ដំបូងបុសម្នាក់នេះរត់ចេញពីសង្គ្រាមនៃរបបប៉ុលពរត់ទៅជំរុំ ដើម្បីសុំតែចាកផុតពីរបបយ៉ុងឃ្នងកាប់សម្លាប់។ លោកតិក ង៉ូយ គឺជាអ្នកដែលបានរត់ទៅរស់នៅអាមេរិកតាំងពីអំឡុងឆ្នាំ១៩៧៦។ នៅប្រទេសជឿនលឿន លោកមិនដឹងថា ប្រើការរស់នៅបែបណាកាន់តែល្អ ប៉ុន្តែទីបំផុត លោកបានសម្រេចចិត្តចូលធ្វើការនៅហាងដូណាត់មួយកន្លែងដោយសន្សំប្រាក់បានមួយចំនួន…
ដំបូងបុសម្នាក់នេះរត់ចេញពីសង្គ្រាមនៃរបបប៉ុលពរត់ទៅជំរុំ ដើម្បីសុំតែចាកផុតពីរបបយ៉ុងឃ្នងកាប់សម្លាប់។ លោកតិក ង៉ូយ គឺជាអ្នកដែលបានរត់ទៅរស់នៅអាមេរិកតាំងពីអំឡុងឆ្នាំ១៩៧៦។ នៅប្រទេសជឿនលឿន លោកមិនដឹងថា ប្រើការរស់នៅបែបណាកាន់តែល្អ ប៉ុន្តែទីបំផុត លោកបានសម្រេចចិត្តចូលធ្វើការនៅហាងដូណាត់មួយកន្លែងដោយសន្សំប្រាក់បានមួយចំនួន ក៏សម្រេចចិត្តបើកហាងដូណាត់ផ្ទាល់ខ្លួនវិញម្តង។
ច្រើនឆ្នាំក្រោយមក លោក តឹក ង៉ូយ ត្រូវជាជនជាតិខ្មែរនៅអាមេរិកឱ្យរហស្សនាមថា ជាស្ដេចនំដូណាត់។ ខ្សែជីវិតរបស់លោកត្រូវបានផលិតករបរទេសយកមកផលិតជាភាពយន្តខ្នាតធំ ដែលតាមគម្រោង គឺចំណាយចន្លោះពី៥០ម៉ឺនទៅ១លានដុល្លារ។ សាច់រឿងនឹងក្លាយជាភាពយន្តនិយាយពីជនជាតិខ្មែរ និងពីកម្ពុជាថ្មីមួយទៀត ដើម្បីបង្ហាញឱ្យពិភពលោកកាន់តែស្គាល់ពីកម្ពុជាផងដែរ។
ក្នុងសន្និសីទសារព័ត៌មានកាលពីថ្ងៃទី២៩ ខែកក្កដា ឆ្នាំ២០១៩ នៅហាងកាហ្វេមួយស្ថិតនៅភ្នំពេញថ្មី ខ្សែភាពយន្តខ្នាតធំដែលផលិតដោយក្រុមផលិតភាពយន្តនៅសហរដ្ឋអាមេរិក ស្ដីពីភាពជោគជ័យរបស់ជនជាតិខ្មែរមួយរូប គឺរឿង The Donut King Ted Ngoy នឹងត្រូវបញ្ចប់ការថត នៅពេលដ៏ខ្លីខាងមុខនេះហើយ។ នេះជាភាពយន្តស្ដីពីជនជាតិខ្មែរទី២ហើយ ដែលត្រូវបានផលិតករបរទេសទិញសិទ្ធិផលិតជាភាពយន្ត បន្ទាប់ពីរឿង មុនដំបូងខ្មែរក្រហមសម្លាប់ប៉ាខ្ញុំ របស់តារាហូលីវូដ អ្នកនាង អែនជេលីណាជូលី។
លោក តឹក ង៉ូយ ដែលជាជនជាតិខ្មែរ និងជាម្ចាស់សាច់រឿងក្នុងភាពយន្តរឿង The Donut King Ted Ngoy បានថ្លែងបញ្ជាក់ថា ក្រោយពីលោកត្រូវបាននិរទេសទៅរស់នៅសហរដ្ឋអាមេរិក លោកបានបម្រើការនៅក្នុងហាងលក់នំដូណាត់ ហើយដោយការខិតខំប្រឹងប្រែងលោកបានថៅកែប្រគល់តំណែងជាអ្នកគ្រប់គ្រងហាងនៅរយៈពេល៣ខែក្រោយ។
បន្តបន្ទាប់មក លោកក៏ប្រឹងសន្សំលុយ ហើយទិញបានហាងដូណាត់មកធ្វើអាជីវកម្មផ្ទាល់ខ្លួន ដោយលោកប្រើពេលតែប៉ុន្មានឆ្នាំប៉ុណ្ណោះ ក៏ពង្រីកសាខាកើនដល់៧០-៨០ទីតាំង និងបានបំផុសឱ្យខ្មែរៗកាន់តែច្រើនបើកជំនួញលក់នំដូណាត់ រហូតធ្វើឱ្យហាងនំដូណាត់រាល់ថ្ងៃ គឺថៅកែជាជនជាតិខ្មែរ មិនក្រោម៨០ភាគរយ។
ដោយសារតែភាពជោគជ័យនេះ ទើបខ្សែជីវិតតស៊ីរបស់លោកត្រូវបានយកមកចងក្រងជាប្រលោមលោក ដែលមានឈ្មោះ The Donut King Ted Ngoy ជាភាសាអង់គ្លេស និងជាភាសាខ្មែរ ខណៈដែលប្រលោមលោកនេះ ក្រោយពីបោះពុម្ពលក់ ក៏ទទួលបានការគាំទ្ររហូតផលិតករមួយក្រុមនៅអាមេរិកសុំសិទ្ធិផលិតជាភាពយន្ត៕ (កែសម្រួលដោយ ៖ បុប្ផា)
ចែករំលែកព័តមាននេះ