លោក Josh Davis ដែលជាអ្នកជំនាញផ្នែកចិត្តសាស្ត្រមួយរូបធ្លាប់បានឲ្យដឹងក្នុងបទសម្ភាសន៍មួយថា ម៉ោង៤ព្រឹក គឺជាពេលដែលមនុស្សមានប្រសិទ្ធិភាពការងារខ្ពស់ជាងគេ ព្រោះអ្នកមិនត្រូវបានរំខានដោយសារអ៊ីមែល ការទូរស័ព្ទ ។
មនុស្សជាច្រើនបានសាកល្បង ប៉ុន្តែលទ្ធផលភាគច្រើន គឺចេញមកអវិជ្ជមានទៅវិញ បើ ទោះជាមានមនុស្សជោគជ័យជាច្រើនផ្តល់យោបល់ឲ្យធ្វើដូច្នេះ ។ ប្រាកដណាស់ Sallie Krawcheck ដែលជាសហស្ថាបនិករបស់ Ellevest, Indra Nooyi ដែលជាអតីតនាយកប្រតិបត្តិរបស់ក្រុមហ៊ុន និងលោក Tim Cook ដែលជានាយកប្រតិបត្តិរបស់ក្រុមហ៊ុន Apple សុទ្ធតែជាអ្នកដែលក្រោកពីដំណេកនៅម៉ោង៤ព្រឹក និង៣ និង៤៥នាទីព្រឹក ។
អ្នកត្រូវចងចាំថា ការក្រោមពីដំណេកពីព្រឹកព្រលឹមមានប្រសិទ្ធិភាពសម្រាប់តែអ្នកដែលតែងតែក្រោកពីដំណេកពីព្រឹកព្រលឹមតាំងពីដើមតែប៉ុណ្ណោះ ។ មនុស្សម្នាក់ៗមានទម្លាប់ខុសៗគ្នា ប៉ុន្តែអ្វីដែលអ្នកអាចធ្វើបាន ដើម្បីបង្កើនប្រសិទ្ធិភាពការងាររបស់អ្នក និងបង្កើនអត្រាជោគជ័យ គឺមានដូចខាងក្រោម៖
១. ដំណេកឲ្យបានយ៉ាងតិច៨ម៉ោង
លោក Daniel Gartenberg ដែលជាអ្នកវិទ្យាសាស្ត្រសិក្សាពីការគេងបានផ្តល់យោបល់ឲ្យមនុស្សគ្រប់រូបចូលដំណេកឲ្យបាន៨ម៉ោងកន្លះ ដើម្បីបង្កើនប្រសិទ្ធិភាពការងារដល់ចំណុចកំពូល ។ ដូច្នេះការក្រោកពីដំណេកពីព្រលឹម និងមិនមានប្រសិទ្ធិភាពទេ ប្រសិនបើវាធ្វើឲ្យអ្នកចូលដំណេកមិនគ្រប់គ្រាន់ ។
២. កំណត់ម៉ោងចូលដំណេកឲ្យបានច្បាស់លាស់
ប្រសិនបើអ្នកមានទម្លាប់ចូលដំណេក៤ម៉ោងជារៀងរាល់ថ្ងៃ ហើយអ្នកនៅតែមានកម្លាំងធ្វើការនោះអ្នកមិនចាំបាច់ធ្វើការផ្លាស់ប្តូរទេ ។ ការសិក្សាមួយរបស់សាកលវិទ្យាល័យ Harvard កាលពីឆ្នាំ២០១៧ បានប្រទះឃើញថា ការចូលដំណេកលឿន ឬក្រោកពីដំណេកពីព្រលឹម មិនសំខាន់ទេ អ្វីដែលសំខាន់ គឺការចូលដំណេក និងក្រោកតាមទម្លាប់ ។
៣. កុំក្រោកហើយគេងវិញ
អ្នកប្រហែលជាមានបទពិសោធន៍ត្រូវបានដាស់ដោយនាឡិកា ឬទូរស័ព្ទហើយ តែសម្រេចចិត្តចូលគេងវិញ ។ ប៉ុន្តែវាជាទម្លាប់មិនល្អទេ ព្រោះវានឹងធ្វើឲ្យអ្នកឆាប់ហត់ ។ ប្រសិនបើអ្នកត្រូវបានដាស់ឲ្យភ្ញាក់ពីដំណេកហើយ អ្នកគួរតែក្រោកពីគ្រែគេង ព្រោះការគេងទៅវិញ១០នាទី ឬ១៥នាទីក៏មិនជួយឲ្យអ្នកមានកម្លាំងជាងមុនដែរ ៕ កែសម្រួលដោយ ៖ សុឃាក់
ចែករំលែកព័តមាននេះ