ខេត្តព្រះសីហនុ និងខេត្តហៃណានប្រទេសចិន បានសហការគ្នាបើកសិក្ខាសាលាមួយស្តីអំពី «ការអភិវឌ្ឍវិស័យអាកាសចរណ៍ និងទេសចរណ៍ក្រុងព្រះសីហនុ និងខេត្តហៃណាន» ដែលបានរៀបចំឡើងនៃប្រទេសចិន កាលពីថ្ងៃទី១៥-១៩ ខែកក្កដា ឆ្នាំ…
ខេត្តព្រះសីហនុ និងខេត្តហៃណានប្រទេសចិន បានសហការគ្នាបើកសិក្ខាសាលាមួយស្តីអំពី «ការអភិវឌ្ឍវិស័យអាកាសចរណ៍ និងទេសចរណ៍ក្រុងព្រះសីហនុ និងខេត្តហៃណាន» ដែលបានរៀបចំឡើងនៃប្រទេសចិន កាលពីថ្ងៃទី១៥-១៩ ខែកក្កដា ឆ្នាំ ២០១៩ កន្លងទៅ ក្នុងគោលបំណងសំខាន់ៗ គឺផ្លាស់ប្តូរវិស័យទេសចរណ៍ វប្បធម៌ និងចែករំលែកព័ត៌មាន ព្រមទាំងស្វែងរកការអភិវឌ្ឍន៍រវាងខេត្តទាំងពីរ និងការសម្ពោធជើងហោះហើរត្រង់ពីខេត្តព្រះសីហនុ ទៅខេត្តហៃណាន ជាដើម ។
លើសពីនេះទៅទៀត កម្មវិធីនេះ ធ្វើឡើងក្នុងគោលបំណងផ្តល់ការយល់ដឹងទៅកាន់មន្ត្រីទេសចរ និងបណ្តាញផ្សព្វផ្សាយព័ត៌មាន ព្រមទាំងភាពជាដៃគូសហប្រតិបត្តិការជាយុទ្ធសាស្ត្រ និងបង្កើនមិត្តភាពរវាងខេត្តទាំងពីរនេះ ក៏ដូចជាការពង្រីកភ្ញៀវទេសចរទៅវិញទៅមកកាន់តែច្រើនផងដែរ ។
សូមបញ្ជាក់ផងដែរថា កម្មវិធីសិក្ខាសាលានេះ ប្រព្រឹត្តទៅក្នុងដំណើរកំសាន្តទស្សនកិច្ច ដែលបានសហការរៀបចំដោយ ក្រុមហ៊ុនវើលដ៍ផប ត្រាវែល-ធួរគ្រុប (World Pop Travel-Tours Group) ក្រុមហ៊ុនទេសចរណ៍ហៃណាន (Hainan Tourism Holders) និងក្រុមហ៊ុនអាកាសចរណ៍ហៃណានអ៊ែឡាញស៍ (Hainan Airlines)។
សូមជម្រាបផងដែរថា Haikou ជាទីក្រុងដែលមានវ័យក្មេងជាងគេនៅក្នុងប្រទេសចិន ដែលមានទីតាំងស្ថិតនៅភាគខាងជើងនៃកោះហៃណាន។ វាជាមជ្ឈមណ្ឌលសេដ្ឋកិច្ចនយោបាយ និងវប្បធម៌នៃខេត្តហៃណាន និងជាមជ្ឈមណ្ឌលដឹកជញ្ជូនផ្លូវទឹក ផ្លូវគោក និងអាកាស ។ ទន្ទឹមនឹងនេះដែរ ទីក្រុង Haikou គឺជាទីក្រុងទេសចរណ៍អន្តរជាតិមួយដែលមានទេសភាពត្រូពិច និងលក្ខណៈឆ្នេរសមុទ្រ ។
ឆ្នេរខ្សាច់ដែលមានពន្លឺព្រះអាទិត្យ និងស្ថិតនៅក្នុងតំបន់កោះភ្នំភ្លើងត្រូពិចនៃប្រទេសចិន និងមានរមណីយដ្ឋានវប្បធម៌ ព្រមទាំងជាកន្លែងកម្សាន្តជាច្រើនទៀតសម្រាប់អ្នកទេសចរសម្រាកលំហែកាយនៅក្នុងនិទាឃរដូវ ។ Haikou បានប្រើប្រាស់អត្ថប្រយោជន៍ភូមិសាស្ត្រយ៉ាងពេញលេញបន្តអភិវឌ្ឍផលិតផលទេសចរណ៍ថ្មីកែលម្អហេដ្ឋារចនាសម្ព័ន្ធទេសចរណ៍ និងបរិស្ថានសេវាកម្មទេសចរណ៍ ។
ដោយឡែកប្រទេសកម្ពុជា គឺជាកន្លែងដ៏សំខាន់មួយតាមរយៈ «ខ្សែក្រវាត់មួយ ផ្លូវមួយ ។ កំពង់ផែស្វយ័តក្រុងព្រះសីហនុ គឺជាកំពង់ផែទឹកជ្រៅធំបំផុត និងជាកំពង់ផែពាណិជ្ជកម្មសេរីនៅកម្ពុជា និងជាតំបន់សេដ្ឋកិច្ចពិសេសនៅឆ្នាំ២០១៨ ក្នុងកិច្ចព្រមព្រៀងសហប្រតិបត្តិការ ដែលបានចុះហត្ថលេខាដោយរដ្ឋាភិបាលនៃប្រទេសចិន និងកម្ពុជា។ ដោយបានចុះហត្ថលេខាលើអនុស្សរណៈយោគយល់គ្នាស្តីពីការពង្រឹងទំនាក់ទំនងមិត្តភាព និងសហប្រតិបត្តិការរវាងខេត្តហៃណាន និងខេត្តព្រះសីហនុ នោះគឺខេត្តទាំងពីរបានបង្កើតទំនាក់ទំនងកិច្ចសហប្រតិបត្តិការប្រកបដោយអត្ថប្រយោជន៍ និងមិត្តភាពទៅវិញទៅមក ។
Haikou ជាទីក្រុងរដ្ឋធានីនៃខេត្តហៃណានបានចូលរួមយ៉ាងសកម្មនៅក្នុង «ខ្សែក្រវាត់មួយ ផ្លូវមួយ» នៅក្នុងប៉ុន្មានឆ្នាំចុងក្រោយនេះ ។ នៅថ្ងៃទី១៧ ខែសីហាឆ្នាំ ២០១៧ Haikou បានបើកផ្លូវពាណិជ្ជកម្មដោយផ្ទាល់រវាងកំពង់ផែ Haikou និងកំពង់ផែខេត្តព្រះសីហនុ ហើយភាគីទាំងពីរបានក្លាយជាដៃគូយុទ្ធសាស្ត្រដ៏សំខាន់ក្នុងការលើកកម្ពស់ការស្ថាបនា «ខ្សែក្រវាត់មួយ ផ្លូវមួយ» ។
ជើងហោះហើរ Haikou និងខេត្តព្រះសីហនុ ត្រូវបានបើកដំណើរការនឹងធ្វើឱ្យកាន់តែស៊ីជម្រៅនូវការផ្លាស់ប្តូរ និងទំនាក់ទំនងកិច្ចសហប្រតិបត្តិការរវាងទីក្រុងនៃខេត្តទាំង ២ ដើម្បីពង្រឹងកិច្ចសហប្រតិបត្តិការទំនាក់ទំនងរវាងភាគីទាំងពីរពីធនធានដែលបំពេញបន្ថែមឱ្យគ្នា ការផ្លាស់ប្តូរភ្ញៀវទេសចរនឹងធ្វើឱ្យប្រសើរឡើងយ៉ាងពេញលេញនូវភាពងាយស្រួលនៃការផ្លាស់ប្តូរ និងកិច្ចសហប្រតិបត្តិការស្វែងយល់យ៉ាងជ្រាលជ្រៅពីឱកាសអាជីវកម្មនៅក្នុងទីផ្សារទេសចរណ៍រវាងខេត្តទាំងពីរលើកកម្ពស់ការដោះដូរពាណិជ្ជកម្ម ការអភិវឌ្ឍសេដ្ឋកិច្ច និងសង្គម ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ