រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ពីសុខភាពកាន់តែប្រសើរឡើងវិញ ហើយគ្រោងនឹងដឹកនាំកិច្ចប្រជុំគណៈរដ្ឋមន្ត្រីនៅដើខែសីហាខាងមុខនេះ ។ សម្តេចតេជោបានសរសេរលើបណ្តាញសង្គម នៅថ្ងៃទី៣១ ខែកក្កដានេះថា សុខសប្បាយជាទេបងប្អូនជនរួមជាតិ? មកទល់ថ្ងៃនេះ សុខភាពខ្ញុំ (គ្រេចស្មា) ក៏កាន់តែល្អប្រសើររឹងមាំមានកម្លាំងថាមពលពេញលេញក្នុងការបំពេញការងារជូនជាតិ ។
សម្តេចតេជោក៏បានសរសេរទៀតថា នៅថ្ងៃសុក្រទី២ ខែសីហានេះ ខ្ញុំនឹងដឹកនាំប្រជុំគណៈរដ្ឋមន្ត្រីពេញអង្គដូចធម្មតា ។ ខ្ញុំសូមអរគុណសារជាថ្មីដល់បងប្អូនជនរួមជាតិដែលបានជូនពរខ្ញុំនឹងនៅជាមួយខ្ញុំបន្តថែក្សាការពារសន្តិភាព ដើម្បីប្រទេសជាតិយើងមានឱកាសអភិវឌ្ឍន៍កាន់តែរីកចម្រើនទៅមុខទៀត ។ ជាមួយគ្នានោះដែសម្តេចក៏បានជូនពរបងប្អូនជនរួមជាតិមានលាភជ័យ និងសំណាងល្អទាំងអស់គ្នា ជាពិសេសនៅក្នុងថ្ងៃឧបោសថសីលនេះផងដែរ ។
សូមជម្រាបថា កាលពីថ្ងៃទី២៩ ខែកក្កដានេះ សម្តេចបានឲ្យមានក្រុមប្រឆាំងមួយចំនួន បានប្រមាថចំពោះជីវិតសម្តេច ដោយអ្នកខ្លះថា សម្តេចធ្លាយពោះវៀន និងជំងឺធ្ងន់ធ្ងរហើយប ញ្ជូនទៅមន្ទីពេទ្យនៅក្រៅប្រទេសទៀតផង ។ យ៉ាងណាក្តីសម្តេចក៏បានបញ្ជាក់ទៅកាន់ក្រុមប្រឆាំងដែលប្រមាថជីវិតសម្តេចថា យមរាជមិនងាយយកជីវិតសម្តេចនោះទេ គឺទុកឲ្យសម្តេចនៅកម្ចាត់ពួកត្បត់ជាតិឲ្យអស់ ។ សម្តេចក៏ចំអកទៅកាន់ក្រុមប្រឆាំងកុំធ្វើនយោបាយចង់ឲ្យដៃគូរបាត់ជីវិតនោះមិនល្អទេ មិនមែនជាអ្នកនយោបាយនោះទេ ។លើសពីនេះសម្តេចក៏បានចំអកទៅកាន់មេបក្សប្រឆាំងថា បើធ្វើនយោបាយបែបនេះ មិនអាចឈ្នះសម្តេចបានឡើយ ៕កែសម្រួលដោយ ៖ សុឃាក់
ចែករំលែកព័តមាននេះ