ខេត្តកែប ៖ សេចក្តីរាយការណ៍បឋមបានឲ្យដឹងថា ដោយទូកចំនួន១៦គ្រឿងរបស់សហគមន៍មួយត្រូវបានផ្អាកដឹកភ្ញៀវជាតិ និងអន្តរជាតិទៅកាន់កោះទន្សាយ និងកោះឯផ្សេងៗទៀត ខណៈពេលមានភ្លៀង និងរលក និងខ្យល់កំពុងបក់បោកយ៉ាងខ្លាំង នៅលើដែនសមុទ្រ ខេត្តកែប ។
សេចក្តីរាយការណ៍បឋម អ្នកបើកទូកដឹកភ្ញៀវទៅកាន់កោះទន្សាយឈ្មោះ កែវ ឆេន ភេទប្រុសអាយុ៦៥ឆ្នាំ បាននិយាយប្រាប់អ្នកយកព័ត៌មាន កាលពីព្រឹកថ្ងៃទី៧ សីហាថា ទូកដឹកភ្ញៀវរបស់សហគមន៍ចំនួន១៦គ្រឿង ត្រូវបានផ្អាកដឹកភ្ញៀវជាតិ និងអន្តរជាតិទៅកាន់កោះទន្សាយតាំងពីថ្ងៃទី២សីហាមកម្លេះ ។ អ្នកបើកទូកដែលមានវ័យជំណាស់ជាងគេរូបនេះនិយាយថា ការផ្អាកដឹកភ្ញៀវទៅកាន់កោះទន្សាយត្រូវបានកងនគរបាលប្រចាំការកោះទន្សាយបានរារាំងទូកទាំង១៦គ្រឿង មិនអោយចេញដំណើរបានស្របពេលមានព្យុះ និងភ្លៀងមានរលកផងនោះ កំពុងបក់បោកយ៉ាងខ្លាំង ។
អ្នកបើកទូកនិយាយថា ទោះបីជាភ្ញៀវអង្វរអោយពួកគាត់ដឹកទៅកាន់កោះនោះយ៉ាងណាក៏ដោយក៏អ្នកហែកសំបុត្រមិនព្រមហែកសំបុត្រអោយទូកទៅដែរ ។ ហើយបើទៅមែន ខ្លាចកើតមានគ្រោះថ្នាក់ដោយយកថាហេតុ ។
គាត់បាននិយាយថា ចាប់ផ្អាកដឹកភ្ញៀវទៅកាន់កោះទន្សាយតាំងពីថ្ងៃទី២ សីហារហូតមកដល់ព្រឹកថ្ងៃទី៧ សីហានេះ ក៏នៅតែគេមិនទាន់អនុញាតអោយក្រុមទូកសហគមន៍ដឹកភ្ញៀវទៅកាន់កោះទន្សាយដែលមានចម្ងាយពីដែនគោកទៅកាន់កោះមានចម្ងាយ៤គីឡូកន្លះ ។
សូមបញ្ជាក់ថា ទូកក្នុងសហគមន៍សម្រាប់ដឹកភ្ញៀវទៅកាន់កោះទន្សាយនោះ៨នាក់ដឹកទៅមកថ្លៃឈ្នួលចំនួន២៥ដុល្លារ ចំណែកឯដឹកជនបទេស៧នាក់២៥ដុល្លារ តែបើហែកសំបុត្រ៣នាក់ក៏ចេញបាន ។ ដោយលែកអ្នកយកព័ត៌មានយើងចង់សួររឿងផ្សេងទៀតតាមទូរស័ព្ទ គ្រាន់តែប្រាប់អ្នកយកព័ត៌មានត្រូវបានអ្នកហែកសំបុត្របិតផ្ដាច់ការទាក់ទង ៕ កែសម្រួលដោយ ៖ សុឃាក់
ចែករំលែកព័តមាននេះ