សហរដ្ឋអាមេរិក-ចិន ៖ អ្នកចរចាចិននិងអាមេរិកបានព្រមព្រៀង ជួបគ្នាទៀតនាដើមខែកញ្ញាខាងមុខនេះនៅសហរដ្ឋអាមេរិក បន្ទាប់ពីការពិភាក្សាគ្នាត្រង់ទៅត្រង់មក មានប្រសិទ្ធ ភាពនិងស្ថាបនា កាលពីថ្ងៃទី៣១កក្កដានៅទីក្រុងសៀងហៃ ដើម្បីប៉ុនប៉ងលុបបំបាត់ចោលសង្គ្រាមពាណិជ្ជកម្មទោះបីមានការរិះគន់ខ្លាំងៗ នាពេលមុននេះរបស់លោកដូណាល់ត្រាំប្រឆាំងចិនក្ដី។…
សហរដ្ឋអាមេរិក-ចិន ៖ អ្នកចរចាចិននិងអាមេរិកបានព្រមព្រៀង ជួបគ្នាទៀតនាដើមខែកញ្ញាខាងមុខនេះនៅសហរដ្ឋអាមេរិក បន្ទាប់ពីការពិភាក្សាគ្នាត្រង់ទៅត្រង់មក មានប្រសិទ្ធ ភាពនិងស្ថាបនា កាលពីថ្ងៃទី៣១កក្កដានៅទីក្រុងសៀងហៃ ដើម្បីប៉ុនប៉ងលុបបំបាត់ចោលសង្គ្រាមពាណិជ្ជកម្មទោះបីមានការរិះគន់ខ្លាំងៗ នាពេលមុននេះរបស់លោកដូណាល់ត្រាំប្រឆាំងចិនក្ដី។
ផ្នែកសារព័ត៌មានរបស់សេតវិមាន ក្នុងសេចក្ដីប្រកាសមួយចេញផ្សាយកាលពីថ្ងៃទី៣១កក្កដាបន្ទាប់ពីការចរចាគូសបញ្ជាក់ថា ពួកអ្នកចរចាបានលើកពីបណ្ដាបញ្ហាចម្រូងចម្រាស់នានាដូចជាការផ្ទេរដោយចាប់បង្ខំនៃបចេ្ចកវិទ្យា កម្មសិទ្ធិបញ្ញា របាំងដែលមិនចាំបាច់បង់ពន្ធជាដើម។ យោងតាមក្រុងវ៉ាស៊ិនតោនថា ភាគីចិនបានអះអាងពីការសន្យារបស់ខ្លួន បង្កើនការទិញផលិតផលកសិកម្មអាមេរិក។
មហាអំណាចទាំង២ចាប់តាំងពីជាងមួយឆ្នាំមកហើយ បានប្រកាន់ជំហររឹងដូចគ្នាខាងពាណិជ្ជកម្ម ដែលនាំទៅដល់ការបង្កើនពន្ធគយទៅវិញទៅមក មានទឹកប្រាក់សរុបប្រមាណជាជាង៣៦០ពាន់លានដុល្លារ នៃការផ្លាស់ប្ដូរពាណិជ្ចកម្មគ្នាប្រចាំឆ្នាំ។
ក្នុងការចរចាទល់មុខគ្នាជាលើកដំបូងចាប់តាំងពីផ្អាក៣ខែមកហើយ គេបានពិភាក្សាគ្នាជាពិសេស លើការបង្កើនទិញបណ្ដាផលិតផលកសិកម្មអាមេរិក។ មុនការមកដល់ក្រុងសៀងហៃរបស់គណៈប្រតិភូអាមេរិកបន្តិច លោកដូណាល់ត្រាំបានព្រលះចិនតាមTWITTERថា ចិនអះអាងពីការបង្កើនការទិញបណ្ដាផលិតផលកសិកម្មរបស់យើង តែគេបានតែនិយាយនិងមិនបានធ្វើឡើយ។ លោកថានោះជាបញ្ហាជាមួយចិន៕ (កែសម្រួលដោយ ៖ បុប្ផា)
ចែករំលែកព័តមាននេះ