រាជធានីភ្នំពេញ ៖ កាលពីព្រឹកថ្ងៃទី១ សីហា នេះ ព្រះករុណាព្រះបាទសម្តេចបរមនាថ នរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជា បានមានព្រះបន្ទូលថា «ព្រះអង្គសូមសម្តែងអំណរគុណចំពោះរាជរដ្ឋាភិបាលកម្ពុជា…
រាជធានីភ្នំពេញ ៖ កាលពីព្រឹកថ្ងៃទី១ សីហា នេះ ព្រះករុណាព្រះបាទសម្តេចបរមនាថ នរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជា បានមានព្រះបន្ទូលថា «ព្រះអង្គសូមសម្តែងអំណរគុណចំពោះរាជរដ្ឋាភិបាលកម្ពុជា រដ្ឋាភិបាលស្វីស ដោយបានខិតខំដើម្បីអភិវឌ្ឍវិស័យសុខាភិបាលលើកកម្ពស់សុខុមាលភាព តាមរយៈកសាងអគារគន្ធបុប្ផា នេះប្រើប្រាស់ សម្រាប់ព្យាបាលកុមារ នៅទូទាំងព្រះរាជាណា
ចក្រកម្ពុជាដោយឥតគិតថ្លៃ ។
ព្រះករុណា ព្រះមហាក្សត្រ បានមានបន្ទូលទៀតថា សកម្មភាពនេះសបញ្ជាក់ឲ្យឃើញថា មន្ទីរពេទ្យគន្ធបុប្ផា បានជួយព្យាបាលដល់កុមារកម្ពុជាជិត៣០ឆ្នាំកន្លងមកនេះ។ ព្រះអង្គបានថ្លែងអំណរគុណដល់រដ្ឋា ភិបាលកម្ពុជា មានសម្តេចតេជោហ៊ុន សែន នាយករដ្ឋមន្ត្រី សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែនប្រធានកាកបាទក្រហមកម្ពុជា, រដ្ឋាភិបាលស្វីសដែលបានជួយឧបត្ថម្ភដល់មន្ទីរពេទ្យគន្ធបុប្ផា លោក វេជ្ជបណ្ឌិតប៊េត រីឆ្នី(Beat Richner) និងសប្បុរសជនជាតិនិងអន្តរជាតិផងដែរ ។
ព្រះករុណា ព្រះមហាក្សត្រ បានមានបន្ទូលទៀតថា តាមរយៈសហគមន៍ជាតិ និងអន្តរជាតិគ្រប់មជ្ឈដ្ឋានវិស័យសុខានៅកម្ពុជាត្រូវបានស្តារឡើងវិញនៅគ្រប់កន្លែង។ ក្នុងសម្តេចព្រះបរមរតនកោដ្ឋបាននិងសម្តេចម៉ែបាន ផ្តល់ដីជូនលោកវេជ្ជបណ្ឌិតប៊េតរីឆ្នី(Beat Richner)សាងសង់មន្ទីរពេទ្យ ដើម្បីជួយដល់កុមារកម្ពុជា ។ ព្រះករុណាព្រះមហាក្សត្រ បានមានបន្ទូលទៀតថានៅក្នុងឆ្នាំ២០១៨ សម្តេចម៉ែនិងព្រះអង្គផ្ទាល់បានព្រះរាជទានព្រះរាជទ្រព្យជាថវិកាចំនួន១លានដុល្លារអាមេរិក ដល់ការសាងសង់អគារដែលដាក់សម្ពោធនៅថ្ងៃទី១ខែសីហានេះ ។
ព្រះករុណាព្រះមហាក្សត្រមានបន្ទូលថា សម្តេចតេជោហ៊ុន សែន នាយករដ្ឋមន្ត្រីបានផ្តល់ដីមួយកន្លែងនៅខេត្តសៀមរាប ក្នុងការសាងសង់មន្ទីរគន្ធបុប្ ផានិងបានផ្តល់ប្រាក់ឧបត្ថម្ភជាច្រើនលានដុល្លារ។ ព្រះ ករុណាព្រះមហាក្សត្រ បានមានបន្ទូលទៀតថា សកម្មភាពខាងលើកនេះ បង្ហាញពីការយកចិត្តទុកដាក់របស់ថ្នាក់ដឹកនាំចំពោះកុមារ ដែលជាទំពាំងស្នងឬស្សីទៅថ្ងៃមុខ ។ នៅក្នុងពេលយាងចូលរួមពិធីព្រះមហាក្សត្រី ព្រះមាតាជាតិខ្មែរនរោត្តម មុនិនាថ សីហនុបានព្រះរាជទានថវិកា១០ម៉ឺនដុល្លារអាមេរិក ហើយព្រះករុណាព្រះរាជទានថវិកា១០ម៉ឺនដុល្លារអាមេរិកបន្ថែមទៀត ចំពោះមូលនិធិមន្ទីរពេទ្យគន្ធបុប្ផា ។
លោក ម៉ម ប៊ុនហេង រដ្ឋមន្ត្រី ក្រសួងសុខាភិបាលបានថ្លែងថា អគារថ្មីនេះមានកម្ពស់៣ជាន់មានគ្រែចំនួន១៧០គ្រែ ការសាងសង់ចំណាយប្រមាណ៤លាន៥សែនដុល្លារអាមេរិក និងចំណាយ៣លាន៥សែនដុល្លារអាមេរិក សម្រាប់បំពាក់បរិក្ខាជាជំនួយមូលនិធិគន្ធបុប្ផានិងរួមមានព្រះរាជទាន១លានដុល្លារអាមេរិកពីព្រះករុណាព្រះមហាក្សត្រនិងសម្តេចម៉ែផងដែរ ។ លោក ម៉ម ប៊ុនហេងបន្តថាអគារវះកាត់បេះដូងនេះនឹងដំណើរការចាប់ពីថ្ងៃស្អែក(ថ្ងៃទី២សីហា) តទៅ ហើយក្នុង១ឆ្នាំការវះកាត់បេះដូងកុមារ បានប្រមាណ១ពាន់នាក់ រួមជាមួយមជ្ឈមណ្ឌលវះកាត់បេះដូងទី១នៅខេត្តសៀមរាបបានដំណើរការតាំងពីឆ្នាំ២០១១។
អគារថ្មីនេះដែលសម្ពោធនេះនៅជាន់ផ្ទាល់ដីមានបន្ទប់វះកាត់ធំចំនួន៣ ក្នុងនោះមានបន្ទប់វះកាត់បេះដូង១ ,បន្ទប់វះកាត់ខួរក្បាលនិងប្រព័ន្ធប្រសាទ១,បន្ទប់វះកាត់ឆ្អឹង១ បន្ទប់សង្គ្រោះបន្ទាន់កម្រិតខ្ពស់ក្រោយវះកាត់បេះដូង១(មានគ្រែ១០)។ជាន់ទី១មានបន្ទប់សង្គ្រោះបន្ទាន់កម្រិតខ្ពស់សម្រាប់កុមារ(PICU)ចំនួនមួយ,បន្ទប់សង្គ្រោះបន្ទាន់សម្រាប់ទារក(NICU)មួយដែលមានគ្រែសរុប៤០គ្រែ។ជាន់ទី២និងទី៣ជាបន្ទប់សម្រាកព្យាបាលកុមារទូទៅមានគ្រៃ១២០គ្រែ ។
លោក ម៉ម ប៊ុនហេង បានសំដែងក្តីសង្ឃឹមថាមជ្ឈមណ្ឌលវះកាត់បេះដូងទី២នេះនឹងឆ្លើយតបចាំបាច់ ដើម្បីព្យាបាលកុមារតូចៗដែលមានបញ្ហាបេះដូងតាំងពីកំណើតជាង៤ពាន់នាក់ កំពុងរង់ចាំការវះកាត់កែតម្រូវជារៀងរាលឆ្នាំ ហើយដែលមានជាង៨០%នៃករណីទាំងនេះពួកគេអាចនឹងមានជីវិតរស់នៅដូចកុមារធម្មតាក្រោយការវះកាត់ទទួលបានជោគជ័យ។ (សម្រួលដោយ៖ ស្រីណា)
ចែករំលែកព័តមាននេះ