ខេត្តកំពង់ឆ្នាំង ៖ កម្លាំងសមត្ថកិច្ចចម្រុះ រួមមានអាជ្ញាធរក្រុងកំពង់ឆ្នាំង កងរាជអាវុធហត្ថក្រុង និងសមត្ថ កិច្ចជំនាញរដ្ឋបាលព្រៃឈើជិត២០នាក់ នៅព្រឹកថ្ងៃទី៣០ កក្កដា បានចុះត្រួតពិនិត្យទីតាំងកន្លែងធ្វើសន្និ
ធិស្តុកលក់ផល អនុផលព្រៃឈើចំនួន១១ទីតាំង ស្ថិតក្នុងក្រុងកំពង់ឆ្នាំង ដោយក្នុងនោះរកឃើញ៧កន្លែង ពុំមានច្បាប់អនុញាត្ត ហើយត្រូវបានមន្ត្រីជំនាញបិទការលក់ដូជាបណ្តោះអាសន្ន រង់ចាំមានលិខិតអនុញ្ញាត ចេញពីរដ្ឋបាលព្រៃឈើ និងមន្ទីរកសិកម្មជាមុនសិន ។
លោក ថោង វ៉ាន់វីរ៉ាវុទ្ឋី នាយខណ្ឌរដ្ឋបាលព្រៃឈើនៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំងបានថា នៅក្នុងខេត្តកំពង់ឆ្នាំង មានអ្នកធ្វើសន្និធិផល អនុផលព្រៃឈើចំនួន៤០កន្លែង ។ ក្នុងនោះ មាននៅក្នុងក្រុងកំពង់ឆ្នាំង ស្រុករលាប្អៀរ និងស្រុកបរិបូណ៌ចំនួន១៧កន្លែង, ស្រុកកំពង់ត្រឡាច និងស្រុកសាមគ្គីមានជ័យ២២កន្លែង និងស្រុកទឹកផុសចំនួន១កន្លែង។
នៅព្រឹកនេះ ក្រុមចម្រុះបានចុះត្រួតពិនិត្យ និងរកលិខិតស្នាមលើម្ចាស់អាជីវកម្ម លក់ផល អនុផលព្រៃឈើចំនួន១១ទីតាំង នៅក្នុងក្រុងកំពង់ឆ្នាំង ។ ជាលទ្ឋផល ក្នុងចំណោម១១កន្លែង បានរកឃើញ អ្នកលក់ឈើ គ្មានលិខិតធ្វើអាជីវកម្ម ចំនួន៧កន្លែង គ្មានច្បាប់អនុញ្ញាត្តិត្រឹមត្រូវ ពីរដ្ឋបាលព្រៃឈើ ។
ចំពោះអ្នកអាជីវកម្មគ្មានច្បាប់អនុញ្ញាត្តទាំងនេះ ត្រូវហាមឃាត់ការធ្វើអាជីវកម្មបន្ត ហើយមន្ត្រីជំនាញរបស់លោក នឹងណែនាំគាត់ អោយទៅសុំច្បាប់អនុញ្ញាត្តិ ធ្វើអាជីវកម្ម ពីមន្ត្រីជំនាញ ទើបបានអនុញ្ញាត្តិអោយលក់បន្ត ។តែបើគាត់មិនព្រមអនុវត្តតាមនោះទេ ដាច់ខាតក្រុមការងារចំរុះត្រូវតែបិទទីតាំងធ្វើសន្និធិស្តុកផល អនុផលព្រៃឈើរបស់ពួកគាត់ជាស្ថាពរតែម្តង ។ (សម្រួលដោយ៖ស្រីណា)
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ