ខេត្តកំពត ៖ ចាប់ឈើដើមសុក្រំចំនួន២២កំណាត់ ត្រូវបានបញ្ជូនទៅកងរាជអាវុធហត្ថខេត្តកំពត ក្រោយកម្លាំងបានធ្វើការស្ទាក់ចាប់ឈើ កាលពីវេលាម៉ោង០៥ព្រឹកថ្ងៃទី២៨ កក្កដា នៅលើផ្លូវក្រាលក្រួសក្រហមមួយខ្សែ ស្ថិតក្នុងភូមិកំពង់ត្រាច ឃុំកំពង់ត្រាច ស្រុកកំពង់ត្រាច ។
លោកវរសេនីត្រីលាង ឈីវ មេបញ្ជាការកងរាជអាវុធហត្ថស្រុកកំពង់ត្រាចបានឱ្យដឹងថា បន្ទាប់ពីទទួលបានបទបញ្ជា កំលាំងអាវុធហត្ថតាមបណ្ដាស្រុកទាំងអស់ ក៏ចុះទប់ស្កាត់បទល្មើសព្រៃឈើ ។ ហើយនៅព្រឹកថ្ងៃទី២២ កក្កដា ក៏ចាប់បានមានប្រភេទវែង-ខ្លីជាច្រើន ។
លោកបន្តថា ឈើដែលចាប់បាននេះ គឺដឹកចេញពីស្រុកជុំគីរី ឆ្លងកាត់ស្រុកឈូក និងស្រុកដងទង់ចូលមកកាន់រោងសិប្បកម្មកែច្នៃមួយក្នុងស្រុកកំពង់ត្រាច។ ឈើកំណាត់ដឹកតាមរថយន្តច្នៃ ហើយអ្នកដឹកមិនបានគ្របបែបនេះ តើសំអាងទៅលើអ្វី? ហើយមន្ត្រីខាងណាខ្លះចាំយកលុយ?
លោកវរសេនីត្រីលាង ឈីវ បានប្រាប់អ្នកយកព័ត៌មានតាមទូរសព្ទ័ នៅវេលាថ្ងៃត្រង់ដដែលថា ទាំងឈើទាំងរថយន្តច្នៃខាងអាវុហត្ថបញ្ជូនទៅកាន់បញ្ជាការដា្ឋនកងរាជអាវុធហត្ថខេត្តចាត់ការទៅតាមផ្លូវច្បាប់។ (សម្រួលដោយ៖ ស្រីណា)
ចែករំលែកព័តមាននេះ