រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់ស្រវឹងស្រាជិះម៉ូតូលឿនបុកស្ត្រីលក់ពងទាអាំងរងការខូចខាតយ៉ាងធ្ងន់ធ្ងរ ពេលសមត្ថកិច្ចជួយអន្តរាគមន៍បែរជាវាយសមត្ថកិច្ចទៀត បណ្តាលឲ្យរងរបួសប៉ោងមុខ បង្កអោយមានការភ្ញាក់ផ្អើល កាលពីវេលាម៉ោង ១០យប់ ថ្ងៃទី០៧…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់ស្រវឹងស្រាជិះម៉ូតូលឿនបុកស្ត្រីលក់ពងទាអាំងរងការខូចខាតយ៉ាងធ្ងន់ធ្ងរ ពេលសមត្ថកិច្ចជួយអន្តរាគមន៍បែរជាវាយសមត្ថកិច្ចទៀត បណ្តាលឲ្យរងរបួសប៉ោងមុខ បង្កអោយមានការភ្ញាក់ផ្អើល កាលពីវេលាម៉ោង ១០យប់ ថ្ងៃទី០៧ ខែសីហានេះ តាមបណ្ដោយផ្លូវជាតិលេខ៤ ទល់មុខផ្សារមនោរម្យ ភូមិកន្ទោកជើង សង្កាត់កន្ទោក ខណ្ឌពោធិ៍សែនជ័យ ។
ជនសង្ស័យជិះម៉ូតូម៉ាកហុងដាឌ្រីម សេរី២០១៦ ឡើងសេរី ២០១៩ ពណ៌ខ្មៅ ពាក់ស្លាកលេខ ភ្នំពេញ1FP-2360 បើកក្នុងទិសដៅពីលិចទៅកើតក្នុងល្បឿនយ៉ាងលឿន ចំណែកម៉ូតូលក់ពងមាន់អាំង ប្រភេទម៉ូតូសណ្តោងបើកដោយនារីម្នាក់បើកឆ្លងផ្លូវ ក្នុងទិសដៅពីត្បូងទៅជើង ។
បើតាមប្រភពព័ត៌មានពីកន្លែងកើតហេតុបាននិយាយប្រាប់ថា មុនពេលកើតហេតុគេឃើញស្ត្រីម្នាក់ខាងលើបើករ៉ឺម៉កលក់ពងមាន់អាំង បើកឆ្លងផ្លូវបានពាក់កណ្ដាលផ្លូវ ស្រាប់តែឃើញ បុរសម្នាក់ជិះម៉ូតូលឿនក្នុងទិសដៅពីលិចទៅកើតក្នុងល្បឿនយ៉ាងលឿន ហើយបានបុកម៉ូតូរ៉ឺម៉កលក់ពងមាន់អាំង បណ្តាលឲ្យរងការខូចខាតយ៉ាងធ្ងន់ធ្ងរ ចំណែកពងមាន់វិញធ្លាក់ជ្រុះពេញផ្លូវ ។
ប្រភពព័ត៌មានពីកន្លែងកើតហេតុបានបន្តទៀតថា ខណៈភ្លាមៗមានកម្លាំងសមត្ថកិច្ចនគរបាលប៉ុស្តិ៍បានមកដល់កន្លែងកើតភ្លាមៗផងដែរ ដើម្បីបាញ់ថ្នាំនឹងយករ៉ឺម៉កសណ្តោងលក់ពងមាន់អាំងព្រមទាំងម៉ូតូយកមកអែបខាង ដើម្បីកុំអោយស្ទះចរាចរណ៍ ។ បន្ទាប់មកបុរសជិះម៉ូតូខាងលើដោយស្រវឹងស្រា ហើយសមត្ថកិច្ចអោយដើរមកអែបខាង ដើម្បីនិយាយគ្នា ចំណែកបុរស ខាងលើមិនស្តាប់សមត្ថកិច្ច ដោយបានវាយសមត្ថកិច្ច បណ្តាលអោយប៉ោងចំសៀតផ្កា បណ្តាលឲ្យសមត្ថកិច្ចខឹង នាំបុរសខាងលើទៅប៉ុស្តិ៍ភ្លាមៗផងដែរ ។
ក្រោយពេលកើតហេតុបន្ទាប់ពីសមត្ថកិច្ចនាំបុរសខាងលើយកទៅប៉ុស្តិ៍ភ្លាមៗនោះ ជនបង្កខាងលើនៅតែមិនព្រមសារភាពថា ខ្លួនបានប្រើអំពើហិង្សាលើសមត្ថកិច្ចដដែល បន្ទាប់មក សមត្ថកិច្ចបានអោយដោះស្រាយជាមួយភាគីខាងរ៉ឺម៉កលក់ពងមាន់អាំងដោយសងចំនួន១១ម៉ឺនរៀល ចំណែកបុរសខាងលើដែលប្រើអំពើហិង្សាដាក់សមត្ថកិច្ចកំពុងសាកសួរនឹងចាត់ការតាមនីតិវិធីបន្ត ៕ កែសម្រួលដោយ ៖ សុឃាក់
ចែករំលែកព័តមាននេះ