ណាក់ ស្រីណា នឹងចូលរួមប្រកួតបរវកញ្ញាលំដាប់អន្តរជាតិ
- ភ្នំពេញ
តារាសម្តែង ណាក់ ស្រីណា នឹងជាតំណាងកម្ពុជាក្នុងការប្រកួតបវរកញ្ញា Miss United Nation International Pageant ឆ្នាំ2019…
តារាសម្តែង ណាក់ ស្រីណា នឹងជាតំណាងកម្ពុជាក្នុងការប្រកួតបវរកញ្ញា Miss United Nation International Pageant ឆ្នាំ2019…
តារាសម្តែង ណាក់ ស្រីណា នឹងជាតំណាងកម្ពុជាក្នុងការប្រកួតបវរកញ្ញា Miss United Nation International Pageant ឆ្នាំ2019 នៅទីក្រុងតូរុនតូ ប្រទេសកាណាដា។ ការប្រកួតនឹងចាប់ផ្ដើមពីថ្ងៃទី21 ដល់ថ្ងៃទី25 ខែសីហា ឆ្នាំ២០១៩។
បើយោងតាមការប្រកាសពីអ្នករៀបចំកម្មវិធីបានបញ្ជាក់ថា យើងសូមប្រកាសបេក្ខភាពជាផ្លូវការរបស់កញ្ញា ណាក់ ស្រីណា តំណាងឲ្យព្រះរាជាអាណាចក្រកម្ពុជា ក្នុងកម្មវិធីប្រកួតបវរកញ្ញាពិភពលោក Miss United Nation International Pageant 2019, នៅ តូរ៉នតូ ប្រទេសកាណាដា។ ដំណឹងពីការចូលរួមក្នុងការប្រកួតសម្រស់ជាលក្ខណៈអន្តរជាតិរបស់ ណាក់ ស្រីណា នាពេលនេះបានធ្វើឱ្យមហាជន ប្រិយមិត្តគាំទ្រ ជាពិសេសសាម៉ិខ្លួនផ្ទាល់បានសម្តែងនូវក្តីរីករាយនិងមោនភាពបំផុត។
តារាសម្តែងដែលមានភាពស្រគត់ស្រគុំ ណាក់ ស្រីណា បានអះអាងថា នាងត្រូវបានជ្រើសរើសជាបេក្ខនារីតំណាងឱ្យនារីកម្ពុជា ដែលសកម្មក្នុងការបង្ហាញប្រពៃណីវប្បធម៌របស់ជាតិខ្លួន។ ពេលនេះនាងមានឱកាសបង្ហាញវប្បធម៌ដ៏ផូរផង់របស់កម្ពុជាលើឆាកអន្តរជាតិ ហើយសូមជួយលើកទឹកចិត្តនាងផង។
គេរំពឹងថា ណាក់ ស្រីណា នឹងធ្វើបានល្អសម្រាប់ឱកាសដ៏ពិសេសមួយនេះ ហើយឆាប់ៗខាងមុខនេះ នាងនឹងបាននាំយកវប្បធម៌ដ៏ផូរផង់របស់ខ្មែរទៅបង្ហាញនៅលើឆាកអន្តរជាតិ ប្រជែងជាមួយបណ្ដាប្រទេសផ្សេងៗទៀតជុំវិញពិភពលោក។
កញ្ញា ណាក់ ស្រីណា ជាពិធីការិនី និងជាតារាសម្ដែងស្រីដ៏ស្រស់ស្អាតមួយរូប ដែលទទួលបានការគាំទ្រយ៉ាងច្រើន ជាពិសេសកញ្ញាតែងបង្អួតសម្រស់ក្នុងឈុតសម្លៀកបំពាក់បែបបុរាណខ្មែរ និងប្រពៃណីជាច្រើងផងដែរ។ កត្តានេះហើយ ទើបធ្វើឱ្យកញ្ញាកាន់តែមានប្រជាប្រិយភាពថែមមួយកម្រិតទៀត ៕ (កែសម្រួលដោយ ៖ បុប្ផា)
ចែករំលែកព័តមាននេះ