ខេត្តរតនគិរី៖ សេចក្តីរាយការណ៍បឋមឱ្យដឹងថា ទីបំផុត ឃាតករដៃដល់ចាប់អារ.កសម្លាប់យុវជន
ម្នាក់ជាកូនប្រុសរបស់លោកអភិបាលស្រុកអូរជុំ ត្រូវកម្លាំងអាវុធហត្ថបំបែកបានហើយ ដោយឃាត់ខ្លួននៅ វេលាម៉ោង១១ និង៣០នាទីព្រឹកថ្ងៃទី២៨ កក្កដា ក្នុងភូមិលូត ឃុំទីងចាក់ ស្រុកបរកែវ ខេត្តរតនគិរី ចំណុចភូមិលូត ឃុំទីងចាក់ ស្រុករកែវ ខេត្តរតនគិរី ខណៈជនសង្ស័យពួនសម្ងំលាក់ខ្លួន ពេលនេះ ជនសង្ស័យបានកសាងសំណុំរឿងបញ្ជូនទៅតុលាការខេត្ត ដើម្បីចាត់ការតាមច្បាប់នារសៀលថ្ងៃទី២៩ កក្កដា នេះ ។ សូមរំលឹក៖ ករណីចាប់អារ.កសម្លាប់កូនប្រុសលោកអភិបាលរងស្រុក…អាចដឹងពន្លឺឆាប់
សេចក្តីរាយការណ៍បន្តថា ជនសង្ស័យឈ្មោះ ស ម៉ាកូ អាយុ១៩ឆ្នាំ ។ រីឯជនរងគ្រោះដែលស្លាប់ឈ្មោះ អេង រដ្ឋា អាយុ១៨ឆ្នាំ រស់នៅភូមិថារងជង ឃុំអូរជុំ ស្រុកអូរជុំ ជាកូនអភិបាលរងស្រុកអូរជុំ បានស្លាប់នៅជ្រុងខាងលិចមាត់បឹងកន្សែង ក្បែរខ្ទមអ្នកតា(ជួងបឹងកន្សែង)ក្នុងភូមិទេសអន្លុង សង្កាត់បឹងកន្សែង ក្រុងបានលុង ខេត្ត រតនគិរី បន្ទាប់ពីពួកគេបានណាត់គ្នាទៅប្រយុទ្ធនៅទីនោះ ។
ប្រភពពីកងរាជអាវុធហត្ថខេត្តរតនគិរីបានឱ្យដឹងថា ដោយឆ្លងតាមការស្រាវជ្រាវយ៉ាងយកចិត្តទុកដាក់ជាប្រចាំ ចាប់តាំងពីក្រោយពេលកើតហេតុនោះមក និងតាមការឱ្យដឹងពីដៃគូសពជនរងគ្រោះ ទើបកម្លាំងជំនាញកងរាជអាវុធហត្ថកំណត់មុខសញ្ញាបានរកអត្តសញ្ញាណជនសង្ស័យ ហើយតាមស្រាវជ្រាវរហូតឈានដល់ធ្វើការចាប់ខ្លួនបានតែម្តង ។ (សម្រួលដោយ៖ ស្រីណា)
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ