ខេត្តបាត់ដំបង ៖ សេចក្តីរាយការណ៍បានបន្តថា កម្លាំងកងសង្គ្រោះ711កងពលតូច70 ចេញដំណើរពីទីបញ្ជាការកងពលចោមចៅទៅកាន់ព្រលានយន្តហោះយោធាតាមឧទ្ធម្ភាចក្រ បានហោះទៅដល់ភូមិហុង
ទឹក ស្រុកភ្នំព្រឹក ខេត្តបាត់ដំបងហើយ នៅវេលាម៉ោង០៤ និង៥០នាទីល្ងាចថ្ងៃទី០៧ សីហា នេះ ដើម្បីបើកប្រតិបត្តិការជួយសង្គ្រោះបុរសម្នាក់ដែលកំពុងជាប់ក្នុងរូងភ្នំ ខណៈអាជ្ញាធរពាក់ព័ន្ធទីនោះ ក៏កំពុងព្យាយាមសង្គ្រោះយ៉ាងសស្រាក់ផងដែរនោះ តែមិនអាចជួយគាត់បាន ។ គួរបញ្ជាក់ថា ៖ ទោះមិនទាន់យកជនរងគ្រោះបាន…តែគាត់កំពុងមានសុវត្ថិភាពល្អ
សូមរំលឹកថា ជនរងគ្រោះដែលកំពុងកៀបជាប់ថ្មក្នុងរូងភ្នំ គឺនៅមិនទាន់យកចេញបាននៅឡើយទេ គិតត្រឹមម៉ោងជាង២រសៀលថ្ងៃទី០៧ សីហា ដដែលនេះ ក៏ប៉ុន្តែជនរងគ្រោះកំពុងស្ថិតក្នុងស្ថានភាពល្អនិងមានសុវត្ថិភាព ដោយកម្លាំងសមត្ថកិច្ចបាននៅយាម និងការពារគាត់យ៉ាងប្រយ័ត្នបំផុត ។
រំលឹកទៀតថា នៅម៉ោង១១ និង៤៥នាទីព្រឹកថ្ងៃទី០៧ សីហា ដដែលនេះ ករណីមនុស្សកៀបជាប់នៅក្នុងរូងភ្នំ គឺនៅមិនទាន់មានការដោះស្រាយជួយសង្គ្រោះជនរងគ្រោះបាននៅឡើយ ខណៈកម្លាំងសមត្ថកិច្ច កំពុងរិះរកមធ្យោបាយ ដើម្បីសង្គ្រោះគាត់ឱ្យទាល់តែបាន កុំឱ្យមានគ្រោះថ្នាក់ដល់ជីវិត ។
ករណីជាប់មនុស្សនេះ គឺកើតឡើងតាំងពីថ្ងៃទី០៤សីហា ម្ល៉េះ ដោយបុរសម្នាក់ឈ្មោះ ស៊ុម បូរា អាយុ២៨ឆ្នាំ រស់នៅភូមទឹកថ្លា ឃុំអង្គរបាន ស្រុកសំពៅលូន ខេត្តបាត់ដំបង ខណៈគាត់បានក្នុងរូងភ្នំហុងទឹក ស្ថិតនៅភូមិហុងទឹក ឃុំបារាំងធ្លាក់ ស្រុកភ្នំព្រឹក ដើម្បីកើបអាចម៌ប្រជៀវយកទៅលក់ តែអកុសលអាក្រក់ គាត់បានកៀបជាប់ក្នុងរូងភ្នំនោះតែម្តង ដោយគ្មានអ្នកណាម្នាក់បានដឹងរឿងនេះទេសូម្បីទាំងក្រុមគ្រួសារ តែឆ្ងល់បានបាត់ជនរងគ្រោះពីផ្ទះផងដែរ ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ