ខេត្តកំពង់ចាម ៖ បើតាមសេចក្តីរាយការណ៍បានឱ្យដឹងថា ពិតជាគួរឲ្យសង្វេគណាស់ ដោយស្ត្រីម្នាក់មានជម្លោះឈ្លោះប្រកែកពាក្យសំដីជាមួយប្តីរបស់ខ្លួន ហើយក៏កើតជាហិង្សា ដោយប្តីយកដបសាំងមកស្រោចចាក់ដុតលើរាងកាយប្រពន្ធ បណ្តាលឲ្យរលាកក្រហល់ក្រ ហាយស្រែកយំ និងបង្កឲ្យមានការភ្ញាក់ផ្អើលដល់អ្នកជិតខាង។
បើតាមនគរបាលមូលដ្ឋានបានឱ្យដឹងថា បុរសជាប្តីឈ្មោះ ចាន់ តឿ អាយុ៣៥ឆ្នាំ មុខរបរកម្មករលីសែង និងស្ត្រីជាប្រពន្ធឈ្មោះ នួន អិត អាយុ៤២ឆ្នាំ រស់នៅភូមិថ្មគោល ឃុំរអាង ស្រុកកំពង់សៀម ។
នគរបាលមូលដ្ឋានប្រាប់ឲ្យដឹងនៅរសៀលថ្ងៃទី២៧ កក្កដា ២០១៩ ថា មុនកើតហេតុ កាលពីម៉ោង៨និង២០នាទីយប់ ថ្ងៃទី១៦ កក្កដា បុរសជាប្តីបានត្រឡប់មកពីផឹកស៊ីស្រវឹង ខណៈមកដល់លើផ្ទះក៏ហៅឲ្យប្រពន្ធរៀបបាយហូប ហើយប្រពន្ធមិនបានរៀបនោះទេ ដោយដេកនៅក្នុងមុង ។ ខណៈនោះប្តីខឹងក៏ស្តីបន្ទោសឲ្យប្រពន្ធ រួចក៏ឈ្លោះប្រកែកគ្នាទៅវិញទៅមក គួបផ្សំនឹងភ្លើងប្រចណ្ឌផងនោះ ប្តីបានយកដបសាំងកន្លះលីត្រសម្រា ប់ទុកចាក់កាណូតមកស្រោចលើរាងកាយប្រពន្ធ រួចយកដែកកេះដុតទាំងរស់តែម្តង ។
នគរបាលមូលដ្ឋានប្រាប់បន្តថា ក្នុងហេតុការណ៍ខាងលើនេះ បណ្តាលឲ្យមានការភ្ញាក់ផ្អើលដល់អ្នកជិតខាង និងផ្អើលដល់សមត្ថកិច្ចចុះមកចាប់បុរសជាប្តី រួចបញ្ជូនមកកាន់អធិការដ្ឋាននគរបាលស្រុកកំពង់សៀម ។
ចំណែកប្រពន្ធវិញត្រូវបានបញ្ជូនមកសង្គ្រោះនៅមន្ទីរពទ្យខេត្ត តែដោយស្ថានភាពរងគ្រោះធ្ងន់ពេកក៏បញ្ជូនបន្តទៅសង្គ្រោះនៅរាជធានីភ្នំពេញ ទោះបីជាគ្រូពេទ្យប្រឹងសង្គ្រោះក៏ដោយ ក៏មិនស ង្ឃឹមរស់ លុះរហូតដល់ម៉ោង៩និង៤០នាទីយប់ ថ្ងៃទី២៥ ខែកក្កដា ស្ត្រីរងគ្រោះបានស្លាប់ ហើយត្រូវសាច់ញាតិដឹកមកផ្ទះវិញ ដោយរៀបចំធ្វើបុណ្យតាមប្រពៃណី លុះនៅថ្ងៃទី២៦ កក្កដា ក៏ត្រូវបានយកទៅបូជា។
ចំណែកបុរសជាប្តីត្រូវបានបញ្ជូនទៅដាក់ពន្ធនាគារខេត្ត ដោយជាប់ចោទបទឃាតកម្ម ដោយចេតនា ។ ហើយកន្លងមកពីរនាក់ប្តីប្រពន្ធបានឈ្លោះគ្នាញឹកញាប់ ចាប់តាំងពីយកគ្នាប្តីប្រពន្ធបានរយៈពេលចំនួន៥ឆ្នាំមកហើយ ប្តីមិនធ្លាប់ត្រូវបានសមត្ថកិច្ចហៅមកអប់រំនៅប៉ុស្តិ៍នោះទេ។ ម្យ៉ាងវិញទៀតប្តីប្រពន្ធនេះមិនមានកូននឹងគេឡើយ ។ (កែសម្រួលដោយ ៖ បុប្ផា)
ចែករំលែកព័តមាននេះ