កោះហៅឧកញ៉ាមហាឈ្មួញឈើស្រុកស្នួល…បំភ្លឺរឿងមុខរបរ
- ក្រចេះ
ខេត្តក្រចេះ ៖ អ្នករកស៊ីឈើប្រចាំស្រុកស្នួលខេត្តក្រចេះដ៏ល្បីល្បាញ គឺឧកញ៉ា គង់ ក្រឹង ត្រូវបានលោកឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស…
ខេត្តក្រចេះ ៖ អ្នករកស៊ីឈើប្រចាំស្រុកស្នួលខេត្តក្រចេះដ៏ល្បីល្បាញ គឺឧកញ៉ា គង់ ក្រឹង ត្រូវបានលោកឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស…
ខេត្តក្រចេះ ៖ អ្នករកស៊ីឈើប្រចាំស្រុកស្នួលខេត្តក្រចេះដ៏ល្បីល្បាញ គឺឧកញ៉ា គង់ ក្រឹង ត្រូវបានលោកឧត្តមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស និងជាប្រធានក្រុមការងារទប់ស្កាត់ និងបង្ក្រាបបទល្មើសធនធានធម្មជាតិ កោះហៅឱ្យចូលបំភ្លឺ នៅព្រឹកថ្ងៃទី១៥ សីហា ខាងមុខ នៅបញ្ជាការដ្ឋានកងរាជអាវុធហត្ថខេត្តក្រចេះ ។
ការចេញលិខិតកោះហៅរបស់លោកឧត្តមសេនីយ៍ឯក ហុង វីណុល លើឧកញ៉ា គង់ ក្រឹង ឲ្យចូលខ្លួនបំភ្លឺលើករណីបទល្មើសព្រៃឈើ បានធ្វើឡើងក្នុងយុទ្ឋនាការបង្ក្រាបបទល្មើស ព្រៃឈើទ្រង់ទ្រាយធំពីក្រុមគណៈកម្មាធិការថ្នាក់ជាតិ ដែលបានចុះអនុវត្តយ៉ាងក្តៅគគុកនៅតាមខេត្តតំបន់ភូមិភាគឥសាន្ត តាំងពីដើមខែកក្កដា មកលើសកម្មភាពស្រាវជ្រាវបង្ក្រាបបទល្មើសព្រៃឈើ ហើយសម្រាប់ខេត្តក្រចេះ ក៏បានបើកយុទ្ធនាការចុះប្រតិបត្តការស្រាវជ្រាវរុករក ដើមខែសីហានេះ ។
ឧកញ៉ា គង់ ក្រឹង កន្លងមក ត្រូវបានគេដឹងថា មានជាប់ពាក់ព័ន្ធនិងជំនួញឈើខុសច្បាប់ទ្រង់ទ្រាយធំ ក្នុងជំនួញនាំឆ្លងដែន មិនត្រឹមតែប៉ុណ្ណោះ នៅក្នុងទីតាំងភូមិគ្រិះរបស់លោក ដែលស្ថិតនៅជាប់ព្រំដែនត្រពាំងស្រែ ក្នុងស្រុកស្នួល ក៏មានទីតាំងសិប្បកម្មដ៏ធំមួយផងដែរ។
កាលពីថ្ងៃទី៥ សីហា កន្លងទៅ នាយឧត្តមសេនីយ៍សៅ សុខា មេបញ្ជារងកងយុទ្ធពលខេមរភូមិន្ទ និងជាមេបញ្ជាការកងរជអាវុធហត្ថលើផ្ទៃប្រទេស និងជាប្រធានគណៈកម្មការជាតិបង្ក្រាបបទល្មើសធនធានធម្មជាតិ បានដឹកនាំក្រុមគណកម្មាធិការចុះពិនិត្យទីតាំងនានា នៅតំបន់ទាំងក្នុងនិងក្រៅបរិវេណសិប្បកម្មកែច្នៃឈើរបស់លោកឧកញ៉ាគង់ ក្រឹង ដែល ស្ថិតនៅ ជាព្រំដែន និងជាតំបន់ធ្លាប់មានការដឹកជញ្ជូនឈើឆ្លងកាត់ផងដែរ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ