មិនទុកមន្ត្រីនគរបាលណាម្នាក់ចោលឡើយ…ពេលមានជំងឺ
- បាត់ដំបង
ខេត្តបាត់ដំបង ៖ លោកឆាង វណ្ណឆៃ អធិការក្រុងបាត់ដំបង បានដឹកនាំកម្លាំងក្រោមឱវាទ បានចុះសួរសុខទុក្ខមន្ត្រីនគរបាលមួយរូប នៅព្រឹកថ្ងៃទី០៧ សីហា នេះ…
ខេត្តបាត់ដំបង ៖ លោកឆាង វណ្ណឆៃ អធិការក្រុងបាត់ដំបង បានដឹកនាំកម្លាំងក្រោមឱវាទ បានចុះសួរសុខទុក្ខមន្ត្រីនគរបាលមួយរូប នៅព្រឹកថ្ងៃទី០៧ សីហា នេះ…
ខេត្តបាត់ដំបង ៖ លោកឆាង វណ្ណឆៃ អធិការក្រុងបាត់ដំបង បានដឹកនាំកម្លាំងក្រោមឱវាទ បានចុះសួរសុខទុក្ខមន្ត្រីនគរបាលមួយរូប នៅព្រឹកថ្ងៃទី០៧ សីហា នេះ ដែលកំពុងមានជំងឺសម្រាកព្យាបាលនៅក្នុងគេហដ្ឋាន ដែលស្ថិតនៅក្នុងភូមិចំការសំរោង១ សង្កាត់ចំការសំរោង ក្រុងបាត់ដំបង។ នេះមិនមែនជាលើកទី១ទេ ដែលអង្គភាពតែងចុះសួរសុខទុក្ខមន្ត្រីដែលមានជំងឺ និងមានបញ្ហាផ្សេងៗ រហូតសម្រាកព្យាបាលនៅគេហដ្ឋាន គឺមិនទុកចោលឡើយ ។
លោកឆាង វណ្ណឆៃ បានប្រាប់ថា មន្ត្រីនគរបាលដែលកំពុងមានជំងឺនោះ ឈ្មោះអូន ណារ៉ុង នៅក្នុងអង្គភាព អធិការដ្ឋានក្រុងបាត់សំបង ។ គាត់មានជំងឺប្រចាំកាយ ដែលសម្រាកព្យាបាលនៅផ្ទះអស់រយៈពេលជាង២ឆ្នាំកន្លងមកហើយ។ លោកបានបញ្ជាក់ថា នេះជាគិតគូររបស់ថ្នាក់ដឹកនាំ ក៏ដូចជាមន្ត្រីទាំងអស់នៅក្នុង
អង្គភាពទាំងមូល ដែលតែងយកចិត្តទុកដាក់អំពីសុខទុក្ខមន្ត្រីនៅក្នុងអង្គភាពដែលមានជំងឺ ឬមានបញ្ហាផ្សេងៗ។
លោកឆាង វណ្ណឆៃ បានបញ្ជាក់ដែរថា ជាមួយនឹងការចុះសួរសុខទុក្ខមន្ត្រីនគរបាលខាងលើនេះ អង្គភាពក៏បាននាំនូវអំណោយមួយចំនួនសម្រាប់ជួយឧបត្ថម្ភដល់ក្រុមគ្រួសារគាត់ដែរ។ អំណោយទាំងនោះ រួមមាន ថវិកាចំនួន៥៤៥,០០០រៀល និងគ្រឿងឧបភោគ បរិភោគមួយចំនួនដូចជា អង្ករ ទឹកផ្លែឈើ មី ទឹកស៊ីអុីវ ទឹកត្រី ទឹកសុទ្ធ រួមទាំងសម្ភារមួយចំនួនទៀត ។
លោកបញ្ជាក់បន្ថែមថា នេះមិនមែនជាលើកទី១ទេ ដែលអង្គភាពតែងចុះសួរសុខទុក្ខមន្ត្រីដែលមានជំងឺ និងមានបញ្ហាផ្សេងៗ សម្រាកព្យាបាលនៅគេហដ្ឋាន ហើយយើងនឹងបន្តគិតគួរដល់មន្ត្រីដទៃទៀត ដូចជាមន្ត្រីខាងលើនេះដែរ នាពេលខាងមុខ៕ (សម្រួលដោយ៖ស្រីណា)
ចែករំលែកព័តមាននេះ