ខេត្តព្រះសីហនុ-ស្រុកស្រែអំបិល៖ សេចក្តីរាយការណ៍ឱ្យដឹងថា គ្រោះថ្នាក់ចរាចរណ៍ដ៏រន្ធត់កើតឡើងមួយករណីទៀត កាលពីវេលាម៉ោង០៧ និង៣០នាទីព្រឹកថ្ងៃទី៣១ កក្កដា នេះ ស្ថិតលើកំណាត់ផ្លូវជាតិលេខ៤ (ចន្លោះគីឡូម៉ែត្រលេខ១៤៩-១៥០) ស្ថិតក្នុងភូមិអូរជ្រៅ…
ខេត្តព្រះសីហនុ-ស្រុកស្រែអំបិល៖ សេចក្តីរាយការណ៍ឱ្យដឹងថា គ្រោះថ្នាក់ចរាចរណ៍ដ៏រន្ធត់កើតឡើងមួយករណីទៀត កាលពីវេលាម៉ោង០៧ និង៣០នាទីព្រឹកថ្ងៃទី៣១ កក្កដា នេះ ស្ថិតលើកំណាត់ផ្លូវជាតិលេខ៤ (ចន្លោះគីឡូម៉ែត្រលេខ១៤៩-១៥០) ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះ កុង រវាងរថយន្តធុនធំ២គ្រឿងបុកគ្នាទាំងកំរោល ។
សេចក្តីរាយការណ៍បន្តថា រថយន្តកុងតឺន័រមួយគ្រឿង មានក្បាលពណ៌ត្រូយចេក របស់ក្រុមហ៊ុនផែស្ងួតតេងឡាយ ពាក់ស្លាកលេខភ្នំេពញ 3E-4842 មានទិសដៅពីខេត្តព្រះសីហនុ ឆ្ពោះទៅភ្នំពេញ អ្នកបើកបរឈ្មោះ សឿន រស្មី ភេទប្រុស អាយុ២៧ឆ្នាំ រស់នៅភូមិតាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ លុះមកដល់ចំណុចកើតហេតុ រថយន្តផ្ទុកកុងតីន័របានឡើងវ៉ារថយន្តមួយផ្សេងទៀត ក្នុងស្ថានភាពផ្លូវកោងក៏បុកនឹងរថយន្តបែនម៉ាកហុីណូ ក្បាលពណ៌.ស ពាក់ស្លាកលេខ ភ្នំពេញ3E-1712 ក្នុងទិសដៅបញ្ច្រាសទិសគ្នាបើកបរដោយឈ្មោះ កន សាវាត ភេទប្រុស អាយុ ២៥ឆ្នាំ រស់នៅភូមិទូល ឃុំស្វាយរំពារ ស្រុកបសេដ្ឋ ខេត្តកំពង់ស្ពឺ ។
ប្រភពបន្តថា ជាសំណាង ដែលហេតុការណ៍នេះ មិនបណ្តាលអោយឱ្យមានគ្រោះថ្នាក់ដល់អាយុជីវិតមនុស្សឡើយ ។ រីឯរថយន្តកុងតីន័រក្រឡាប់លើទ្រូងផ្លូវ ហើយភ្លាមៗ ត្រូវបានកំលាំងអាវុធហត្ថស្នាក់ការសន្តិសុខ ៤០២ សហការជាមួយកំលាំងរបស់អធិការដ្ឋាននគរបាលស្រុកស្រែអំបិល សម្រួលចរាចរណនៅកន្លែងកើតហេតុ ជួយបញ្ចៀសចរាចរមិនអោយមានការកកស្ទះ ។ វត្ថុតាងរថយន្តទាំងពីរ រងចាំរថយន្តស្ទូចយកទៅរក្សាទុកនៅអធិការដ្ឋាននគរបាលស្រុកស្រែអំបិល ដេីម្បីបន្តតាមនិតិវិធី ។ (សម្រួលដោយ ៖ ស្រីណា)
ចែករំលែកព័តមាននេះ