ខេត្តកណ្តាល ៖ ស្ត្រីចំនួន៥នាក់ ត្រូវនគរបាលស្រុកស្អាងធ្វើការឃាត់ខ្លួនភ្លាមៗ ខណៈកំពុងអង្គុយពែនភ្នែនលេងបៀយ៉ាងសប្បាយ។ ហេតុការណ៍នេះបានកើតឡើងកាលពីវេលាម៉ោង១រសៀលថ្ងៃទី៤ សីហា ឆ្នាំ ២០១៩ នៅចំណុចផ្ទះឈ្មោះឡន សាវឿន ស្ថិតនៅភូមិក្បាលកោះកើត ឃុំកោះខ្សាច់ទន្លា ស្រុកស្អាង ខេត្តកណ្តាល ។
ស្ត្រីទាំង៥នាក់ខាងលើនោះ រួមមាន ១-ឈ្មោះលឹម ចន្ធូ អាយុ៤២ឆ្នាំ មុខរបរកម្មការិនី ២-ឈ្មោះតឹក ស្រីណុច អាយុ២៤ឆ្នាំ មុខរបរលក់ដូរ ៣-ឈ្មោះទិត្យ សុវណ្ណ អាយុ៣៣ឆ្នាំ មុខរបរកសិករ ៤-ឈ្មោះសុខ ចន្ធី អាយុ២៤ឆ្នាំ មុខរបរកម្មការិនី និង៥-ឈ្មោះវង់ គឹមហុង មុខរបរលក់ដូរ ។ ស្ត្រីទាំង៥នាក់នេះមានទីលំនៅក្នុងភូមិឃុំខាងលើ។
តាមប្រភពព័ត៌មានបានឱ្យដឹងថា បន្ទាប់ពីទទួលបានព័ត៌មានពីប្រជាពលរដ្ឋថាមានស្ត្រីមួយក្រុមលេងល្បែងស៊ីសងខុសច្បាប់នៅចំណុច ផ្ទះឈ្មោះ ឡន ណាវឿន ភ្លាមនោះកម្លាំងប៉ុស្តិ៍នគរបាលកោះខ្សាច់ទន្លា បានសហការជាមួយកម្លាំងនគរបាលស្រុកស្អាងចុះមកដល់កន្លែងកើតហេតុ និងបានឃើញស្ត្រីមួយក្រុមមានគ្នាចំនួន៥នាក់កំពុងអង្គុយពែនភ្នែនលេងបៀរ ក៏បានឃាត់ខ្លួនយកមកកាន់ប៉ុស្តិ៍នគរបាលកោះខ្សាច់ទន្លាដើម្បីធ្វើការសាកសួរ និងអប់រំតែម្តង៕ (កែសម្រួលដោយ ៖ ធីតា)
ចែករំលែកព័តមាននេះ