ខេត្តកោះកុង ៖ តាមសេចក្តីរាយការណ៍បឋមបានឱ្យដឹងថា មានករណីគ្រោះថ្នាក់ចរាចរណ៍រវាងរថយន្តបែនបុកជាមួយរថយន្តកូរ៉េ ក្នុងទិសដៅបញ្ច្រាសគ្នា បណ្តាលឱ្យអ្នកបើកបររថយន្តកូរ៉េស្លាប់កៀបជាប់ក្នុងកាប៊ីនរថយន្ត កាលពីវេលាម៉ោង១០និង៣៥នាទីយប់ ថ្ងៃទី៣ ខែសីហា ឆ្នាំ២០១៩…
ខេត្តកោះកុង ៖ តាមសេចក្តីរាយការណ៍បឋមបានឱ្យដឹងថា មានករណីគ្រោះថ្នាក់ចរាចរណ៍រវាងរថយន្តបែនបុកជាមួយរថយន្តកូរ៉េ ក្នុងទិសដៅបញ្ច្រាសគ្នា បណ្តាលឱ្យអ្នកបើកបររថយន្តកូរ៉េស្លាប់កៀបជាប់ក្នុងកាប៊ីនរថយន្ត កាលពីវេលាម៉ោង១០និង៣៥នាទីយប់ ថ្ងៃទី៣ ខែសីហា ឆ្នាំ២០១៩ តាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ១៥២-១៥៣ ក្នុងភូមិស្ទឹងឆាយខាងជើង ឃុំបឹងព្រាវ ស្រុកស្រែអំបិល ខេត្តកោះកុង ។
ភាគីខាងរថយន្តបែនមួយគ្រឿង ពណ៌ស ពាក់ស្លាកលេខ ចង្កូតស្តាំ PP-0558 បើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ស្រមោល ។ ចំណែករថយន្តម៉ាកកូរ៉េ ពណ៌ស ពាក់ស្លាកលេខ ភ្នំពេញ ២F-០០៨២ បើកបរដោយបុរសម្នាក់មិនស្គាល់អត្តសញ្ញាណ បានស្លាប់កៀបជាប់ក្នុងកាប៊ីនរថយន្ត ។
តាមសេចក្តីរាយការណ៍បានបន្តថា មុនកើតហេតុ គេឃើញរថយន្តបែនធ្វើដំណើរក្នុងទិសដៅពីខេត្តព្រះសីហនុទៅភ្នំពេញ លុះដល់ចំណុចកើតហេតុខាងលើ ស្រាប់តែ រថយន្តបែនបានបុកចំពីមុខរថយន្តម៉ាកកូរ៉េដែលមានទិសដៅបញ្ច្រស គ្នាយ៉ាងពេញទំហឹង បណ្តាលអោយអ្នកបើកបរ រថយន្តកូរ៉េស្លាប់កៀបជាប់ក្នុងកាប៊ីន ចំណែកអ្នកបើកបររថយន្តបែនបានរត់គេចខ្លួនបាត់ស្រមោល ។
ក្រោយកើតហេតុ កំលាំងកងរាជអាវុធហត្ថស្នាក់ការសន្តិសុខ ៤០២ សហការជាមួយកម្លាំង នគរបាល ស្រុកកំពង់សីលា និងកំលាំងអធិការដ្ឋាននគរបាលស្រុកស្រែអំបិល នៅការពារកន្លែងកើតហេតុ ជួយសំរួលចរាចរណ៍បញ្ចៀសចរាចរណ៍មិនអោយមានការកកស្ទះឡើយ ។
រីឯរថយន្តទាំង២គ្រឿងខាងលើត្រូវបានសមត្ថកិច្ចស្ទូចយកទៅរក្សាទុកនៅអធិការដ្ឋាននគរបាលស្រុកស្រែអំបិលដើម្បីទុកដោះស្រាយតាមនីតិវិធី។ ចំណែកសពជនរងគ្រោះត្រូវបានយកទៅរក្សាទុកនៅមន្ទីរពេទ្យបង្អែកស្រុកស្រែអំបិលរង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី៕ (កែសម្រួលដោយ ៖ ធីតា)
ចែករំលែកព័តមាននេះ