផ្សេង ដើម្បីបានប្រាក់កម្រៃដោះស្រាយជីវភាពគ្រួសារ ដោយក្នុងនោះនៅឃុំកោះរកា…
ខេត្តកំពង់ចាម ៖ របរបណ្តុះផ្សិតអំបោះដំបូងគេឃើញមានប្រជាកសិករដាំច្រើនកន្លែង តែមកដល់រាល់ថ្ងៃនេះ នូវមានចំនួនតិចតួច ដោយសារកន្លងមកជួប និងតម្លៃទីផ្សារលក់បានថោក ហើយមនុស្សមួយចំនួនបានងាកទៅរករបរផ្សេង ដើម្បីបានប្រាក់កម្រៃដោះស្រាយជីវភាពគ្រួសារ ដោយក្នុងនោះនៅឃុំកោះរកា ស្រុកកំពង់សៀម មានតែ១កន្លែងទេ ។
លោកវេង សេងលាភ វ័យ៣៥ឆ្នាំ នៅភូមិតាមាង ឃុំខាងលើប្រាប់ឲ្យដឹងនៅព្រឹកថ្ងៃទី០៨ សីហានេះថា ដំបូងរូបលោកបានទៅស៊ីឈ្មួលឲ្យគេដាំផ្សិតឲ្យគេ នៅឃុំពាមជីកង ស្រុកកងមាស ដោយក្នុង១ខែ ទទួលបានប្រាក់ឈ្មួលតម្លៃ៧ម៉ឺនរៀល ហើយនៅបានរយៈពេល១ឆ្នាំក៏វិលត្រឡប់មកផ្ទះវិញ និងបានយកបទពិសោធន៍នៅជាមួយគេមកអនុវត្តន៍ និងគួបផ្សំចំណេះដឹងទទួលបានពីអង្កការចុះមកបង្រៀនដល់កសិករចំនួន១៥នាក់ក៏បានធ្វើរោងបណ្តុះផ្សិតដាក់ចំនួន៣.០០០កញ្ចប់ដោយខ្លួនឯង ។
លោកសេង លាភ ប្រាប់បន្តថា សម្រាប់តម្លៃលក់លើកដំបូងៗបានយ៉ាងច្រើន២.០០០រៀលមិនទទួលបានផលចំណេញនោះទេ ហើយក៏បានធ្វើឲ្យសិក្ខាកាមជាង១០នាក់ដែលធ្លាប់រៀនជាមួយនឹងរូបគេបាននាំគ្នាឈប់បណ្តុះផ្សិតអំបោះលក់ និងបានងាកទៅរករបរផ្សេងវិញ ចំនែករូបគេក៏បានឈប់មួយរយៈខ្លី តែមិនបានចុះចាញ់លើរបរនេះឡើយ ។ ភាពបរាជ័យរបស់គេជាបទពិសោធន៍ ដោយបានបង្រៀនឲ្យចេះដឹងនូវបច្ចេកទេសបណ្តុះផ្សិត ក្រោយមកតម្លៃបានឡើងថ្លៃវិញក្នុងគ្រាពេលដែលផ្អើលនាំគ្នាមិនទទួលទានសាច់ជ្រូកដែលកើតជំងឺប៉េសជ្រូកអាហ្វ្រិកផ្សិតរបស់គេបានឡើងថ្លៃដល់ទៅ៧.០០០រៀល ក្នុង១គីឡូក្រាម បានមួយរយៈ និងចុះមកនូវត្រឹម៥.០០០រៀលវិញ ។
ផ្សិតអំបោះនេះត្រូវបានផ្សំឡើង ដោយច្រកក្នុងថង់មានអាចម៍រណា កន្ទួត ពោតក្រហម ចុងអង្កជាដើម ត្រូវបានដាក់តំរៀបគ្នាក្នុងរោងជាងជួរ ដោយបាំងមិនឲ្យមានពន្លឺថ្ងៃចូលទៅក្នុងរយៈពេល១សប្តាហ៍ទៅ១០ថ្ងៃ ផ្សិតនិងចេញមកបន្តបន្ទាន់ ។ ហើយរាល់ថ្ងៃបេះបានពី២០ទៅ៣០គីឡូក្រាម ប្រសិនបើរដូវបុណ្យភ្ជុំបិណ្ឌលក់ដាច់ និងប្រើបច្ចេកទេសក្នុង១ថ្ងៃលើកញ្ចប់ផ្សិតជាង១ម៉ឺនថង់ អាច និងហុចផលបានរហូតដល់ទៅជាង១០០គីឡូក្រាមក៏បាន ហើយមានម៉ូយមកទិញដល់ផ្ទះតែម្តង ។
តាមរយៈចំណេះដឹងដែលមានក៏បានជួយបង្រៀនដល់បងប្អូនរបស់ខ្លួន៣នាក់ ឲ្យចេះបណ្តុះផ្សិតលក់ និងអ្នកដទៃ រួមមានមិត្តភក្តិជាដើមមិនតិចជាង៣០នាក់នោះទេ បានជួយបង្រៀនឲ្យចេះរបរបណ្តុះផ្សិត មួយវិញទៀតក៏ចង់ឲ្យមន្ត្រីជំនាញកសិកម្មមកចុះបង្រៀនពីបច្ចេកទេសបន្ថែមដល់រូបគេផងដែរ ។
អ្នកស្រីហ៊ុន ឃីម ប្រធានការិយាល័យកសិកម្មស្រុកកំពង់សៀមប្រាប់ថា នៅក្នុងស្រុកកំពង់សៀមមានតែរោងបណ្តុះផ្សិតអំបោះចំនួន២កន្លែងប៉ុណ្ណោះ នៅក្នុងឃុំកោះរកា ស្រុកកំពង់សៀម ហើយក្នុងឆ្នាំ២០១៩នេះ មិនទាន់មានផែនការចុះបង្រៀនដល់កសិករនោះទេ មិនទាន់មានថវិកាគាំទ្រ ។ ហើយផ្សិតដែលផលិតបានគេលក់នៅក្នុងស្រុកតែប៉ុណ្ណោះ ព្រោះសុទ្ធតែរោងតូចៗ ៕ កែសម្រួលដោយ ៖ សុឃាក់
ចែករំលែកព័តមាននេះ