រាជធានីភ្នំពេញ ៖ មានការធ្លាយដំណឹងថា តារាសម្តែង និងបង្ហាញម៉ូដ ឆុំ វត្តី ដែលមានឈ្មោះល្បីនាពេលសព្វថ្ងៃ ស្រាប់តែលេចឭថា នាងជិតចូលរោងការជាមួយប្រុសម្នាក់វ័យប្រហាក់ប្រហែលគ្នា។…
រាជធានីភ្នំពេញ ៖ មានការធ្លាយដំណឹងថា តារាសម្តែង និងបង្ហាញម៉ូដ ឆុំ វត្តី ដែលមានឈ្មោះល្បីនាពេលសព្វថ្ងៃ ស្រាប់តែលេចឭថា នាងជិតចូលរោងការជាមួយប្រុសម្នាក់វ័យប្រហាក់ប្រហែលគ្នា។ នេះជាដំណឹងថ្មីមួយទៀត សម្រាប់តារាសិល្បៈ ព្រោះឆ្នាំនេះមានតារាៗល្បីជាច្រើនបបួលគ្នារៀបការអស់ច្រើនគូ។
ចំណែក ឆុំ វត្តី ក៏មិនធ្លាប់ទម្លាយឱ្យគេដឹងមុនៗនោះទេ ទើបមានការភ្ញាក់ផ្អើលខ្លាំង។ ឆុំ វត្តីជាអតីតស្រីស្អាតប្រឡងនៅស៊ីធីអុីន ហើយក្រោយមកបានដើរបង្ហាញម៉ូដប្រចាំកម្មវិធីទូរទស្សន៍នោះ ហើយព្យាយាមជាតារាបង្ហាញម៉ូដច្រើនឆ្នាំ ឆុំ វត្តី បានព្យាយាមតស៊ូរហូតបានក្លាយជាតារាភាពយន្តដោយមិននឹកស្មានដល់។
មួយរយៈចុងក្រោយនេះ ឆុំ វត្តី បានបង្ហាញភាពសិទ្ធស្នាល រួមជាមួយរូបថតដ៏ ផ្អែមល្ហែមជាមួយគូស្នេហ៍ ដែលជាអ្នកដឹកនាំរឿងមួយរូបដែលធ្វើឱ្យបុរសមិនតិចទេ ខកចិត្ត និងសោក ស្តាយដែលស្រីស្អាតរូបនេះ មានម្ចាស់ទៅហើយ ។
ទំនាក់ទំនងស្នេហាមិនទាន់បានប៉ុន្មានផង ពេលនេះតួឯកស្រីនៅក្នុងរឿង « ហ្លួងព្រះស្តេចកន» រូបនេះបានបង្ហាញរូបថត Pre Wedding ជាច្រើនដែលមានទាំងឈុតបុរាណ និងសម័យដែលធ្វើឱ្យអ្នកគាំទ្រ និងមិត្តភក្តិចូលរួមអបអរផង ដែរ។
ប៉ុន្តែ ឆុំ វត្តី មិនបានបញ្ជាក់ថា ពេលវេលាល្អនៅក្នុងថ្ងៃពិសេសនេះទេ គ្រាន់តែលើកឡើងថា ឆាប់ៗនេះ ហើយមានការសរសើរថា មួយគូនេះពិតជាសក្តិសមទាំងព្រមតែម្តង។ ស្របពេលជិតរៀបការគេសង្កេតឃើញ ឆុំ វត្តី និងគូស្នេហ៍បានបណ្តើរគ្នាទៅហាត់ប្រាណ ដើម្បីឱ្យកាន់តែស្រស់ស្អាត និងលេចធ្លោនៅក្នុងថ្ងៃពិសេសនេះ ។ ដោយសារអនាគតស្វាមីនៅមិនឆ្ងាយពីអាជីពសិល្បៈ ឆុំ វត្តី នៅតែបន្តប្រឡូកការងារសិល្បៈដដែល ។ បើទោះបីជានាងរៀបការរួចក្តី ព្រោះស្វាមីរបស់នាងយល់ច្បាស់ពីការងារនេះ ។
ទំនាក់ទំនងកាន់តែផ្អែមល្ហែម និងស៊ីជម្រៅ ពេលនេះតារាសម្តែងសម្បុរស្រអែមស្រស់ ឆុំ វត្តី ចាប់ផ្តើមបង្ហាញរូបថត Pre Wedding ជាមួយគូស្នេហ៍ដែលមើលទៅពិតជាសក្តិ សម ។
អ្វីដែលបានធ្វើឲ្យអ្នកគាំទ្រមិនអស់ចិត្ត គឺថ្ងៃពិតនៃការចគលពាលាជ័យដោយមិនដឹងថា ច្បាស់ថ្ងៃណាក្រៅពីឭឆាប់ៗនេះ។ យ៉ាងណាទស្សនិកជនបានចូលរួមអបអរដំណឹងសិរីសួស្តីនេះ ហើយពិធីមង្គលការរបស់នាងពិតជាចូលរួមច្រើនពីអ្នកសិល្បៈ។ (កែសម្រួលដោយ ៖ បុប្ផា)
ចែករំលែកព័តមាននេះ