ខេត្តពោធិ៍សាត់ ៖ កម្លាំងនគរបាលក្រុងពោធិ៍សាត់ សហការជាមួយនគរបាលប៉ុស្តិ៍ស្វាយ អាត់ និងប្រជាការពារ ក្រោមការដឹកនាំបញ្ជាផ្ទាល់ពីលោកវរសេនីយ៍ឯក យឹម ស៊ាងហៃ អធិការនគរបាលក្រុង…
ខេត្តពោធិ៍សាត់ ៖ កម្លាំងនគរបាលក្រុងពោធិ៍សាត់ សហការជាមួយនគរបាលប៉ុស្តិ៍ស្វាយ អាត់ និងប្រជាការពារ ក្រោមការដឹកនាំបញ្ជាផ្ទាល់ពីលោកវរសេនីយ៍ឯក យឹម ស៊ាងហៃ អធិការនគរបាលក្រុង កាលពីវេលាម៉ោងប្រមាណ១១និង៤៨នាទីថ្ងៃត្រង់ថ្ងៃទី១ ខែសីហា បានឃាត់ខ្លួនជនសង្ស័យ៣នាក់ នៅភូមិអូរស្តៅ សង្កាត់ស្វាយអាត់ ក្រុងពោធិ៍សាត់ ពីបទរក្សាទុកនិងចរាចរណ៍សារធាតុញៀន ។
លោកអធិការបានឲ្យដឹងថា ប្រតិបត្តិការនេះ មានការសម្របសម្រួលនីតិវិធីពីលោកព្រះរាជអាជ្ញាអមសាលាដំបូងខេត្ត ហើយជនសង្ស័យទាំង៣នាក់ មាន ៖១-ឈ្មោះ ឡាច មុន្នី ភេទប្រុស អាយុ២៨ឆ្នាំ រស់នៅភូមិបាក់រទេះ សង្កាត់ព្រៃញី ក្រុងពោធិ៍សាត់ ២-ឈ្មោះ ជា ហូស៊ីម ភេទប្រុស អាយុ២៣ឆ្នាំ រស់នៅភូមិបាក់រទេះ សង្កាត់ព្រៃញី ក្រុងពោធិ៍សាត់ និង៣-ឈ្មោះ អុឹម ឆៃលី ភេទស្រី អាយុ៤៩ឆ្នាំ រស់នៅភូមិអន្លង់ហាប ឃុំកោះជុំ ស្រុកកណ្តៀង ។
លោកអធិការ យឹម ស៊ាងហៃ បន្តថា ជាមួយនឹងការចាប់ឃាត់ខ្លួនជនសង្ស័យទាំង៣នាក់នេះ សមត្ថកិច្ចបានរកឃើញវត្ថុតាងមាន គ្រឿងញៀនម៉ាទឹកកក(ICE)៣ដុំ ទម្ងន់៣.០៨២ក្រាម រថយន្ត១គ្រឿង ជញ្ជីង១ កាបូបដៃ១ កាបូបស្ពាយ១ កាតគ្រីរថយន្ត៤សន្លឹក អត្តសញ្ញាណប័ណ្ណ២សន្លឹក ថង់ច្រកមួយចំនួន ផ្លាកលេខរថយន្ត ២D-៨៥៧២ ចំនួន២បន្ទះ ខ្សែក១ខ្សែ ចិញ្ចៀន១វង់ ទូរស័ព្ទដៃ១គ្រឿង លុយ៨៦ម៉ឺនរៀល និងស្បោងពណ៌ខៀវ១ ។
នេះជាលើកទី១ហើយក្នុងភូមិសាស្ត្រខេត្តពោធិ៍សាត់ ដែលមានការបង្ក្រាបបានគ្រឿងញៀនដ៏ច្រើនបែបនេះ ៕ (សម្រួលដោយ៖ ស្រីណា)
ចែករំលែកព័តមាននេះ