ខេត្តរតនគិរី ៖ សេចក្តីរាយការណ៍បឋមបានឲ្យដឹងថា ជនសង្ស័យម្នាក់ត្រូវសមត្ថកិច្ចចាប់ខ្លួន បន្ទាប់ពីបង្កហិង្សាឈានដល់បង្ករបួសស្នាម ដោយប្រើកាំបិតកាប់ទៅលើជនរងគ្រោះម្នាក់ បណ្តាលឱ្យរងរបួសយ៉ាងដំណំកំពុងសម្រាកព្យាបាលនៅមណ្ឌលសុខភាពស្រុក ។ ដែលហេតុការណ៍បង្កហិង្សាឈានដល់មានរបួសស្នាមនោះបានកើតឡើងនៅវេលាម៉ោង២០និង១៩នាទីថ្ងៃទី៣០ ខែកក្កដានេះ…
ខេត្តរតនគិរី ៖ សេចក្តីរាយការណ៍បឋមបានឲ្យដឹងថា ជនសង្ស័យម្នាក់ត្រូវសមត្ថកិច្ចចាប់ខ្លួន បន្ទាប់ពីបង្កហិង្សាឈានដល់បង្ករបួសស្នាម ដោយប្រើកាំបិតកាប់ទៅលើជនរងគ្រោះម្នាក់ បណ្តាលឱ្យរងរបួសយ៉ាងដំណំកំពុងសម្រាកព្យាបាលនៅមណ្ឌលសុខភាពស្រុក ។ ដែលហេតុការណ៍បង្កហិង្សាឈានដល់មានរបួសស្នាមនោះបានកើតឡើងនៅវេលាម៉ោង២០និង១៩នាទីថ្ងៃទី៣០ ខែកក្កដានេះ នៅចំណុចភូមិលូត ឃុំទីងចាក់ ស្រុកបរកែវ ខេត្តរតនគិរី ។
ប្រភពសមត្ថកិច្ចនគរបាលស្រុកបរកែវបានឱ្យដឹងថា ជនសង្ស័យដែលឃាត់ខ្លួនបានឈ្មោះ តោះ គប ភេទប្រុស អាយុ៣៧ឆ្នាំ ជនជាតិខ្មែរឥស្លាម រស់នៅភូមិឃុំកើតហេតុខាងលើ ។
ដោយមានជម្លោះពាក្យសំដីរហូតឈានដល់បង្កហិង្សាយកកាំបិតកាប់ទៅលើជនរងគ្រោះចំនួន៣កាំបិត បណ្តាលឱ្យរងរបួសធ្ងន់ត្រង់ជង្គង់ខាងឆ្វេង និងកជើងខាងស្ដាំ ។ ហើយជនរងគ្រោះឈ្មោះ អែល សៀងអេង ភេទប្រុស អាយុ៤៣ឆ្នាំ ជនជាតិខ្មែរ រស់នៅភូមិឃុំជាមួយគ្នា រងរបួសធ្ងន់ ។
ក្រោយកើតហេតុជនរងគ្រោះត្រូវបានសាច់ញាតិបញ្ជូនទៅសម្រាកព្យាបាលនៅមណ្ឌលសុខភាពស្រុកបរកែវ ។ ឯជនបង្កហេតុត្រូវកម្លាំងប៉ុស្តិ៍រដ្ឋបាលឃុំទីង ចាក់ធ្វើការឃាត់ខ្លួន និងបញ្ជូនបន្តទៅអធិការដ្ឋាននគរបាលស្រុកបរកែវ ដើម្បីសាកសួរ និងធ្វើកំណត់ហេតុបញ្ជូនទៅសាលាដំបូងខេត្តចាត់ការតាមនីតិវិធីច្បាប់ ៕ កែសម្រួលដោយ ៖ សុឃាក់
ចែករំលែកព័តមាននេះ