ពលរដ្ឋក្រីក្រ និងចាស់ជរាមានជំងឺក្នុងស្រុកស្វាយចេកទទួលបានអំណោយ
- ភ្នំពេញ
រាជធានីភ្នំពេញ ៖ កាលពីវេលាម៉ោង៩និង១៥នាទីព្រឹកថ្ងៃទី៣ ខែសីហា ឆ្នាំ២០១៩ លោក ដា ទឹង ប្រធានក្រុមប្រឹក្សាស្រុកស្វាយចេក និងលោកស៊ុត…
រាជធានីភ្នំពេញ ៖ កាលពីវេលាម៉ោង៩និង១៥នាទីព្រឹកថ្ងៃទី៣ ខែសីហា ឆ្នាំ២០១៩ លោក ដា ទឹង ប្រធានក្រុមប្រឹក្សាស្រុកស្វាយចេក និងលោកស៊ុត ង៉ុយ អភិបាលរងស្រុកបាននាំយកអំណោយកាកបាទក្រហមកម្ពុជាសាខាខេត្តបន្ទាយមានជ័យ មកសួរសុខទុក្ខនិងប្រគល់ជូនគ្រួសារក្រីក្រចាស់ជរាមានជំងឺក្នុងឃុំតាបែនចំនួន៤គ្រួសារ ១-ឈ្មោះ អៀម គឿន ភេទស្រីអាយុ៦៥ឆ្នាំ ភូមិអូរវែងជើង ២-ឈ្មោះលឹម ស៊ុក ភេទស្រី អាយុ៧៦ឆ្នាំ ភូមិអូរវែងជើង ៣-ឈ្មោះឈឹម ភា ភេទស្រី អាយុ៧៦ឆ្នាំ ភូមិអូរវែងត្បូង ៤-ឈ្មោះគល់ គ្រូស ភេទស្រី អាយុ៨២ឆ្នាំ ភូមិអូរវែងត្បូង ឃុំតាបែន ស្រុកស្វាយចេក ខេត្តបន្ទាយមានជ័យ ។
ដោយក្នុងមួយគ្រួសារទទួលបាន អង្ករចំនួន២៥គីឡូក្រាម, ទឹកស៊ីអ៊ីវ៣ដប, សាប៊ូ ១ថង, ខ្លាញ់១ដប, មុង១, ភួយ១, អាវយឺត១, ក្រមា១, ក្រណាត់ស១ដុំ, សារ៉ុង១, ត្រីខ ១យួរ, មី១កេស និងថវិកា៥០.០០០រៀល។
លោកដា ទឹង ប្រធានក្រុមប្រឹក្សាស្រុកស្វាយចេក ក៏បានជំរាបជូនប្រជាពលរដ្ឋទាំង៤គ្រួសារបានជ្រាបថា អំណោយដែលបានយកមកចែកជូននាពេលនេះ គឺជាអំណោយរបស់កាកបាទក្រហមកម្ពុជាសាខាខេត្តបន្ទាយមានជ័យ ដែលបានមកពីការចូលរួមពីសប្បុរសជននានា ជាថវិកា សម្ភារៈ ចូលរួមជាមួយកាកបាទក្រហម ក្នុងនាមមនុស្សធម៌ ក្នុងការចែករំលែក ជួយដល់បងប្អូនជួបនូវការលំបាក និងជនងាយរងគ្រោះផ្សេងៗ ដោយមិនប្រកាន់ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ។
លោកប្រធានក្រុមប្រឹក្សាស្រុក បានបញ្ជាក់ថា ថ្វីត្បិតអំណោយទាំងនេះ មានចំនួនតិចតួច មិនគ្រប់គ្រាន់តាមតម្រូវការក៏ពិតមែន តែអាចជួយសម្រាលដល់ជីវភាពរស់នៅរបស់បង្អូន បានមួយគ្រាផងដែរ ។
ជាមួយគ្នានេះដែរ លោកប្រធានក្រុមប្រឹក្សាស្រុក គឺលោកដា ទឹង ក៏បានអំពាវនាវដល់ប្រជាពលរដ្ឋទាំងអស់ គឺត្រូវមានអនាម័យបរិស្ថានឲ្យល្អ ហូបស្អាត ផឹកស្អាត រស់នៅស្អាត ដើម្បីជៀសវាងនូវជម្ងឺដង្កាត់ ផ្សេងៗ៕ (កែសម្រួលដោយ ៖ ធីតា)
ចែករំលែកព័តមាននេះ