ក្រុងហុងកុង ៖ ភាពតានតឹងនៅពុំទាន់ធូរស្រាលនៅឡើយនៅក្រុងហុងកុង។ កាលពីថ្ងៃទី២៧កក្កដាបាតុករច្រើនពាន់នាក់ បានលើកគ្នាតវ៉ានៅតំបន់YUEN LONG ប្រឆាំងអំពើកម្រោលមកលើពួកសកម្មជនស្និទ្ធលទ្ធិប្រជាធិបតេយ្យ ពីសំណាក់ពួកជនពាក់ម៉ាសនិងអាវយឺតស ហើយប៉ូលិសបានប្រើគ្រាប់កៅស៊ូនិងបាញ់ឧស្ម័នបង្ហូរទឹកភ្នែក ប្រឆាំងពួកបាតុករប្រមានជា២០០នាក់នាពេលយប់។…
ក្រុងហុងកុង ៖ ភាពតានតឹងនៅពុំទាន់ធូរស្រាលនៅឡើយនៅក្រុងហុងកុង។ កាលពីថ្ងៃទី២៧កក្កដាបាតុករច្រើនពាន់នាក់ បានលើកគ្នាតវ៉ានៅតំបន់YUEN LONG ប្រឆាំងអំពើកម្រោលមកលើពួកសកម្មជនស្និទ្ធលទ្ធិប្រជាធិបតេយ្យ ពីសំណាក់ពួកជនពាក់ម៉ាសនិងអាវយឺតស ហើយប៉ូលិសបានប្រើគ្រាប់កៅស៊ូនិងបាញ់ឧស្ម័នបង្ហូរទឹកភ្នែក ប្រឆាំងពួកបាតុករប្រមានជា២០០នាក់នាពេលយប់។ តាមប្រភពមន្ទីរពេទ្យថា មនុស្ស៩នាក់រងរបួសក្នុងនោះ៥នាក់់របួសធ្ងន់។
កាលពីថ្ងៃទី២៧កក្កដា ពួកបាតុករបានលើកគ្នាមកព័ទ្ធជុំវិញស្ថានីយរថភ្លើងសំខាន់នៅYUEN LONG។ ប៉ូលិសក៏លើកគ្នាមកច្រើនដែរដើម្បីបំបែកពួកគេ ព្រោះបាតុកម្មនោះត្រូវប្រកាសថាខុសច្បាប់។ អ្នកតវ៉ាជាច្រើនក្រុមដែលពាក់មួកកាស់ហើយមានទាំងខែលផង បានគប់របស់របរនានា ដាក់កងកម្លាំងប៉ូលិសដែលតបតវិញជាមួយការបាញ់ឧស្ម័នបង្ហូរទឹកភ្នែកនិងគ្រាប់កៅស៊ូ។
ពួកអ្នកតវ៉ាបានការពារខ្លួនដោយប្រើឆ័ត្រ និងរត់គេចខ្លួនចេញ។ នាវេលាល្ងាច កងកម្លាំងប៉ូលិសប្រដាប់ដោយដំបងនិងខែលបានបន្តប៉ះទង្គិចជាមួយពួកបាតុករ។
កាលពីថ្ងៃទី១៤កក្កដាកន្លងទៅនេះមនុស្ស៤៥នាក់រងរបួស ដោយសារពួកជនដែលពាក់ម៉ាស់មុខនិងពាក់អាវយឺតស ប្រដាប់ដោយដំបងនិងព្រនង់ វាយប្រហារលើពួកបាតករក្នុងមេត្រូនៅYUEN LONG។ កងកម្លាំងប៉ូលិសបានចាប់ខ្លួនមនុស្ស១២នាក់ ក្នុងនោះ៩នាក់ទាក់ទិននិងពួកមនុស្សស្ថិតក្នុងក្រុមបាតដៃទី៣៕ (កែសម្រួលដោយ ៖ បុប្ផា)
ចែករំលែកព័តមាននេះ