ប្រទេសហ្វ៊ីលីពីន ៖ មានការរញ្ជួយដី២កើតមានបន្តបន្ទាប់គ្នា កាលពីថ្ងៃទី២៧ កក្កដា នៅភាគខាងជើងហ្វ៊ីលីពីន បណ្ដាលឲ្យប្រជាជននៃបណ្ដាកោះនៅភាគខាងជើងប្រទេសនេះមានការភ័យជ្រួលច្របល់។ ការរញ្ជួយដីទាំង២នោះមួយមានកម្លាំង៥,៤រីស្ទ័រនិងមួយទៀតមានកម្លាំង៥,៩រីស្ទ័រ កើតមានចន្លោះពេលគ្នាតែប៉ុន្មានម៉ោង ក្នុងខេត្តបាតាន…
ប្រទេសហ្វ៊ីលីពីន ៖ មានការរញ្ជួយដី២កើតមានបន្តបន្ទាប់គ្នា កាលពីថ្ងៃទី២៧ កក្កដា នៅភាគខាងជើងហ្វ៊ីលីពីន បណ្ដាលឲ្យប្រជាជននៃបណ្ដាកោះនៅភាគខាងជើងប្រទេសនេះមានការភ័យជ្រួលច្របល់។
ការរញ្ជួយដីទាំង២នោះមួយមានកម្លាំង៥,៤រីស្ទ័រនិងមួយទៀតមានកម្លាំង៥,៩រីស្ទ័រ កើតមានចន្លោះពេលគ្នាតែប៉ុន្មានម៉ោង ក្នុងខេត្តបាតាន និងបណ្ដាកោះតូចៗស្ថិតក្នុងដែនទឹកនៃកោះលូហ្សុង ជាកោះធំជាងគេរបស់ហ្វ៊ីលីពីន។ ការរញ្ជួយដីទាំង២នោះពុំបណ្ដាលឲ្យមានការប្រកាសអាសន្នស៊ូណាមីឡើយ។ ប្រជាជនដែលភ័យបាននាំគ្នារត់ចេញពីផ្ទះសម្បែងទាំងកណ្ដាលរាត្រី ហើយបណ្ដាអ្នកជំងឺត្រូវជម្លៀសចេញពីបណ្មន្ទីរពេទ្យ ខណៈការញ័ររង្គើឯទៀតៗមានជាច្រើនលើកក្នុងតំបន់នោះ។
បណ្ដាសារព័ត៌មានហ្វ៊ីលីពីនបានចេញផ្សាយបណ្ដារូបភាព បង្ហាញពីផ្លូវថ្នល់ទាំងឡាយត្រូវដាច់និងបណ្ដាអគាររលំបាក់។ បណ្ដាក្រុមអ្នកជួយសង្គ្រោះតាមរុករកអ្នកដែលអាចនៅរស់រានមានជីវិតជាយថាហេតុ ក្រោមគំនរបាក់បែកនៃផ្ទះនានាដែលបាក់។ អភិបាលក្រុងអុីតបាយ៉ាតក្នុងខេត្តបាតានថ្លែងថា មនុស្ស៨នាក់បានត្រូវស្លាប់ហើយប្រមាណជា៦០នាក់រងរបួស។ អភិបាលក្រុងរូបនោះពុំបានបញ្ជាក់ក្នុងពេលភ្លាមៗពីស្ថានភាពរបស់ពួកអ្នករបួសឡើយ។
ក្នុងខេត្តបាតានផ្ទះនានាភាគច្រើនកសាងពីថ្ម ដើម្បីអាចទប់ទល់នឹងខ្យល់ព្យុះដែលតែងកើតមានញឹកញាប់ក្នុងតំបន់នោះរៀងរាល់ឆ្នាំ៕ (កែសម្រួលដោយ ៖ បុប្ផា)
ចែករំលែកព័តមាននេះ