ក្រុងហុងកុង ៖ ប៉ូលិសក្រុងហុងកុងកាលពីយប់ថ្ងៃទី៣ សីហា បានបាញ់គ្រាប់បែកបង្ហូរទឹកភ្នែកបំបែកពួកបាតុករ ស្និទ្ធលទ្ធិប្រជាធិបតេយ្យ ដែលលើកគ្នាដើរហែក្បួនច្រើនពាន់នាក់ កាត់តាមវិថីនានាជាសញ្ញានៃការមិនមានទំនុកចិត្តចំពោះចិន ដែលបានចេញការព្រមាននានាឲ្យបញ្ចប់វិបត្តិ។ ប៉ូលិសបានបាញ់គ្រាប់បែកបង្ហូរទឹកភ្នែកជាច្រើនគ្រាប់បំបែកពួកបាតុករ…
ក្រុងហុងកុង ៖ ប៉ូលិសក្រុងហុងកុងកាលពីយប់ថ្ងៃទី៣ សីហា បានបាញ់គ្រាប់បែកបង្ហូរទឹកភ្នែកបំបែកពួកបាតុករ ស្និទ្ធលទ្ធិប្រជាធិបតេយ្យ ដែលលើកគ្នាដើរហែក្បួនច្រើនពាន់នាក់ កាត់តាមវិថីនានាជាសញ្ញានៃការមិនមានទំនុកចិត្តចំពោះចិន ដែលបានចេញការព្រមាននានាឲ្យបញ្ចប់វិបត្តិ។
ប៉ូលិសបានបាញ់គ្រាប់បែកបង្ហូរទឹកភ្នែកជាច្រើនគ្រាប់បំបែកពួកបាតុករ នៅមុខស្នងការដ្ឋានប៉ូលិសស្ថិតក្នុងសង្កាត់ទេសចរណ៍TSIM SHA TSUI រុញច្រានពួកបាតុករក្នុងវិថីទាំងឡាយ ដែលតាមធម្មតាសម្បូរដោយអ្នកទេសចរ។ នាពេលថ្ងៃបាតុករជាច្រើនរយនាក់ដែលបិទមុខ បាននាំគ្នាដាក់បារ៉ាស់រាំងផ្លូវជាច្រើន នៃតំបន់ពាណិជ្ជកម្មនិងទេសចរនោះ ស្ថិតនៅជិតកំពង់ផែ។ ប៉ូលិសបានស្នើដល់ពួកបាតុករឲ្យបញ្ឈប់អំពើខុសច្បាប់ទាំងនេះ ហើយចៀសវាងកុំលើកគ្នាមកកាន់ផ្នែកនេះនៃដែនដីហុងកុង។
ក្រុងប៉េកាំងនិងអាជ្ញាធរមូលដ្ឋាន បានបន្តឹងសំឡេងដោយធ្វើការចាប់ខ្លួនមនុស្សច្រើនសិបនាក់។ កងទ័ពចិនប្រកាសថាខ្លួនត្រៀមបញ្ចប់ការបង្កចលាចលដែលមិនអាចអត់អោនឲ្យបាន ប្រសិនបើមានសំណើ។ ទោះបីយ៉ាងណាពួកបាតុករនៅតែផ្គើននិងសន្យាធ្វើការប្រមូលផ្ដុំគ្នាជាច្រើនទៀតនាសប្ដាហ៍ខាងមុខ៕ (កែសម្រួលដោយ ៖ បុប្ផា)
ចែករំលែកព័តមាននេះ