រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិលោក អ៊ូ ច័ន្ទរ័ត្ន បានបញ្ជាក់ជា ថ្មីថា លោកគ្មានគំនិតបង្កើតគណបក្សនយោបាយថ្មី ដើម្បីប្រកួតប្រជែងជាមួយគណបក្សកាន់អំណាចនោះទេ តែលោកចង់ឲ្យអ្នកនយោបាយដោះស្រាយការជាប់គាំងនយោបាយ…
រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិលោក អ៊ូ ច័ន្ទរ័ត្ន បានបញ្ជាក់ជា ថ្មីថា លោកគ្មានគំនិតបង្កើតគណបក្សនយោបាយថ្មី ដើម្បីប្រកួតប្រជែងជាមួយគណបក្សកាន់អំណាចនោះទេ តែលោកចង់ឲ្យអ្នកនយោបាយដោះស្រាយការជាប់គាំងនយោបាយ ឬការខ្វែងគំនិតគ្នាដែលចង់ឈ្នះរៀងខ្លួន ។
ការបញ្ជាក់របស់អតីតមន្ត្រីជាន់បក្សប្រឆាំងនេះ បន្ទាប់ពីហ្វេសប៊ុករបស់លោកបានសរសេរយ៉ាងដូច្នេះថា «បក្សអាចបាត់បង់បាន តែជាតិ និងទឹកដីមិនអាចបាត់បង់បានទេបក្សបង្កើតថ្មីថ្ងៃណាក៏បានអោយតែនៅមានជាតិ តែជាតិមិនអាចបង្កើតបានទេ ពេលដែលបាត់បង់ទៅហើយ» ។ លោក អ៊ូ ច័ន្ទរ័ត្នផ្តល់បទសម្ភាសន៍ជាកោះសន្តិភាពនៅថ្ងៃទី០៧ ខែសីហា បានបញ្ជាក់យ៉ាងដូច្នេះថា ៖«ខ្ញុំគ្មានគំនិតបង្កើតគណបក្សថ្មីទេ ហើយទស្សនៈនៅលើកទំព័រហ្វេស ប៊ុកខ្ញុំ គឺជាទស្សនៈចាស់ដែលខ្ញុំសរសេរយូរហើយពោល គឺតាំងពី៤ឬ៥ឆ្នាំមុន បន្ទាប់ពីអតីតបក្សសង្គ្រោះជាតិបានត្រូវរូវគ្នា ហើយចូលសភា ។ ហើយទស្សននេះក៏បានផុសឡើងវិញទើបកូនចៅយកមកផុសបន្តទៀត ដែលធ្វើឲ្យមានការយល់ច្រឡំពីមតិមហាជនថា ខ្ញុំមានគំនិតបើកគណបក្សថ្មី» ។
លោកថា ទស្សនៈរបស់លោកនោះ គឺត្រឹមត្រូវណាស់ព្រោះថា គណបក្សនយោបាយអាចបង្កើតពេលណាក៏បាន ប៉ុន្តែជាតិនៅពេលបាត់បង់មិនអាចងាយបង្កើតបានភ្លាមៗនោះទេ ។ ជាមួយគ្នានោះដែរលោក អ៊ូ ច័ន្ទរ័ត្ន ក៏បានស្នើឲ្យអ្នកនយោបាយធ្វើការរកវិធីដោះស្រាយបញ្ហានយោបាយដែលកំពុងជាប់ ពិសេសនោះការចាប់ខ្លួនលោកកឹម សុខា ការរំលាយគណបក្សសង្គ្រោះជាតិ ។ លោកថា គណបក្សកាន់អំណាចអាចធ្វើបានក្នុងនោះធ្វើវិសោធនកម្មច្បាប់ជាដើម ។
ទោះបីជាមានការបដិសេធន៍ពីលោក អ៊ូ ច័ន្ទរ័ត្ន ចំពោះការបង្កើតគណបក្សនយោបាយថ្មីយ៉ាងណាក្តីលោកសុខ ឥសាន ក៏បានលើកឡើងតាមប្រព័ន្ធតេឡេក្រាមឲ្យដឹងនៅថ្ងៃដដែលថាគណបក្សបង្កើតនៅថ្ងៃណាក៏បានឲ្យតែនៅមានជាតិ គឺសញ្ញាបង្កើតគណបក្សថ្មីលេចចេញមកហើយដោយសារបាត់ជំនឿពីក្រុមឧទ្ទាមក្រៅច្បាប់ ៕ កែសម្រួលដោយ៖ សុឃាក់
ចែករំលែកព័តមាននេះ