អគ្គនាយិការូបស្រស់ ចែករំលែកបទពិសោធន៍ជោគជ័យក្នុងជំនួញ និងចែកពានរង្វាន់ដល់នារីខ្មែរជិត១០០នាក់
- ភ្នំពេញ
រាជធានីភ្នំពេញ ៖ កាលពីរសៀលថ្ងៃទី២៧ ខែកក្កដា ឆ្នាំ២០១៩ នេះ ក្រុមហ៊ុន ដាណា ទ្រី ខេមបូឌា…
រាជធានីភ្នំពេញ ៖ កាលពីរសៀលថ្ងៃទី២៧ ខែកក្កដា ឆ្នាំ២០១៩ នេះ ក្រុមហ៊ុន ដាណា ទ្រី ខេមបូឌា…
រាជធានីភ្នំពេញ ៖ កាលពីរសៀលថ្ងៃទី២៧ ខែកក្កដា ឆ្នាំ២០១៩ នេះ ក្រុមហ៊ុន ដាណា ទ្រី ខេមបូឌា ត្រេនដីង ខូអិលធីឌី បានរៀបចំកម្មវិធីចែករំលែកបទពិសោធន៍ និងប្រគល់ពានរង្វាន់ដល់នារីជាច្រើន ដែលជាអ្នកលក់ឆ្នើមនៃផលិតផល NNP។ កម្មវិធីនេះ ធ្វើឡើងនៅអគារ A នៃសាល The Premier Centre Sen Sok ដែលមានអ្នកចូលរួមជាង ១០០០នាក់មកពីគ្រប់ខេត្ត-រាជធានី ទូទាំងប្រទេសកម្ពុជា។
អ្នកស្រី ទ្រី ដាណា ក្រុមហ៊ុន ដាណា ទ្រី ខេមបូឌា ត្រេនដីង ខូអិលធីឌី បានឱ្យដឹងថា ការជួបជុំលើកនេះ គឺដើម្បីផ្លាស់ប្ដូរបទពិសោធន៍គ្នាទៅវិញទៅមក ក៏ដូចជាចែករំលែកវិធីសាស្ត្រក្នុងការធ្វើជំនួញផងដែរ។ អ្នកស្រី ទ្រី ដាណា ក៏បានរៀបរាប់ពីជីវិតពិត ដែលត្រូវគេមើលងាយ និងតស៊ូលំបាកគ្រប់បែបយ៉ាងមុនក្លាយជាម្ចាស់ក្រុមហ៊ុនដូចថ្ងៃ។
អគ្គនាយិការូបស្រស់ បានមានប្រសាសន៍ដូច្នេះថា «ពីមុនខ្ញុំធ្លាប់ត្រូវគេបដិសេធ មិនឱ្យយកឥវ៉ាន់លក់ ព្រោះខ្លាចជំពាក់មិនសង ពេលលក់មិនដាច់។ ពេលនោះខ្ញុំមិនខឹងគេទេ តែខ្ញុំបានប្រាប់ខ្លួនឯង ត្រូវខំប្រឹងជានិច្ច ហើយតែងសង្ឃឹមថ្ងៃណាមួយ ជីវិតនឹងផ្លាស់ប្ដូរ» ។
ប្រាកដណាស់ គ្រប់យ៉ាងមិនមែនអាចកើតមានត្រឹមតែមួយរាត្រីនោះទេ យ៉ាងណាមិញទម្រាំក្លាយជាស្ត្រីឆ្នើមមួយរូបក្នុងវិស័យផលិតផលរក្សាសម្រស់ អ្នកស្រី ទ្រី ដាណា បានហែលឆ្លងនូវបញ្ហាប្រឈមជាច្រើនក្នុងឆាកជីវិត ព្រោះអ្នកស្រីបានប្រើប្រាស់ការអនុវត្តជាជាងការបង្កើតត្រឹមតែទ្រឹស្តី ។
អ្នកស្រីបាននិយាយទៀតថា «គ្រប់យ៉ាងដែលមាននៅថ្ងៃនេះ មិនមែនជារឿងចៃដន្យទេ គឺជាអ្វីដែលខ្ញុំបានគិតទុក ហើយថែមទាំងខំប្រឹងធ្វើវារាល់ថ្ងៃ ដើម្បីឱ្យចេញលទ្ធផល។ អំឡុងពេលគ្រប់គ្នាកំពុងដើរ ខ្ញុំបានព្យាយាមរត់ រត់ដើម្បីចាប់ឱកាស ព្រោះដឹងថាឱកាសមិនមែនចេះតែកើតឡើងងាយៗនោះទេ» ។
ជាមួយគ្នានេះដែរ អ្នកស្រី ទ្រី ដាណា ក៏បានផ្ដាំដល់នារីខ្មែរទាំងអស់ ត្រូវពង្រឹងសមត្ថភាពផ្ទាល់ខ្លួន ត្រូវមានការងារ ឬរបររកស៊ីណាមួយសម្រាប់ខ្លួនឯង មិនគួរពឹងតែលើប្រាក់ខែ ឬកម្លាំងរបស់ប្ដីឡើយ។ អគ្គនាយិកាក្រុមហ៊ុនគ្រឿងសម្អាង និងជាម្ចាស់ហាងពេជ្ររូបនេះ បានបញ្ជាក់ទៀតថា ប្រសិនបើស្ត្រីខ្មែរណា ទាល់គំនិត មិនដឹងរកស៊ីអ្វី អាចទាក់ទងមកអ្នកស្រីបាន អ្នកស្រីនឹងប្រាប់ពីរបៀបលក់ ហើយចំណាយដើមទុនតិចបំផុត៕ (កែសម្រួលដោយ ៖ បុប្ផា)
ចែករំលែកព័តមាននេះ