រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីព្រឹកថ្ងៃទី៨ សីហា ឆ្នាំ២០១៩ មានការភ្ញាក់ផ្អើលមួយបានកើតឡើងដោយសារគេឃើញបុរសជនជាតិចិនម្នាក់ ក្នុងចំណោមមិត្តភក្តិច្រើននាក់ ត្រូវបានសមត្ថកិច្ចនគរបាលព្រហ្មទ័ណ្ឌក្រសួងមហាផ្ទៃចាប់ក្រៀក នាំចូលក្នុងរថយន្តរួចដឹកចេញទៅបាត់…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីព្រឹកថ្ងៃទី៨ សីហា ឆ្នាំ២០១៩ មានការភ្ញាក់ផ្អើលមួយបានកើតឡើងដោយសារគេឃើញបុរសជនជាតិចិនម្នាក់ ក្នុងចំណោមមិត្តភក្តិច្រើននាក់ ត្រូវបានសមត្ថកិច្ចនគរបាលព្រហ្មទ័ណ្ឌក្រសួងមហាផ្ទៃចាប់ក្រៀក នាំចូលក្នុងរថយន្តរួចដឹកចេញទៅបាត់ បន្ទាប់ពីបុរសជាជនជាតិចិនម្នាក់នេះដើរចេញពីក្នុងបរិវេណសាលាដំបូងរាជធានីភ្នំពេញ ។
ជនសង្ស័យម្នាក់ខាងលើដែលត្រូវសមត្ថកិច្ចចាប់ក្រៀកឈ្មោះ GUO GENG HE ភេទប្រុស ជាជនជាតិចិន ស្នាក់នៅអាគារ Daly tower ផ្លូវម៉ាស៊ីនទឹក សង្កាត់ជ្រោយចង្វារ ខណ្ឌឬស្សីកែវ រាជធានីភ្នំពេញ ។
តាមសេចក្តីរាយការណ៍បានឱ្យដឹងថា ទាក់ទិននឹងការចាប់ក្រៀកបុរសជនជាតិចិនម្នាក់ខាងលើនេះ ត្រូវបានមន្ត្រីនគរបាលបានព្រហ្មទណ្ឌឲ្យដឹងថា ជាការអនុវត្តតាមដីកាបញ្ជាឲ្យចូលខ្លួនរបស់លោក ប្លង់ សុផល ព្រះរាជអាជ្ញារង នៃអយ្យការអនសាលាដំបូងរាជធានីភ្នំពេញ ពាក់ព័ន្ធនឹងបទឆបោក តាមពាក្យបណ្តឹងរបស់ឈ្មោះ MAO Yi FAN ជាពាណិជ្ជករចិនដូចគ្នា ។ ព័ត៌មានលម្អិតនឹងមានផ្សាយជូននៅពេលក្រោយ ៕ (កែសម្រួលដោយ ៖ ធីតា)
ចែករំលែកព័តមាននេះ